 |
 |
"Marketlərdə dərman vurulmayan broylerlər yetişdirilən toyuqlar satılır".
"İllərdir ki, "kənd yumurtası" adı altında əhalinin aldadılması davam edir.
O, böyük sevginin admıdır... Vətəni ürəyinin başında saxlaya biləcək qədər gücə malik olan bir sevginin... Doğmalarını, ətrafını, işini qoruya biləcək bir sevginin... Elə bu sevgidir onu həmişə ucalıqda saxlayan, VAR edən.
Düşünürəm ki, ürəyində Vətən eşqi, əllərində torpaq təravəti, yaşantılarında insan sevgisi olanlar necə də bəxtəvərdilər. Bəxtəvərdilər ona görə ki, onlar bir ömürlük zaman kəsiyində əsl Vətən aşiqi, əsl incan, əsl dost, əsl ziyalı olmağı bacarırlar. Bu ömür sahiblərinin yaşamı insanlara örnək ola biləcək qədər müqəddəsdir. Belələrinin yaşadıqları ömrün hər anı əsl ziyalılıq və dostluğun təcəssümüdür. Haqqında danışmaq istədiyim İbrahim Cəfərovun bütün ömrü bu müqəddəsliyin əhatəsində keçib. Ona görə də həmişə düşünürəm ki, yer kürəsi İbrahim Cəfərov kimi örnək ömür yaşayanların sayəsinə hələ öz məhvərindən çıxmayıb.
... O, həyatını mənalandırmağın yollarını öz fəaliyyətində tapacağına inamlı idi. İçində var olan İNAMın onu ömrün bütün dolaylarındakı sınaqlarından uğurla çıxaracağına tapınmışdı. Aradan illər ötəndən, yaş üstünə yaş gələndən sonra inamında nə qədər haqlı olduğunu təkcə özü yox,ətrafındakılar da gördü. Yaşanmış ömründə peşiman olacaq hər hansı xırdaca bir əməli belə olmadı. Tam açmasını bilmədiyimiz, həmişə nəyəsə, kiməsə nisbətdə müəyyən etmək istədiyimiz xoşbəxtlik deyilən bəlkə də elə budur... İnsanın içində formalaşan inamın gücü belə olurmuş. Mərhum xalq şairi Nəbi Xəzrinin misraları yada düşür:
Nə güclü olurmuş insan cahanda,
İnamı özünə qaytarılanda.
Uzun illər yaxından tanıdığım, bu gün haqqında fəxrlə, qürurla söhbət açdığım Bitki Mühafizə və Texniki Bitkilər Elmi-Tədqiqat İnstitutunun direktoru, AMEA-nın müxbir üzvi, professor İbrahim Cəfərov kimi belə maraqlı və şərəfli ömür sahibindən danışıram… Onun haqqında düşünəndə ilk ağlıma gələn bu fikir oldu: “Xalq üçün, Vətən üçün yaşanan əsl insan ömrüdür İbrahim müəllimin ömrü”. Heç də təsadüfi deyil ki, onu hamı zəhmətkeş, məsuliyyətli, öz işinə tələbkar yanaşan vəzifə sahibi, yaxşı mənada, mühafizəkar insan kimi tanıyır. Çalışdığı vəzifələrdə təşkilatçılığı və xeyirxahlığı ilə seçilib, həmişə kollektiv üzvlərinin sevgisini qazanıb. Söhbət hansı mərhələlərdən keçsə belə yenə də yazının əvvəlndə dediyimiz BÖYÜK SEVGİyə gəlib çıxırıq. İbrahim müəllim kimi çalışdığı sahələrdə kollektivin, yaşadığı yerlərdə insanların sevgisinə sahib olmaq üçün ta yaranışdan içində böyütməlisən o sevgini. Sən ürəyini, ətrafını sevgiyə bələməlisən ki, sevgi də həyatını mənalandırsın.
PROFESSOR İBRAHİM CƏFƏROVUN ÖMÜRLÜYÜNDƏN: İbrahim Cəfərov 20 yanvar 1956-cı ildə Naxçıvan Muxtar Respublikası Şərur rayonu Düdəngə kəndində anadan olub. 1974–1976-cı illərdə keçmiş Sovet Ordusu sıralarında həqiqi hərbi xidmət keçib.1979-cu ildə Azərbaycan Kənd Təsərrüfatı İnstitutunda dinləyici, 1980–1985-ci illərdə həmin institutda tələbə olub, "Bitki mühafizəsi" fakültəsini bitirib. 1985–1988-ci illərdə K. A. Timiryazev adına Moskva Kənd Təsərrüfatı Akademiyası "Fitopatologiya" kafedrasının əyani aspirantı olub. 13 fevral 1989-cu il həmin akademiyada namizədlik dissertasiyası müdafiə edib. 1989-cu ildən Kənd Təsərrüfatı İnstitutunda müəllim kimi işləməyə başlayıb. 1993-cü ildən 2002-ci ilə qədər Meyvə-Tərəvəzçilik və Üzümçülük fakültəsinin, sonra isə Aqronomluq və Torpaqşünaslıq fakültəsinin dekanı işləyib. 2005-ci ilin iyun ayında doktorluq dissertasiyasını müdafiə edib. Azərbaycan Respublikası Prezidenti yanında Ali Attestasiya Komissiyasının 2005-cı il tarixli qərarı ilə ona kənd təsərrüfatı elmləri doktoru, 2006-cı ildə isə professor elmi dərəcələri verilib.
Professor İbrahim Cəfərov 2009-2013-cü illərdə Azərbaycan Dövlət Aqrar Universitetinin tədris işləri üzrə prorektoru, 2013-2022-ci il tarixlərində isə Azərbaycan Dövlət Aqrar Universitetinin rektoru olmuşdur. 2014-cü ildən AMEA-nın müxbir üzvüdür.
İbrahim müəllim 6 oktyabr 2022-ci ildə Kənd Təsərrüfatı naziri İnam Kərimovun əmri ilə Bitki Mühafizə və Texniki Bitkilər Elmi-Tədqiqat İnstitutunun direktoru vəzifəsinə təyin olunub. 100-dən artıq elmi məqalə, 170 elmi əsər, 10 dərslik və dərs vəsaitinin, həmçinin 6 patent müəllifidr. İbrahim müəllimin rəhbərliyi altında 6 nəfər fəlsəfə, 1 nəfər isə elmlər doktoruluğunu müdafiə edib. Həmçinin Rusiyanın Miçurinsk, Qazaxıstan, Moldova və sair ölkələrin fəxri elmlər doktoru, Qazaxıstan Aqrar Akademiyasının akademikidir. 3-cü dərəcəli "Vətənə xidmət", ordeni, "Cümhuriyyət" medalı ilə təltif olunmuşdur. 4 övladı, 12 nəvəsi var.
