 |
 |
Baş Dövlət Yol Polisi İdarəsinin (BDYPİ) Yol Patrul Xidməti (YPX) şöbəsinə rəis təyinatı olub.
Bununla bağlı Daxili İşlər naziri, general-polkovnik Vilayət Eyvazov əmr imzalayıb.
Əmrə əsasən, BDYPİ-nin YPX Şöbəsinin Baş Dövlət Avtomobil müfəttişi vəzifəsində çalışan polkovnik-leytenant Sadin Əsgərov idarənin YPX şöbəsinə rəis təyin olunub.
BDYPİ-nin İctimaiyyətlə əlaqələr şöbəsinin rəisi Kamran Əliyev faktı təsdiqləyib.
Qeyd edək ki, BDYPİ-nin YPX şöbəsinə daha əvvəl K.Əliyev rəhbərlik edirdi. (report)
Bu gün Azərbaycanın Xarici İşlər naziri Elmar Məmmədyarov və Ermənistanın Xarici İşlər naziri Zöhrab Mnatsakanyan arasında Cenevrə görüşünün növbəti raundu keçiriləcək.
"Ölkə.Az" xəbər verir ki, görüşdə Minsk Qrupunun rusiyalı həmsədri İqor Popov, fransalı həmsədri Stefani Viskonti və amerikalı həmsədri Endryu Şofer, eləcə də, ATƏT-in fəaliyyətdə olan sədrinin şəxsi nümayəndə Anjey Kasprşik iştirak edəcək.
Qeyd edək ki, dünən Azərbaycan və Ermənistan XİN rəhbərlərinin Cenevrə görüşünün ilk raundu baş tutub. Görüş yeddi saat davam edib.
Ümumilikdə tərəflər, eləcə də, ATƏT-in Minsk Qrupunun həmsədrləri danışıqların intensivləşdirilməsinin və danışıqlar gündəliyindəki bütün məsələlər üzrə konkret nəticələrin əldə olunması mövqeyindən çıxış edirlər.
Baş Nazir Əli Əsədovun sərəncamları ilə Nazirlər Kabineti Aparatında dörd şöbənin müdiri vəzifəsinin həvalə edildiyi şəxslər məlum olub.
APA xəbər verir ki, Nazirlər Kabineti Aparatında Humanitar məsələlər şöbəsinin müdiri vəzifəsinin icrası Ərəstü Həbibbəyliyə, Nəqliyyat, kommunikasiya və innovasiya şöbəsinin müdiri vəzifəsi Musa Pənahova, Hüquq və qanunvericilik şöbəsinin müdiri vəzifəsi Xalid Qasımlıya həvalə olunub.
Təhlükəsizlik, müdafiə və səfərbərlik şöbəsinin müdiri vəzifəsi isə Bəhruz Məmmədova həvalə edilib.
Arif Həsənov: Son illər cənab Prezidentin ordu quruculuğuna, hərbçilərə və onların ailə üzvlərinə göstərdiyi diqqət istiqamətində həyata keçirdiyi tədbirlər bütün xalqımızda vətənpərvərlik hissini daha da artırmışdır
Bu gün Azərbaycanın xarici işlər naziri Elmar Məmmədyarov Ermənistanın xarici işlər naziri Zöhrab Mnatsakanyanla görüşəcək.
Report xəbər verir ki, görüş İsverçrənin Cenevrə şəhərində baş tutacaq.
XİN başçıları Dağlıq Qarabağ münaqişəsinin dinc vasitələrlə nizamlanmasını müzakirə edəcəklər.
Qeyd edək ki, ötən gün Azərbaycanın XİN rəhbəri Cenevrədə ATƏT-in Minsk qrupunun həmsədrləri ilə görüşüb.
“Ermənistanın baş naziri Nikol Paşinyan keçmiş prezident Serj Sarkisyanın 7 rayonu Azərbaycana geri qaytarmağı müzakirə etdiyini açıqlamasıyla iki məqsəd güdür”.
Bu sözləri politoloq Elxan Şahinoğlu qeyd edib.
Onun sözlərinə görə, birinci məqsəd odur ki, Paşinyan guya sirrin üstünü açaraq daxili auditoriyaya bəyan edir ki, keçmiş hakimiyyət “Qarabağı satmağa hazırlaşırdı”: “ Ermənistanın baş naziri bu yolla erməni cəmiyyətinin gözündə əsas rəqibi olan Qarabağ klanının mövqelərini zəiflətməyə çalışır. Paşinyanın ikinci məqsədi isə erməni cəmiyyətinə göstərməkdir ki, o Azərbaycan torpaqlarını boşaltmaq variantını qəbul etməsə də, masada istər-istəməz mərhələli həll planıdır”.
