Ukrayna Prezidenti Vladimir Zelenski Ağ Evdə ABŞ Prezidenti Donald Trampla mübahisə etdikdən sonra Londonda keçirdiyi mətbuat konfransı zamanı jurnalistlərlə ingilis dilində ünsiyyət qurmamaq qərarına gəlib.

Axar.az Publika.az-a istinadla xəbər verir ki, bu barədə "Skay Nyus"un müxbiri Yalda Hakim məlumat yayıb.

Bildirilir ki, fevralın 28-də Ağ Evdə danışıqlar zamanı Zelenski tərcüməçi olmadan ingilis dilində danışsa da, Böyük Britaniyada “yalnız Ukrayna dilində” açıqlama verib.

Jurnalistin qeyd etdiyi kimi, Zelenskidən ingilis dilində danışması xahiş olunanda o, "Ukrayna dilində danışsam, daha yaxşı olar" deyə cavab verib və bu seçimi öz üstünlükləri adlandırıb.

Jurnalist hesab edir ki, bəzi ifadələr hazırlıqsız idi, ona görə də o, əmin olmaq istəyirdi ki, hamı başa düşsün və heç nə kontekstdən çıxarılmasın".

Xatırladaq ki, Londonu tərk etməzdən əvvəl britaniyalı jurnalistlərlə söhbətində Zelenski Ukraynanın sülh naminə ərazi güzəştlərinə getməyəcəyini, həmçinin Ağ Evdəki çəkişmənin nəticələrinin aradan qaldırılacağına əminliyini ifadə edib.