Professor İbrahim Cəfərovun həyat yolu bu qədər zəngin və şərəflidir. İbrahim müəllimin və ətrafında olanların haqlı qənaətinə görə, ona həmişə ömür pillələrində inamla addımlamağa ilham verən özünün nəzəri bilikləri, təcrübəsi ilə yanaşı, həmişə haqqın-ədalətin yanında olması - bütün fəaliyyəti fəaliyyəti dövlətə, dövlətçiliyə və Heydər Əliyev ideyalarına göstərdiyi sədaqətdir.
AĞ YOLUN BƏMBƏYAZ MÜDRİKLİK TƏCƏSSÜMÜ…
Bu yolun başında Yaradanın hökmü var. Dünyada ən böyük hökm yarada bilməkdir. İbrahim Cəfərov da Tanrı hökmü ilə yarandı. Ona qarşıda yaşayacağı, yaradacağı bir ömür verildi. Rəhmətlik jurnalist Osman Mirzəyevin dediyi kimi, nə qədər yaşayacağını bilə bilməzsən, çünki səndən asılı deyil, amma necə yaşayacağın səndən asılıdır. İbrahim Cəfərov necə yaşayacağını çoxdan müəyyən edib. O, bilir ki, yaşantılarının, yaratdıqlarının xalqına, əhatənə səmərəsi dəymirsə, deməli heç yaşamamısan…
İbrahim Cəfərov bütün həyatını, elmini, müəllimliyini xalqının səadətinə həsr eləyən insanlar təmənnasız olurlar. Gözü, könlü toxluq mənəviyyat adamlarının səciyyəvi keyfiyyətidir. Düşünürəm ki, mənəviyyat, saflıq, sadəlik və əxlaqi dəyərlər insan dünyaya göz açanda onunla birlikdə doğulur. İbrahim müəllim kimi…
… Həyat ağrı-acısı, müşkülü-asanı ilə yaşananda möhtəşəm olur. Arxada qalan zaman kəsiyində gördüyün işlərin, əməllərin sənə qürurlanmağa haqq verirsə, deməli bu ömrü boşuna yaşamamasan. Yaşadıqların səni yaşadacaq qədər dəyərlidirsə, fəxr eləməyə haqqın var. Bu prizmadan yanaşanda İbrahim Cəfərov da yaddaşıma, ruhuma ağ yolun bəmbəyaz müdriklik təcəssümü kimi daxil oldu. Mənə elə gəlir ki, İbrahim müəllim həmişə, elə gəncliyində də beləcə müdrik görkəmdə, ahıl düşüncədə olub.
KÖMƏYİNƏ ÇATDIĞI HƏR KƏSİN ÜZÜNDƏ SEVİNC GÖRƏNDƏ…
… İbrahim Cəfərov kimi ziyalılar, böyük ürək sahibləri seçilmiş insanlardır. Onlar elə yer üzünə dünyanı səhmana salmaq üçün göndəriblər. Həyatını və fəaliyyətini xalqının səadətinə həsr etmiş, könlü tox, büllur kimi saf düşüncələri ilə insanların yoluna işıq salan, halallıq və dürüstlük kimi dəyərləri öz şəxsiyyətində birləşdiriən, qəlbində böyük Azərbaycan ideallarını yaşadanlara SEÇİLMİŞLƏRdən ayrı nə ad vermək olar... İbrahim müəllim kimi bir İNSANın ömür yolu haqqında böyük bir dastan yazmaq olar.
Böyük rus yazıçısı A. P. Çexov sanki İbrahim müəllim kimi insanların haqqında demişdir: “Cəmiyyətin ən şairanə və gülərüzlü şəxsiyyətləri olmaqla onlar həvəsləndirir, fərəhləndirir və nəcibləşdirirlər”. İbrahim müəllim öz peşəkarlığı və insanlara qayğıkeşliyi ilə seçilən insandır. Müxtəlif vəzifələrdə çalışdığı illərdə işinin müqəddəsliyini qoruyub saxlaya bilmişdir. Kömək etdiyi hər kəsin çöhrəsində sevinc görəndə özünü rahat hiss edir, həmin sevinci o da yaşayır…
ƏSL PEŞƏKAR
İbrahim Cəfərov bütün elmi uğurlarından, xeyirxahlıqlarından öndə dayanan bir dəyərə söykənib: O dəyər illərdir Azərbaycan müstəqilliyini qoruyub saxlayan, Azərbaycan həqiqətlərini dünyaya car çəkən, 44 günlük Zəfər Savaşında torpaqlarımızı düşmən işğalından qurtaran Ulu Öndər Heydər Əliyev siyasi kursuna sadiqliyidir.
O, heç bir təmənna güdmədən, vəzifədə olub-olmamağından asılı olmayaraq Azərbaycan Prezidenti İlham Əliyevə, dövlətə və dövlətçiliyimizə sadiqliyini həmişə sübut edib. Heç bir qüvvə onu heç vaxt əqidəsindən döndərə bilməz.Professor Heydər Əliyev kimi BÖYÜK İNSANA dəyər verməkdən zövq alır. İbrahim müəllim Ulu Öndərin siyasi kursuna sadiqliyi və prinsipial mövqeyi ilə həmişə seçilib.
Ulu Öndər haqqında professor İbrahim Cəfərovun düşüncələri də diqqətçəkəndir. O deyir ki, bəşər tarixində tək-tək nəhəng simalar - şəxsiyyətlər olub ki, onlar bütün şüurlu həyatını xalqının rifahı yolunda şam kimi əridib. Belə insanlar ümummilli lider səviyyəsinə yüksəlir. Bu adı qazanmaq üçün insan anadan fateh doğulmalıdır ki, qarşıdakı ən yüksək zirvəni fəth edə bilsin, həyatını xalqının yolunda şam kimi əritsin, ən çətin anlarında sinəsini soyuq nəzərlərə sipər etsin. Ümümmilli lider Heydər Əliyev məhz belə bir şəxsiyyət olub. O, öz tükənməz enerjisini son damlasına kimi xalqın, millətin yolunda istifadə etməklə, iyirminci əsrdə ikinci dəfə qazandığımız müstəqilliyi qoruyub-saxlamaqla, Azərb¬ay¬ca¬n həqiqətlərini dünyaya çatdırmaqla xalqın ümummilli liderinə çevrildi. Belə insanlara tarixi şəxsiyyət deyirlər. Ona görə yox ki, tarixin hansısa zaman kəsiyində yaşayıblar, ona görə ki, belə şəxsiyyətlər həm də öz titanik fəaliyyətləri ilə tarix yaradırlar - Vətən tarixini. Həyatı və fəaliyyəti ilə Azərbaycanın şərəf tarixinin qızıl səhifələrini yaratmış böyük Heydər Əliyev kimi.