Qeyd edək ki, Paşinyan Sarkisyan hakimiyyətinin Dağlıq Qarabağ münaqişəsi ilə bağlı onlara “ağır miras” qoyduğunu açıqlayıb.
“Füzuli, Ağdam, Zəngilan, Qubadlı, Cəbrayıl, Kəlbəcər və Laçın rayonları Azərbaycana qaytarılırdı, lakin Qarabağla Ermənistan arasında dəhlizin olması da şərt kimi sazişə daxil idi. Tərəflər ATƏT, yaxud BMT-nin bayrağı altında referendum yolu ilə Dağlıq Qarabağın yekun statusunu müəyyən etməli idi. Həmin referendumun nəticəsi məcburi hüquqi önəmə malik olmalı və bütün beynəlxlaq prinsiplərə riayət etməli idi. Qarabağ ətrafındakı 5 rayondan erməni qoşunları çıxarılandan sonra bölgəyə beynəlxalq sülhməramlılar daxil olur, bundan sonra azərbaycanlılar geri qayıdırlar. Digər müddəa Dağlıq Qarabağın yekun statusunun müəyyənləşməsinə qədər keçid status almasında idi”, – erməni baş nazir deyib. (publika.az)
Bu gün Azərbaycan Respublikasının Prezidenti İlham Əliyevin tapşırığına əsasən Nazirlər Kabinetində, Ümumdünya Səhiyyə Təşkilatının və Çin Xalq Respublikası hökumətinin elan etdiyi kimi, ÇXR-in Uhan şəhərində yayılmış və artıq dünyanın başqa regionlarında da qeydə alınmış koronavirus epidemiyasına qarşı qabaqlayıcı tədbirlərin görülməsi üçün müşavirə keçirilib.
Baş Nazirin sədrlik etdiyi müşavirədə aidiyyəti dövlət qurumlarının rəhbərləri iştirak ediblər.
Müşavirədə epidemiyanın Azərbaycana daxil olmasının qarşısının alınması üçün müzakirələr aparılıb.
Müşavirənin yekununda belə hallar üçün nəzərdə tutulmuş aşağıdakı tədbirlərin görülməsi haqda qərar qəbul edildi:
– sərhəd-keçid məntəqələrində gücləndirilmiş iş rejiminə keçilməsi;
– ÇXR-dən, xüsusilə epidemiya zonasından ölkəyə gələn bütün şəxslərin mütləq şəkildə ciddi tibbi müayinədən keçirilməsi və nəzarət altına alınması;
– xüsusi riskli hesab olunan və virusun keçə biləcəyi ərzaq məhsullarının siyahısının hazırlanması və ərzaq bazarında həmin məhsullara nəzarətin gücləndirilməsi;
– səhiyyə ocaqlarında qaynar xətlərin yaradılması;
– virus və onunla mübarizə metodları haqda əhali ilə maarifləndirmə işlərinin aparılması;
– vəziyyətlə bağlı əhaliyə mütəmadi məlumat verilməsi.
Əhalinin nəzərinə çatdırılır ki, ölkədə belə vəziyyətlərdə ehtiyacın yarana biləcəyi bütün tibbi ləvazimatlar kifayət qədərdir.
O da vurğulanıb ki, hazırda ölkəmizdə belə xəstəliyə yoluxma halları müşahidə olunmayıb, Azərbaycanda əhalinin sağlamlığı ilə bağlı vəziyyət dövlətin tam nəzarətindədir və narahatlıq üçün heç bir əsas yoxdur.
Müşavirədə Səhiyyə nazirinin rəhbərliyi ilə və aidiyyəti qurumların iştirakı ilə İşçi qrupunun yaradılması qərarı qəbul edilib.
Tədbirlərin görülməsində Ümumdünya Səhiyyə Təşkilatının müvafiq tövsiyyələri nəzərə alınır.
Azərbaycanın ÇXR-dəkı səfirliyi və ÇXR-in Azərbaycandakı səfirliyi ilə sıx əlaqə saxlanılır. Habelə, Azərbaycanın Çindəki səfirliyi ÇXR-in dövlət qurumları və Çində olan Azərbaycan vətəndaşları ilə daimi təmasdadır.
