 |
 |
27 saylı Sabunçu İkinci Seçki Dairəsindən Əliabbas Salahzadə deputat seçilib.
Oxu.Az-ın məlumatına görə, Ə.Salahzadə keçmiş deputat Qalib Salahzadənin oğludur.
Qeyd edək ki, Q.Salahzadə dördüncü çağırış Milli Məclisin deputatı olub. Q.Salahzadə Qafqaz Müsəlmanları İdarəsinin sədri Hacı Allahşükür Paşazadənin qudasıdır.
Xəbər verdiyimiz kimi, Mərkəzi Seçki Komissiyası (MSK) fevralın 9-da keçirilmiş Milli Məclisə seçkilərin ilkin nəticələrini açıqlayıb.
Nəticələrə əsasən, 123 saylı Kəlbəcər seçki dairəsindən namizədliyini irəli sürmüş Aqil Məmmədov 62,3% səslə liderdir.
Qeyd edək ki, A.Məmmədov Kəlbəcər Rayon icra Hakimiyyətinin başçısıdır.
Axar.az
“125 saylı Zəngilan-Qubadlı seçki dairəsindən qalib namizəd müəyyənləşməyib”.
Bunu MSK sədri Məzahir Pənahov bildirib.
Onun sözllərinə görə, bu dairədən MSK-ya qanun pozuntuları ilə bağlı ciddi müraciətlər daxil olub.
Ola bilsin bu dairədə seçkilər yenidən keçirilsin. Əldə etdiyimiz məlumata görə, İmamverdi ismayılov yenidən namizədliyini irəli sürməyəcək.
Qeyd edək ki, 33 Xətai Birinci, 35 saylı Xətai Üçüncü, 60 saylı Salyan-Neftçala, 74 saylı Lənkəran Kənd, 79 saylı İmişli, 80 saylı İmişli-Beyləqan və 81 saylı Beyləqan Seçki Dairələrindən daxil olan çox ciddi müraciətlər MSK tərəfindən araşdırılır.(Konkret.az)
Azərbaycan Respublikasının Prezidenti İlham Əliyev fevralın 10-da Türkiyə-Azərbaycan parlamentlərarası dostluq qrupunun rəhbəri Şamil Ayrımın başçılıq etdiyi nümayəndə heyətini qəbul edib.
Bununla bağlı AZƏRTAC məlumat yayıb.
Azərbaycan Respublikasının Prezidenti İlham Əliyev fevralın 10-da MDB İcraiyyə Komitəsi müşahidə missiyasının rəhbəri, Rusiya Federasiyası Dövlət Dumasının MDB məsələləri, Avrasiya inteqrasiyası və həmvətənlərlə iş üzrə komitəsinin sədri Leonid Kalaşnikovun başçılıq etdiyi nümayəndə heyətini qəbul edib.Bununla bağlı AZƏRTAC məlumat yayıb.
Daxili işlər orqanlarında yeni kadr təyinatı olub.
Daxili İşlər naziri Vilayət Eyvazovun əmri ilə DİN-in Nəqliyyatda Baş Polis İdarəsinin Cinayət Axtarış İdarəsinin rəisi, polis polkovniki Arzu Heydərov tutduğu vəzifədən azad olunaraq DİN-in Baş Cinayət Axtarış İdarəsinin (BCAİ) rəis müavini vəzifəsinə təyin edilib.
Qeyd edək ki, bir müddət əvvəl Vilayət Eyvazovun əmri ilə DİN BCAİ-nin rəis müavini, polis polkovniki Raul Usubov işdən azad olunaraq Qaradağ Rayon Mühafizə İdarəsinin rəisi təyin edilmişdi.(Report)
Dünən ölkədə keçirilən parlament seçkilərinin Mərkəzi Seçki Komissiyası tərəfindən ilkin nəticələrinin açıqlanması nəticəsində yeni simalar ortaya çıxıb.