Ulu öndər siyasi kursunun şərəfli davamçısı Prezident İlham Əliyevdən nümunə götürən İbrahim müəllimin böyüklüyü onun sadəliyində və insanlara insani münasibətindədir. Ona ümidlə müraciətə edən hər kəsə maksimum diqqət və qayğı ilə yanaşır, onların problemlərini müsbət həll edir, özünün dövlətimizə və Prezidentimizə inamını artırır. Əsl peşəkarlar məhz belə olur.
İBRAHİM MÜƏLLİMİN ÜRƏYİNİN İŞIĞI
İbrahim Cəfərov haqlı olaraq deyir ki, bir ömürdə qazandıqlarım içərisində ən dəyərlisi fəxr etdiyi ailəsidir. Həqiqətən onun gözəl ailəsi var. İbrahim Cəfərovun özündə cəmləşmiş bütün müsbət xüsusiyyətlər, təbii olaraq, ailə üzvlərinə sirayət edib. İbrahim müəllim qədər bizə doğmalaşan, müdrik məsləhətləri ilə yolumuza işıq saçan, qayğıkeşliyi və isti nəvazişi ilə qəlbimizi ovunduran, yorulmaz fəaliyyəti və millət qarşısında danılmaz xidmətləri ilə cəmiyyətimizdə baş tutan hər bir tədbirə rəng qatan, xüsusən də, sədaqətli dost olmağı bacaran elə bircə O özü oldu. Onun gördüyü işlər, xeyirxah məqsədi, savab əməlləri bu günümüz və gələcəyimiz üçün ibrət, həyat dərsidir.
Bu ailənin üzvləri doğulduğu kənddə və yaşadıqlqrı şəhərdə və onları tanıyanlar arasında yüksək nüfuza malikdirlər. Bu nüfuz elə-belə qazanılmayıb. Onlara bu nüfuzu qazandıran hər zaman çətinlikdə və ehtiyacı olan tanıdıqları insanların yanında olmaları və əllərindən gələn köməyi göstərmələridir. Bunlar hamısı İbrahim müəllimin ürəyinin işığıdır ki, nura dönüb ömür yollayına səpələnib.
Mənəvi dəyərlərimizə sadiqlik bu qayıkeş və gözəl ailə başçısının həyat amallarından biridir. İbrahim müəllim kimi insanların ömrünü mənalarından, şərəfləndirən amillərdən biri, bəlkə də birincisi həmişə el içində olmasıdır. Məhz belə insanlar öz xoşbəxtliklərini, səadətlərini, varlıqlarını Vətənə, xalqa ləyaqətlə xidmətdə görürlər. Onlar öz xalqının, millətinin mənəvi siması, genefondudurlar. Uzun illəri dostluğu, apardığım müşahidələr zamanı öyrənmişəm ki, o, əsl söz adamı, deyib-gülən, zarafatından qalmayan insandır. Söz-söhbətindən, şirin danışığından doymaq olmur...
“BÖYÜK İNSANLAR HƏYATIN MƏNASINI ÖZÜNDƏ, KİÇİK İNSANLAR ÖZGƏLƏRİNDƏ AXTARIR”
Çalın-çarpaq ömür yolunun 70-ci pilləsinə doğru addımlamaqdadır. Maraqlı və mənalı ömür yolunun xeyli hissəsi İbrahim Cəfərov üçün artıq şərəfli bir keçmişdir. Onun arxada qoyduğu altmış doqquz ilin kəhkəşanı Vətənə sədaqətlə xidmətində, insanların ürəyində ucaltdığı abidədə, bir ailəlik tabloda aydın görünür. Qarşıda hələ zəngin bir yol gözləyir. Böyük Çin filosofu Konfutsinin fikirləri yada düşür: “Böyük insanlar həyatın mənasını özündə, kiçik insanlar isə özgələrində axtarır”.
… İbrahim Cəfərov həyatın MƏNASInı özündə axtarıb tapdı, hər işdə, hər əməldə ÖZÜ oldu. Dünyada ÖZÜN olmaq qədər şərəfli nə ola bilər ki…
"1990-cı ilin yanvar ayının 19-dan 20-nə keçən gecə Bakıda törədilmiş qanlı Yanvar qırğını Azərbaycan xalqını eyni zamanda həm keçmiş "Dağlıq Qarabağ"ın Ermənistana birləşdirilməsinə qarşı çıxmasına görə, həm də özünün dövlət müstəqilliyini bərpa etməyə qalxdığına görə cəzalandırmaq məqsədilə keçmiş sovet imperiyası rəhbərliyinin törətdiyi insanlıq əleyhinə yönəlmiş hərbi cinayətdir".Bu fikri 20 Yanvar faciəsi ilə bağlı mətbuata verdiyi açıqlamasında Milli Məclisin deputatı Kamaləddin Qafarov səsləndirib.
Deputat bildirib ki, bu qanlı cinayət öncədən planlaşdırılmışdı və məqsədyönlü şəkildə Azərbaycana göndərilən ordu hissələrinin tərkibinə Stavropoldan, Rostovdan və Krasnodardan səfərbər edilmiş erməni zabit və əsgərləri, hərbi məktəblərdə təhsil alan erməni kursantları da cəlb edilmişdilər.
"Məhz bu çirkin məqsədlərini yerinə yetirmək üçün 1990-cı il yanvarın ortalarında SSRİ müdafiə və daxili işlər nazirliklərinin, habelə başqa xüsusi təyinatlı hərbi birləşmələrin 66 min nəfərdən çox əsgər və zabiti Bakı şəhərinə gətirilərək, Qala və "Nasoslu" aerodromlarında, Respublika stadionunda, Salyan kazarmasında yerləşdirilmişdilər. Azərbaycan xalqı yanvar ayının 19-dan 20-nə keçən gecə şiddətli hərbi təcavüzlə üzləşdi. Milli azadlıq və ölkəsinin ərazi bütövlüyü uğrunda mübarizəyə qalxmış dinc əhaliyə qarşı ordu hissələri yeridildi və yüzlərlə günahsız insan qətlə yetirildi. Ölkəmizin və xalqımızın tarixinə Qanlı Yanvar faciəsi kimi daxil olmuş həmin hadisələrdən bu gün 35 il keçir. 20 Yanvar hadisələri XX əsrdə xalqımıza qarşı davamlı olaraq həyata keçirilən təcavüzkar siyasətin ən bariz təzahürlərindən biri idi".