Azərbaycanda 2020-ci ilin fevralın 9-na təyin edilmiş növbədənkənar parlament seçkilərində iştirak etmək üçün 2431 nəfər müraciət edib.
Seçki elan olunandan indiyə qədər müşahidələr göstərir ki, əvvəlki seçkilərdən fərqli olaraq, bu dəfə namizədliyini irəli sürənlər arasında biznesmenlər çox azdır. Sosial şəbəkələrdə də bu barədə müzakirələr, biznesmenlərin deputatlığa marağının azalmasının səbəbləri haqqında irəli sürülən versiyalar diqqəti cəlb edir. Bir kəsim düşünür, biznesmenlərin siyasətə ona görə marağı azalıb ki, öz gəlirlərini, biznes fəaliyyətlərini daha üstün tuturlar. Digər qrup isə harınlamış məmurların aqibətinin biznesmenlər üçün də nümunə olduğunu düşünənlərdir. Ümumilikdə ortaq mənzərə isə budur ki, təkcə Azərbaycanda deyil, bütün dünyada iqtisadi imkanları, biznesi olan şəxslər siyasətdə təmsil olunmağa o dərəcədə əhəmiyyət vermirlər.
Bu barədə Modern.az-a danışan Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahının rəhbəri Məhərrəm Zülfüqarlı isə marağın azalmadığını hesab edir. O, bildirib ki, namizədlər öz əmlakları, fəaliyyətləri barədə Mərkəzi Seçki Komissiyasına (MSK) məlumat verməyiblərsə, bizneslə məşğul olmadıqları anlamına gəlmir:
“Ola bilər, biznesmenin oğlu, qardaşı oğlu, digər yaxın qohumu seçkilərdə iştirak edir. Çünki gənclərin bir hissəsi bu seçkilərdə iştirak edəndə onların da müəyyən dəstək verənləri olur. Azərbaycanda nəinki biznesmenlər, məmurlar da deputatlığa maraq göstərir. Çünki deputat toxunulmazlıq statusuna malikdir”.
Çoxlu yeni namizədlərin olduğunu vurğulayan M. Zülfüqarlının sözlərinə görə, onlar mandat əldə edərlərsə, fəaliyyətləri də ictimaiyyətin marağına səbəb olacaq:
“Nə dərəcə özlərini doğruldacaqlar deyə bilmərəm. Amma hesab edirəm ki, Azərbaycanda nəinki biznesmenlər, fəhlədən tutmuş nazirə qədər hamı parlament seçkilərində maraq göstərir”.
Seçki texnoloqu Azərbaycanda məmurların biznesə maraq göstərdiyini qeyd edib:
“Müstəqillik dövründən bu yana kapitalizmin inkişafına nəzər salsaq, dövlət və ya məmur kapitalizminə oxşar cəhətlər ölkəmizdə daha çoxdur. Nazirlər, deputatlar bizneslə məşğul ola bilməzlər, amma dolayı yolla məşğul olurlar. Ona görə, düşünməyin ki, siyasətçilər ancaq öz işləri məşğuldurlar, biznesləri yoxdur. Azərbaycanda imkanı olan adamların hamısının biznesi var”.
Siyasətçi Yadigar Sadıqlı isə Azərbaycanda biznesmenlərin seçkiyə marağının son dəfə 2005-ci il parlament seçkilərində müşahidə olunduğunu deyib:
“O zaman bunun müəyyən əsasları var idi. Hələ neft pullarından asılı vəziyyətə düşməmişdik. Buna görə, müəyyən qədər müstəqil biznesmenlər var idi. Onlar öz namizədliklərini irəli sürmüşdülər. Amma heç biri parlamentə düşə bilmədi. Hətta seçkilərdən sonra onlar cəzalandırıldılar”.
Onun fikrincə, biznesmenlərdə siyasətə, seçkilərə həvəsin olmaması iki səbəblə əlaqədardır:
“Birincisi, ölkədə müstəqil biznesmenlər demək olar ki, yoxdur. Ciddi biznesmenlər, burjuaziya kimi baxa biləcəyimiz, insanlar içərisində nüfuzu olanlardan söhbət gedir.
