12:18

Azərbaycanda restoranlarda bir neçə toy məclisi keçirilib. Bununla bağlı videogörüntülər sosial şəbəkələrdə yayılıb.

Axar.az xəbər verir ki, Daxili İşlər Nazirliyinin Mətbuat Xidmətinin KİV və İctimaiyyətlə əlaqələr şöbəsinin rəisi, polis mayoru Elşad Hacıyev Bakupost.az-a bildirib ki, hazırda videogörüntülərlə bağlı araşdırma aparılır:

“Məsələ nazirliyin diqqətindədir və bununla bağlı ictimaiyyətə açıqlama veriləcək”.

Qeyd edək ki, Nazirlər Kabinetinin qərarına əsasən, tədbirlərin təşkili üzrə xidmətlərin, o cümlədən bu sahədə müştərinin evində və ya digər məkanlarda ad günləri, toy, nişan və bu kimi mərasimlərin təşkili qadağandır.

***

Azərbaycanda restoranda toy məclisi keçirən şəxslər saxlanılıb.

Paytaxt ərazisində yerləşən "Siyaqut" şadlıq sarayının müdiri Rüstəmov Hüseyn Yəhya oğlu və məclis iştirakçısı Rzayev Həbib Rafiq oğlu xüsusi karantin qaydalarını pozduqlarına görə məhkəmənin qərarı ilə hər biri inzibati qaydada 7 sutka həbs ediliblər.

Toy sahibi və məclisdə iştirak edən digər şəxslər isə İnzibati Xətalar Məcəlləsinə əsasən cərimə olunublar.