K.Qafarov fikirlərini davam edərək bildirib ki, keçmiş sovet ordusunun xüsusi təyinatlı dəstələrinin və daxili qoşunların iri kontingentinin Bakını zəbt etməsi xüsusi qəddarlıqla müşayiət edilmişdir:
"Həmin vaxt fövqəladə vəziyyətin yanvarın 20-də saat 00-da tətbiq edilməsinə baxmayaraq, qoşun hissələri yanvarın 19-da saat 21-dən etibarən birinci olaraq Türkan-Qala tərəfdən şəhərə yeridildi. "Mülki və siyasi hüquqlar haqqında" Beynəlxalq Paktın birinci bəndinə əsasən, fərman imzalandığı andan fövqəladə vəziyyətin tətbiqi və müddətləri barədə əhaliyə rəsmi xəbərdarlıq edilməlidir. Lakin tətbiq edilmiş fövqəladə vəziyyət haqqında əhali xəbərdar edilmədi. 1990-cı ilin yanvar ayının 20-nə keçən gecə SSRİ-nin o dövrki rəhbəri Mixail Qorbaçovun əmri ilə Bakıya və Azərbaycanın bir neçə rayonuna yeridilən qoşun hissələri dinc əhalini təkcə küçə və meydanlarda deyil, hətta öz evlərində belə, ağır texnikadan və iriçaplı silahlardan atəşə tutaraq kütləvi şəkildə qətlə yetirmişlər. Nəticədə təkcə Bakıda və ətraf rayonlarda 131 nəfər öldürülüb, 744 nəfər yaralanıb. Həlak olanların arasında qadınlar, uşaqlar və qocalar, həmçinin təcili yardım işçiləri və milis nəfərləri də olub. Ümumilikdə isə, Azərbaycanın 150 nəfər "20 Yanvar şəhidi" vardır. Hər zaman olduğu kimi, millətin ən ağır günlərində öz xalqının yanında olan, onun dərdini bölüşən Ulu Öndər Heydər Əliyev 20 Yanvar faciəsinə də ilk olaraq qəti etirazını bildirmiş, bu qanlı cinayətə siyasi qiymət verərək, hətta imperiyanın mərkəzində olmasına rəğmən SSRİ rəhbərliyini ittiham etməkdən belə çəkinməmişdir. Faciədən dərhal sonra - 1990-cı il yanvarın 21-də Ümummilli Lider Heydər Əliyev ailə üzvləri ilə birlikdə Azərbaycanın Moskvadakı daimi nümayəndəliyinə gələrək doğma xalqı ilə həmrəy olduğunu nümayiş etdirmiş, SSRİ rəhbərliyinin törətdiyi bu qanlı təcavüzə kəskin etirazını bildirərək həmin əməliyyata rəhbərlik edənləri ifşa etmişdi. 20 Yanvar faciəsi ümumxalq hüznü olmaqla yanaşı, həm də Azərbaycan xalqının mübarizə salnaməsində bu millətin yenilməzliyini və mətinliyini nümayiş etdirən qürur doğuran bir səhifə oldu. Məhz bu hadisədən sonra Azərbaycanda sovet imperiyası özünün bütün mənəvi və sosial dayaqlarını tamamilə itirdi".
K.Qafarov Ulu Öndər Heydər Əliyevin təşəbbüsü ilə 20 Yanvar faciəsinə Milli Məclis səviyyəsində ilk dəfə 1994-cü ildə hüquqi-siyasi qiymət verildiyini vurğulayaraq deyib:
"Xalqın təkidli tələbi ilə Azərbaycana ikinci dəfə rəhbərliyə gəlişindən Heydər Əliyev həmin dövrün mürəkkəbliyinə baxmayaraq, 20 Yanvar faciəsinin başvermə səbəbləri və günahkarların araşdırılması ilə yaxından məşğul oldu. Görülən işlər nəticəsində tezliklə bütün həqiqətlər üzə çıxdı. Ümummilli Lider Heydər Əliyevin təşəbbüsü ilə Naxçıvan Muxtar Respublikasının Ali Məclisi 20 Yanvar faciəsinə ilk siyasi qiymət verən 21 noyabr 1990-cı il tarixli qərar qəbul etmişdir. Bundan 4 il sonra, 1994-cü ilin mart ayının 29-da yenə də Ulu Öndərin təşəbbüsü və göstərişləri ilə Azərbaycan Respublikasının Milli Məclisi "1990-cı il yanvarın 20-də Bakıda törədilmiş faciəli hadisələr haqqında" Qərar qəbul etdi. Milli Məclisin həmin qərarında qanlı 20 Yanvar hadisələri Azərbaycan xalqına qarşı totalitar kommunist rejimi tərəfindən hərbi təcavüz və cinayət kimi qiymətləndirildi. Bu gün Azərbaycanda Ölkə Prezidenti cənab İlham Əliyevin təşəbbüsləri sayəsində 20 Yanvar hadisələri ilə əlaqədar əlilliyi olan şəxslər və şəhid ailələri üçün zəruri sosial müdafiə sistemi formalaşıb. Azərbaycan xalqı doğma Vətənimizin müstəqilliyi uğrunda canlarından keçmiş oğul və qızlarını heç zaman unutmayacaq".
Nazim EynallıAAYDA 19 N-li Xüsusi Təyinatlı Yol İstismar MMC-nin Direktoru
Qanlı yanvar faciəsi xalqımızın yaddaşında hüzn və kədər, qürur və qəhrəmanlıq səhifəsi kimi qalıb. Bəli, 1990-cı il yanvarın 19-dan 20-nə keçən gecə şəhidlərin qanı ilə Azərbaycanın yeni tarixi yazılıb. Beləliklə, həmin hadisə xalqımızın qəhrəmanlıq dastanına ən parlaq səhifələrdən biri kimi daxil olub.
Dövlət müstəqilliyimizin bərpası, azadlığımız üçün ilk növbədə 20 Yanvar şəhidlərinə borcluyuq.
20 Yanvar faciəsinin ertəsi günü o vaxt Moskvada yaşayan Ulu Öndər Heydər Əliyev Azərbaycanın Rusiyadakı daimi nümayəndəliyinə gəlib, burada xalqımızın kədərini bölüşüb və kommunist rejiminin respublikamızda həyata keçirdiyi qanlı aksiyanı qətiyyətlə pisləyən bəyanatla çıxış edib. Ümummilli liderin bu addımı xalqımıza güc verib, ona dayaq və dəstək olub.