İkincisi, 2005-ci ildən çox vaxt ötməyib. Müstəqillik, özbaşınalıq etmək istəyən biznesmenləri hansı cəzalar gözlədiyini gördülər və bu onların yadında qalıb”.
Y.Sadıqlı qətiyyətlə bildirib ki, siyasətlə siyasətçilər məşğul olmalıdır:
“Biznesmenlər, müğənnilər, idmançılar siyasətə qarışmasalar yaxşıdır. Siyasət həvəskarların yeri deyil. Peşəkar şəkildə siyasətlə məşğul olanlar bu sahədə olmalıdırlar. Digər sahələrdə peşəkar olan şəxslər peşəkar siyasətçiləri dəstəkləyə bilərlər. Amma heç vaxt siyasətlə məşğul olmamış şəxsin birdən-birə deputat olması ölkəyə yaxşı heç nə vəd etmir”.
Daxili İşlər naziri, general-polkovnik Vilayət Eyvazov Baş Dövlət Yol Polisi İdarəsinin İstismar və Texniki Təminat şöbəsinin rəisini işdən çıxarıb.
V.Eyvazovun müvafiq əmri ilə, sözügedən şöbənin rəisi polkovnik-leytenant Zaur Cəfərov öz ərizəsi ilə tutduğu vəzifədən azad olunub. /unikal.org/
MSK tərəfindən müəyyənləşdirilən qaydada seçki bülletenlərinin çapına başlanılıb
Fevralın 9-da keçiriləcək növbədənkənar parlament seçkiləri ilə əlaqədar bu gündən seçki bülletenlərinin çapına başlanılıb. Milli Məclis Aparatının mətbəəsində keçirilən tədbirdə Mərkəzi Seçki Komissiyasının (MSK) sədri Məzahir Pənahov və Komissiya üzvləri iştirak ediblər.
“Seçki bülletenlərinin mətni, forması, sayı və hazırlanma qaydasına dair tələblər MSK-nın qərarına əsasən müəyyənləşdirilib. 125 dairə üzrə ümumilikdə, 5 milyon 387 min 600 ədəd bülleten çap olunacaq. Seçki bülletenlərinin çapına deputatlığa namizədlərin birmənalı müəyyənləşdiyi (şikayətlərə baxılma prosesinin başa çatdığı) dairələr üzrə başlanıb. Seçki Məcəlləsinə uyğun olaraq, bülletenlərin çap prosesi seçki gününə 10 gün qalmış, yəni yanvarın 30-dək yekunlaşacaq”, – M.Pənahov deyib.
O bildirib ki, seçki bülletenləri əvvəlcə Naxçıvan Muxtar Respublikasındakı seçki dairələrinə, sonra Azərbaycanın digər ucqar rayonlarındakı dairələrə, ən sonda isə Sumqayıt, Abşeron və Bakıdakı seçki dairələrinə paylanacaq: “Hansısa namizəd seçki bülletenləri çap olunana qədər mübarizəni dayandırsa, imkan tapsaq, namizədin adını bülletendən çıxaracağıq. Əgər namizədin adı seçki bülletenindən çıxarılmasa, yerlərdə Seçki Məcəlləsinin tələbinə görə, namizədin adının üstündən xətt çəkiləcək”.
“Biz hər zaman çalışırıq ki, deputatlığa namizədliyini geri götürən şəxslərin adları heç seçki bülleteninə düşməsin”, – MSK sədri vurğulayıb. /Ayna.az/
Bu gün Nyu-Yorkda Azərbaycan və Ermənistan XİN başçılarının görüşü keçiriləcək.
"Ölkə.Az" "Report"a istinadən xəbər verir ki, görüşün ATƏT-in Minsk Qrupu həmsədrləri - İqor Popov (Rusiya), Stefan Viskonti (Fransa) və Endryu Şafer (ABŞ) vasitəçiliyi ilə keçirilməsi nəzərdə tutulur.
Qeyd edək ki, ötən gün xarici işlər naziri Elmar Məmmədyarov Nyu Yorkda ATƏT-in Minsk Qrupunun həmsədrləri ilə görüşüb. Görüşdə Ermənistan-Azərbaycan Dağlıq Qarabağ münaqişəsinin həlli üzrə aparılan danışıqlar, eləcə də münaqişə zonasındakı vəziyyət və ümumilikdə, münaqişənin tənzimlənməsi üzrə həmsədrlərin gələcək fəaliyyət planları və perspektivləri müzakirə edilib.