1990-cı il yanvarın 22-də paytaxt Bakıdakı dağüstü parkda müxtəlif millətlərdən olan qadınlar, qocalar və uşaqların dəfn edildiyi Şəhidlər xiyabanı salınıb. Elə o günü binaların damlarında hərbçilər tərəfindən quraşdırılmış pulemyotların müşayiəti ilə yüz minlərlə Bakı sakini güllələnən dinc insanların dəfnində iştirak edib. 20 Yanvar faciəsi qurbanları müstəqillik uğrunda mübarizə qəhrəmanları kimi dəfn olunub.
Eyni zamanda, 2000-ci ildə Ulu Öndər Heydər Əliyevin fərmanı ilə “20 Yanvar Şəhidi” fəxri adı təsis olunub. Məhz, Yanvarın 20-si Azərbaycanda Ümummilli hüzn günü elan edilib. Hərbirimizə məlumdur ki, hər ilin bu günündə ölkəmizin bütün guşələrində xatirə tədbirləri keçirilir. Bakıda isə yüz minlərlə insan 20 Yanvar qurbanlarının xatirəsini yad etmək üçün Şəhidlər xiyabanına axışır.
Sözün əsl mənasında, 20 yanvar hadisələri nəticəsində Sovet imperiyası Azərbaycanda özünün bütün siyasi və hüquqi dayaqlarını itirdi. Beləliklə onların məkrli niyyətləri ifşa oldu. Yanvar hadisələrindən sonra Azərbaycan xalqı daha bir gerçəkliyin şahidi oldu. Xalqın mübarizəsini, tökülən qanı siyasi niyyətləri üçün alətə çevirən Azərbaycan Xalq Cəbhəsinin başında duranların iç üzü açılmağa başladı. Belə ki, Qanlı Yanvar hadisələrinə siyasi qiymət verilməsi tələbi ilə dəfələrlə çıxış edən Azərbaycan Xalq Cəbhəsi hakimiyyətə gəldikdən sonra bu mövzunu unutdu. Təəssüf ki, onlar hakimiyyətdə olduğu dövrdə faciəyə siyasi qiymət vermək üçün öz imkanlarından istifadə etmədilər.
Ancaq Qanlı 20 Yanvar faciəsinə dövlət səviyyəsində tam siyasi-hüquqi qiymət verilməsi məsələsi, Azərbaycan xalqının xilaskarı Ümummilli Lider Heydər Əliyevin sayəsində həllini tapdı.
Faciənin ertəsi günü yəni, yanvarın 21-də Heydər Əliyev Azərbaycanın Moskvadakı daimi nümayəndəliyinə gələrək xalqla birgə olduğunu bildirdi, 20 Yanvar faciəsinə siyasi qiymət verdi, onun hüquqa, demokratiyaya, humanizmə zidd olduğunu, mərkəzin və ozamankı respublika rəhbərlərinin xəyanəti üzündən baş vermiş siyasi səhv olduğunu bəyan etdi. Heydər Əliyev bütün təhlükələrdən çəkinməyərək Sovet hakimiyyətinin “20 Yanvar” əməlinə etiraz edərək Azərbaycan xalqının başına gətirilən qanlı faciənin ilk siyasi-hüquqi qiymətini verdi: “Mən bu faciəyə həmişə ürəkdən yanaraq həm də vətəndaşlıq borcumu yerinə yetirməyə çalışmışam və bu gün də həmin mövqedəyəm, sabah da həmin mövqedə olacağam. Birinci növbədə, ədalət naminə, eyni zamanda, Azərbaycan xalqının namusunu, şərəfini, milli mənliyini qorumaq naminə”. Ulu Öndər həmçinin Bakıya rus ordusunun yeridilməsi ilə bağlı SSRİ rəhbərliyinin qərarını kəskin tənqid edərək, rəsmi açıqlamanı tələb etdi. Bununla yanaşı
Ümummilli Liderin təşəbbüsü ilə 1990-cı il noyabrın 21-də Naxçıvan Muxtar Respublikasının Ali Məclisində 20 Yanvar faciəsinə ilk dəfə siyasi-hüquqi qiymət verən qərar qəbul edildi. Eyni zamanda, 1994-cü il martın 29-da Heydər Əliyevin təşəbbüsü ilə qanlı yanvar faciəsinə ali qanunvericilik orqanı – Milli Məclis səviyyəsində ilk dəfə siyasi-hüquqi qiymət verildi. Milli Məclisin qəbul etdiyi Qərarda 20 yanvar faciəsinin günahkarları konkret qeyd olundu və bu qanlı aksiya Azərbaycanda milli azadlıq hərəkatını boğmaq, xalqın inamını, iradəsini qırmaq üçün totalitar kommunist rejimi tərəfindən törədilmiş hərbi təcavüz və cinayət kimi qiymətləndirildi.
Ümummilli Lider vaxtilə Qanlı Yanvar hadisələrini belə səciyyələndirirdi. Ulu Öndər böyük uzaqgörənliklə deyirdi ki, biz o günlərdən nə qədər çox uzaqlaşsaq, həmin günlərin Azərbaycan xalqının tarixində necə mühüm yer tutduğunu bir o qədər dərindən dərk edəcəyik. Lakin bir şey həqiqətdir ki, 1990-cı ilin 20 yanvarı Azərbaycan xalqının həyatında dönüş mərhələsi, dönüş nöqtəsi oldu. Məhz, həmin günü xalqımız öz azadlığı və müstəqilliyi uğrunda ilk şəhidlərini verdi. Azadlığa gedən yolda həyatlarını qurban verən Vətən övladları misilsiz fədakarlıqları ilə xalqımızın qəhrəmanlıq salnaməsinə yeni parlaq səhifə yazdılar. Xalqın birliyi və milli ləyaqət hissi top-tüfəngə qalib gəldi və bu, 20 Yanvarı səciyyələndirən ən mühüm məqamlardan biri oldu. Bəli, Ümummilli Liderimizin dediyi kimi, 20 Yanvarın tariximizdə tutduğu yeri bu gün daha aydın görürük. 20 Yanvar günü xalqımızın tarixinin həm faciəli səhifəsi, həm də qəhrəmanlıq, rəşadət səhifəsidir.
Əvvəlcə depozit ödəniş tələb edilir, bank hesabı kartı nömrəsi göndərilir...
2025-ci ilin fevral ayının 13-də Dövlət İmtahan Mərkəzi tərəfindən xüsusi hazırlıq keçmiş taksi minik avtomobili sürücüləri üçün növbəti dəfə imtahan keçiriləcək.
Bu barədə Axar.az-a Dövlət İmtahan Mərkəzindən məlumat verilib.
Bildirilib ki, avtomobil nəqliyyatı ilə beynəlxalq sərnişin və yük daşımaları fəaliyyətinin operatorunun məsul şəxsləri və beynəlxalq yük daşımalarını həyata keçirən sürücülərin xüsusi hazırlığının nəticələrinin qiymətləndirilməsi məqsədilə də imtahanlar təşkil olunacaq.
İmtahanda iştirak etmək istəyən hazırlıq keçmiş şəxslər ilk növbədə DİM-in internet saytında “Şəxsi kabinet” yaratmalı (kabineti olmayanlar) və 13 yanvar saat 14:00‑dan 31 yanvar saat 18:00-dək müvafiq olaraq aşağıdakı xidmətlər vasitəsilə qeydiyyatdan keçməlidirlər:
1. Taksi minik avtomobillərinin sürücülərinin etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlara dair xüsusi hazırlığının qiymətləndirilməsi üzrə test imtahanında iştirakı üçün qeydiyyat
2. Beynəlxalq yük daşımalarını həyata keçirən sürücülərin hazırlığı və yenidən hazırlığının qiymətləndirməsi üzrə test imtahanında iştirakı üçün qeydiyyat
3. Avtomobil nəqliyyatı ilə beynəlxalq sərnişin və yük daşımaları fəaliyyətinin operatorunun məsul şəxslərinin hazırlığı və yenidən hazırlığının qiymətləndirməsi üzrə test imtahanında iştirakı üçün qeydiyyat
“Şəxsi kabinet”in yaradılması və hesaba lazımi vəsaitin əlavə olunması qaydaları ilə bağlı təlimatlar yuxarıdakı keçidl’rə yerləşdirilib.
İmtahanda iştirak ödənişlidir. Namizədlər “Şəxsi kabinet” yaratdıqdan sonra həmin kabinetin pul hesabına imtahanda iştirak etmək üçün tələb olunan vəsaiti əlavə etməlidirlər. Qeydiyyatdan keçmiş imtahanda iştirak etməyən namizədlərin ödədiyi məbləğ geri qaytarılmır.
Test imtahanları Dövlət İmtahan Mərkəzinin elektron imtahanlar korpusunda (Bakı şəhəri, Binəqədi rayonu, S.S.Axundov, 108. TÜRKPA-nın yanı, o cümlədən taksi sürücüləri üçün DİM-in Gəncə Regional bölməsində) kompüterlər vasitəsilə keçiriləcək. Namizədlər “İmtahana buraxılış vərəqəsi”ni qeydiyyat prosesi başa çatdıqdan sonra, imtahana 3-4 gün qalmış DİM-in saytından "Elektron imtahanlara buraxılış vərəqələri və nəticələrin çapı" xidməti vasitəsi ilə çap edə biləcəklər.
İmtahanların davametmə müddəti 1 saatdır. İmtahan zamanı taksi minik avtomobili sürücülərinə xüsusi hazırlığın proqramını əhatə edən, etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlara dair 20 test tapşırığı, avtomobil nəqliyyatı ilə beynəlxalq sərnişin və yük daşımaları fəaliyyəti operatorunun məsul şəxsləri və beynəlxalq yük daşımalarını həyata keçirən sürücülərə isə peşəkarlıq səriştəsinə dair 25 test tapşırığı təqdim ediləcək. Hər tapşırığın düzgün cavabı 1 balla qiymətləndirilir. Səhv cavablar düzgün cavabların nəticəsinə təsir göstərmir. 10 və daha çox bal toplamış taksi minik avtomobili sürücüləri, 15 və daha çox bal toplamış beynəlxalq sərnişin və yük daşımaları fəaliyyəti operatorunun məsul şəxsləri və beynəlxalq yük daşımalarını həyata keçirən sürücülər imtahanı müvəffəqiyyətlə vermiş sayılırlar və onlara müvafiq şəhadətnamələr təqdim ediləcəkdir.
Qeyd edilib ki, “Avtomobil nəqliyyatı haqqında” Azərbaycan Respublikasının Qanununa uyğun olaraq avtomobil nəqliyyatı ilə beynəlxalq sərnişin və yük daşımaları fəaliyyəti operatorunun məsul şəxsləri, habelə beynəlxalq sərnişin və yük daşımalarını həyata keçirən sürücülər peşəkarlıq səriştəsinə dair təsdiq olunmuş proqram üzrə hazırlıq və yenidən hazırlıq keçirlər. Eyni zamanda ümumi istifadədə olan avtomobil nəqliyyatı ilə ölkədaxili sərnişin və yük daşımalarını yerinə yetirən sürücülər peşə fəaliyyətinə və davranışına, habelə iş və istirahət rejiminin xüsusiyyətlərinə, yük və sərnişin daşımalarını tənzimləyən normativ hüquqi aktlara dair, eləcə də taksi minik avtomobillərinin sürücüləri etik davranış və avtomobil nəqliyyatı ilə sərnişin daşımalarını tənzimləyən normativ hüquqi aktlara dair təsdiq olunmuş proqramlar üzrə xüsusi hazırlıq keçirlər.
Hazırlığın təşkili və keçirilməsi Azərbaycan Yerüstü Nəqliyyat Agentliyi, Peşə Təhsili üzrə Dövlət Agentliyi, habelə mülkiyyət və təşkilati-hüquqi formasından asılı olmayaraq təhsil müəssisələri tərəfindən müqavilə bağlanılmaqla təmin edilir.
Məlum olduğu kimi, Azərbaycan Respublikasının Prezidentinin müvafiq Fərmanı ilə tədrisin nəticələrinə dair qiymətləndirmənin aparılması və aparılmış qiymətləndirməyə əsasən, müvafiq sənədlərin verilməsi Dövlət İmtahan Mərkəzinə həvalə edilib.
Zərdab və Mingəçevirin icra başçısı işləmiş “Qafqazinfo”nun məlumatına görə, eks-icra başçısının oğlu hakim qarşısına zərərçəkmiş qismində çıxıb.
Söhbət Babəli Babayevin 2 milyonluq əmlakını dələduzluqla ələ keçirməkdə ittiham olunan “Uniklinika”nın baş həkimi Aruz Əliyev və onun dostu Ehtiram Kərimovun cinayət işindən gedir.
İttihama görə, Babəlinin 1 milyon manat vergi olub. Aruzla Ehtiram da ona ölkədən qaçmağı məsləhət görüblər. Daha sonda təqsirləndirilənlər Babəlinin Türkiyəyə qaçmasını təşkil ediblər. Bundan sonra Babəlinin onlara etibarnamə əsasında idarə etmə hüququ verdiyi ev və başqa əmlakı satıb pulunu ələ keçiriblər.
Amma təqsirləndirilən şəxslər ittihamı qəbul etmirlər. Deyirlər ki, əmlaklar keçmiş icra başçısının oğlunun istəyi ilə satılıb, pullar öz işlərinə xərclənib.
Fotoda: Lütvəli Babayev
Bakı Ağır Cinayətlər Məhkəməsində keçirilən budəfəki iclasda Babəli Babayev ifadə verib. O, şüşə qəfəsdə əyləşən hər iki müttəhimin onun başına oyun açdığını deyib: “Məlum olduğu kimi mənim vergi borcum var idi. Bu məsələ ilə bağlı Aruzla tez-tez görüşürdüm. Sonra elə oldu ki, məni Türkiyəyə göndərməsinə razılaşdıq. Dedi ki, Ehtiram gələcək əmlakları idarə etmək üçün ona etibarnamə ver. Sonra bildim ki, hər iki əmlak satılıb.
Azərbaycanda qeyd edilənləri araşdırdım. Dedim ki, heç olmasa evimi geri qaytarın. 600 minlik evim Aruzun adında idi. Ev yoxdur. Gah dedi ki, 900 min manat vergiyə vermişəm, gah dedi ki, nişana vermişəm. Ortada heç bir sübut yoxdur. Soruşuram ki, obyekti hansı notariusda alqı-satqı etdirmisən? Demir. Yaxşı, 570 min manat hanı? Xahiş edirəm, pulu kimə verib desin. Bilmək istəyirəm, 2 milyon manat kimə və ya hara verilib?”
Zərərçəkmişin dedikləri təqsirləndirilən Ehtiram Kərimovu özündən çıxarıb: ”Düz danış, kəfənini əyninə geyinib gəlmişdin. Səni pis vəziyyətdən çıxardıq. Sənə etdiklərim gözündən gəlsin. Tüfeyli kimi hotellərdə qalmışdın. Bir ildir, mən burada girovam”.
Fotoda: Aruz Əliyev
(1).jpg)
Məhkəməyə sədrlik edən hakim Mahirə Kərimova bu sözlərinə görə Ehtirama xəbərdarlıq edib.
İfadədəsinin sonunda Babəli Babayev başına gələnlərdən sonrakı yaşayışından gileylənib: ”Onsuz da gedən gedib məndən. Ailə qura bilmirəm, rüsvay olmuşam. Bütün həyatım məhv oldu”.
Proses fevralın 6-da davam edəcək.
Xatırladaq ki, Lütvəli Babayev 2005–2007-ci illərdə Mingəçevirin, 2007–2019-cu illərdə isə Zərdabın icra başçısı işləyib.
Məşhur MəmmədovMilli Məclisin deputatı
Azərbaycan Respublikasının Prezidenti İlham Əliyev 7 yanvar 2025-ci il tarixində yerli televiziya kanallarına verdiyi müsahibədə ölkənin daxili və xarici siyasəti, iqtisadi inkişafı və regional məsələlər barədə ətraflı fikirlərini bölüşüb.
Prezident İlham Əliyev Azərbaycanın iqtisadi inkişafının uğurla davam etdiyini vurğulayaraq, bunun düşünülmüş siyasətin nəticəsi olduğunu qeyd edib. O, uzun illər ərzində aparılan iqtisadi islahatlar, şəffaflıq, inhisarçılığa qarşı mübarizə və investisiya iqliminin yaxşılaşdırılması sayəsində beynəlxalq reytinq agentliklərinin Azərbaycana münasibətində müsbət dəyişikliklərin müşahidə edildiyini bildirib. Dövlət başçısı Azərbaycanın beynəlxalq reytinqinin daha yüksək səviyyəyə layiq olduğunu və gələcək illərdə bu dinamikanın saxlanılacağına əminliyini ifadə edib.
"Azərbaycan vətəndaşları ildən-ilə daha yaxşı yaşamalıdırlar" devizini hər zaman prioritet hesab edən ölkə başçısı qeyd edib ki, bu il yanvarın birindən minimum əməkhaqqı 55 manat artıb və 400 manata çatıb. Minimum pensiya 40 manat artıb və 320 manata çatıb. Orta hesabla artım 14-15 faizdir. Bu qədər böyük sərmayə qoyan və Qarabağın bərpası kimi qarşımızda bu qədər böyük problemi olan ölkədə bu sahəyə də bu diqqəti yetirmək, əlbəttə ki, bizim siyasətimizin, necə deyərlər, mahiyyətini göstərir. Bu addımlar Azərbaycan vətəndaşlarının ildən-ilə daha yaxşı yaşaması üçün atılır. Əgər biz bu artımı inflyasiyanın dərəcəsi ilə müqayisə etsək, - hansı ki, keçən il 2 faizdən bir qədər çox idi, - yəni, bu artım məhz az müdafiə olunan təbəqə üçün dövlət tərəfindən növbəti yardımdır. Hər şey cəmiyyətdə də, siyasətdə də, ailədə də ədalətli olmalıdır və sosial ədalət prinsipləri həmişə bizim üçün vacib olub. İmkan yarandıqca, biz ilk növbədə, bu sahəni də, necə deyərlər, diqqətdə saxlamışıq. Son bir neçə il ərzində dörd sosial paket həyata keçirildi və bu məqsədlər üçün 7 milyard manatdan çox vəsait xərcləndi. Bundan sonra da sosial və iqtisadi inkişaf yanbayan gedəcək. İqtisadi imkanlar artdıqca biz daim sosial məsələlərin həllinə - minimum əməkhaqqı, pensiya, sosial müavinətlərin artırılması məsələlərinə də daim diqqət göstərəcəyik.
Müsahibə zamanı Prezident İlham Əliyev Zəngəzur dəhlizinin açılmasının vacibliyini qeyd edərək, bunun mütləq həyata keçiriləcəyini bildirib. O, Ermənistanın Yaxın Şərqdəki yaxın müttəfiqi Əsəd rejiminin artıq tarixin zibilliyinə göndərildiyini xatırladaraq, Ermənistan rəhbərliyinin düzgün addımlar atmasının vacibliyini vurğulayıb. Prezident, Azərbaycanın Ermənistan üçün təhlükə mənbəyi olmadığını, əksinə, Cənubi Qafqazda sülh və əməkdaşlıq istəyində olduğunu bildirib. O, Ermənistanın Türkiyə ilə Azərbaycan arasında coğrafi maneə kimi fəaliyyət göstərməməli olduğunu və Zəngəzur dəhlizinin açılmasının zəruriliyini qeyd edib.
Prezident İlham Əliyev müsahibəsində ABŞ-da Soros dövrünün başa çatdığını və Bayden administrasiyasının, əslində, Soros idarə üsulu ilə idarə olunduğunu bildirib. O, Sorosçuların faktiki olaraq mövqelərini itirdiklərini və Ermənistan rəhbərliyinin bunu nəzərə almalı olduğunu vurğulayıb.
Ölkə rəhbəri qeyd etdi ki, cənab Tramp tamamilə yeni gündəliklə hakimiyyətə gəlir və onun birinci prezidentliyi dönəmində Amerika-Azərbaycan əlaqələrində hər hansı bir problem yaşanmadı.
Əksinə, münasibətlər çox müsbət idi və bir çox istiqamətlər üzrə biz irəliləyişə nail ola bilmişdik. Bayden administrasiyasının Azərbaycanla bağlı əsas səhvi ondan ibarət idi ki, o, Amerika-Azərbaycan münasibətlərini Amerika-Ermənistan münasibətlərinin qurbanına çevirdi. Yəni, Azərbaycana Ermənistan-Azərbaycan, ya da ki, Amerika-Ermənistan münasibətlərinin prizmasından yanaşırdı və o vaxta qədər əldə edilmiş yaxşı nəticələr kölgədə qaldı. Ölkə rəhbəri qeyd etdi ki, biz Amerika ilə əsas ciddi əməkdaşlıq platformasını Klinton və Corc Buş dönəmində yaratdıq və Tramp dönəmində bu davam etdi.
Ona görə ümidlər var. Mən Şuşa Forumunda, hələ iyul ayında, - heç kim bilmirdi, kim qalib gələcək, kim uduzacaq, hələ o məşhur Tramp-Bayden debatları da keçirilməmişdi, - mən, sadəcə olaraq, Azərbaycanın maraqları nöqteyi-nəzərindən və bir insan kimi öz mövqeyimi bildirdim ki, Tramp bizim cəmiyyətimizin bölüşdüyü dəyərləri təbliğ edir. Ailə dəyərləri, mənəviyyat dəyərləri - bunları təbliğ edir. Elə bunun ailəsinə baxmaq kifayətdir. İndi mən başqalarının ailəsi haqqında bir şey demək istəmirəm, amma indi bu, o qədər ictimailəşdirilib ki. Ona görə mən dedim ki, ümidlər var, ümidlər böyükdür. O cümlədən Amerika-Azərbaycan strateji əlaqələrinə yaxınlaşmaq da mümkün olacaq. Mən hesab edirəm ki, əgər hər iki tərəf maraqlı olsa, biz Amerika-Azərbaycan əlaqələrini strateji səviyyəyə qaldıra bilərik.
Dövlət başçısı, Azərbaycanın Cənubi Qafqazda sülh və əməkdaşlıq istəyində olduğunu bir daha qeyd edərək, Ermənistanın düzgün addımlar atmasının vacibliyini bildirib.
Cənab Prezident onu da vurğuladı ki, indi heç kimə sirr deyil ki, yeni dünya nizamı formalaşdırılır. Biz bu prosesin başlanğıcındayıq, bir çox boşluqlar yaranmaqdadır və yaranacaq.
İkinci Dünya müharibəsindən sonra yaranmış sistem artıq öz potensialını itirib. Bunu bir çox yerlərdə gedən proseslər, münaqişələr, müharibələr və sair hadisələr göstərir. Eyni zamanda, aparıcı Qərb ölkələrində siyasi və mənəvi böhran da göz qabağındadır. Yəni, bu gün Qərbin üzləşdiyi vəziyyəti ən çox tənqid edən Qərbin aparıcı ölkəsinin seçilmiş prezidentidir, haqlı olaraq tənqid edir. Çünki bu sistem artıq tükənib. Bunu Amerikanın bir neçə gündən sonra Prezidenti olacaq cənab Tramp deyir. Təbii olaraq, bu boşluqlar daha da genişlənəcək və burada yeni aktorun, yeni, ciddi oyunçunun ciddi gündəliklə daxil olması zərurətdir.
Ölkə rəhbəri müsahibəsində Türk Dövlətləri Təşkilatı ilə bağlı sualı cavablandırarkən, həm də mesaj verdi ki, Türk Dövlətləri Təşkilatı dünya miqyasında ciddi güc mərkəzinə çevrilə bilər. Çünki burada geniş coğrafiya, insan resursları, təbii sərvətlər, nəqliyyat-kommunikasiya xətləri və birlik vardır.
Azərbaycanın D-8 təşkilatına qəbul edilməsi ölkəmizin nüfuzunu bir daha göstərir. Bu təşkilat 30 ilə yaxın bundan əvvəl yaranmışdı, Türkiyənin təşəbbüsü ilə və səkkiz ölkədən ibarət idi. Bu illər ərzində əlavə üzv qəbul edilməmişdi. Birinci genişlənmə qərarından sonra qəbul edilən üzv Azərbaycan oldu. Əlbəttə ki, bu, ölkəmizin nüfuzunu, eyni zamanda, beynəlxalq aləmdə rolumuzu göstərir. Ölkə başçısı hesab edir ki, D-8 də bu boşluğu doldura bilər. Bu ölkələrdə 1 milyarddan çox, bəlkə də 1 milyard 300 milyon insan yaşayır. Müsəlman ölkələrinin iqtisadiyyatının 60 faizi D-8-dədir, əhalinin 60 faizi yenə də D-8 ölkələrindədir. Ona görə bu, bir fürsətdir. Bu fürsəti qaçırmaq olmaz, vaxt itirmək olmaz və biz bu gündəliklə bu təşkilata üzv oluruq. Hesab edirəm ki, bizim fikirlərimiz və təkliflərimiz diqqətlə nəzərə alınacaqdır.
Bütün müsəlman ölkələrinin maraqlarını biz öz maraqlarımız kimi qəbul edirik, bəlkə də buna görə D-8-in genişlənməsi siyasətindən sonra birinci seçim Azərbaycan olmuşdur.
Əlbəttə, burada ölkəmizin həm iqtisadi potensialı, siyasi çəkisi, hərbi gücü nəzərə alınıb. Eyni zamanda, bu təşkilat öz coğrafiyasını da genişləndirir. Artıq D-8 həm Qafqaz, həm də Xəzər regionuna genişlənib və coğrafiyamız nə qədər geniş olsa, imkanlarımız da o qədər geniş olacaq.
Bir sözlə, Prezident İlham Əliyevin 7 yanvar 2025-ci il tarixli müsahibəsi, Azərbaycanın gələcək inkişaf istiqamətləri, regional əməkdaşlıq və beynəlxalq münasibətlər sahəsindəki mövqeyi barədə ətraflı məlumat verərək, ölkənin strateji prioritetlərini bir daha nümayiş etdirdi.