“Qafqazinfo”xəbər verir ki, Yeni Azərbaycan Partiyası 123 namizədlə qatıldığı seçkidə hazırkı nəticələrə görə, 69 mandat əldə edib. Onların da 17 nəfəri ilk dəfə deputat seçilən şəxslərdir. YAP-ı təmsil edən və ilkin nəticələrə görə lider olan namizədləri təqdim edirik:
12 saylı Qaradağ-Binəqədi- Yasamal Seçki Dairəsi
Səbinə Xasıyeva (YAP)- 48.5%
32 saylı Suraxanı Üçüncü Seçki Dairəsi
Afət Həsənova (YAP) – 64.9 %
41 saylı Sumqayıt Birinci Seçki Dairəsi
Hicran Hüseynova (YAP) – 31.5 %
43 saylı Sumqayıt Üçüncü Seçki Dairəsi
Emin Hacıyev (YAP)- 63.4 %
54 saylı Şabran-Siyəzən Seçki Dairəsi
Sadiq Qurbanov (YAP) – 55.3 %
62 saylı Saatlı Seçki Dairəsi
Əziz Ələkbərov (YAP) – 49 %
63 saylı Sabirabad birinci Seçki Dairəsi
Kamal Cəfərov (YAP) – 52.8 %
64 saylı Sabirabad İkinci Seçki Dairəsi
Ramin Məmmədov (YAP) – 54.6 %
70 saylı Masallı Şəhər Seçki Dairəsi
Məşhur Məmmədov (YAP) – 64.8 %
71 saylı Masallı Kənd Seçki Dairəsi
Anar İsgəndərov (YAP) – 62.7 %
91 saylı Ucar seçki Dairəsi
Ramil Həsən (YAP) – 51.7 %
93 saylı Bərdə Şəhər Seçki Dairəsi
Fatma Yıldırım (YAP) – 65.7 %
96 saylı Goranboy-Naftalan Seçki Dairəsi
Anar Məmmədov (YAP) – 59 %
99 saylı Şəmkir Kənd Seçki Dairəsi
Nurlan Həsənov ( YAP) – 61.3 %
101 saylı Göygöl-Daşkəsən Seçki Dairəsi
Elşad Mirbəşiroğlu (YAP) – 54.9 %
102 saylı Samux-Şəmkir Seçki Dairəsi
Nizami Səfərov (YAP) – 64 %
120 saylı Cəbrayıl-Qubadlı Seçki Dairəsi
Ceyhun Məmmədov (YAP) – 62.7 %
Qeyd edilən namizədlər hazırda nəticələri açıqlanan 118 dairə üzrə seçilənlərdir. Nəticələri açıqlanmayan 7 dairədən isə YAP-ın 6 namizədi exit-poll nəticələrinə görə lider idi. Belə ki, 17 saylı dairədən Elnur Allahverdiyev, 42 saylı dairədən Tahir Mirkişili, 44 saylı dairədən Müşviq Məmmədov, 77 saylı dairədən Rəşad Mahmudov, 123 saylı dairədən Aqil Məmmədov, 125 saylı dairədən İmamverdi İsmayılov exit-poll nəticələrində lider kimi qeydə alınmışdılar.
Fevralın 9-da Milli Məclisə keçirilən növbədənkənar parlament seçkilərində Mərkəzi Seçki Komissiyasının (MSK) elan etdiyi nəticələrə görə, 22 xanım deputatla parlamentin yeni tərkibində təmsil olunacaqlar.
MSK hələlik 125 seçki dairəsində 119-da ilkin nəticələri açıqlayıb. Açıqlanan nəticələrdə 119 deputatın 22-i xanım deputatlardır. Onların böyük əksəriyyəti əvvəlki çağırışlarda deputat olanlardır. Bunlar Məlahət İbrahimqızı, Sevinc Fətəliyeva,Qənirə Paşayeva, Jalə Əliyeva, Sevinc Hüseynova, Kamilə Əliyeva, Aqiyə Naxşıvanlı, Ülviyyə Ağayeva, Pərvin Kərimzadə, Sədaqət Vəliyeva, Sahibə Qafarova,Ülviyyə Həmzəyevadır.
Bununla belə Milli Məclisin yeni tərkibində ilk dəfə seçilən xanımlar da olacaq. Beləliklə12 saylı Qaradağ-Binəqədi-Yasamal Seçki dairəsindən seçilən ən gənc xanım Xasıyeva Səbinə, 24 saylı Nizamı seçki dairəsindən Könül Nurullayeva, 29 saylı Səbail seçki dairəsindən Nigar Arpadarai, 32 saylı Suraxanı seçki dairəsindən Həsənova Afət, 41 saylı Sumqayıt seçki dairəsindən Hicran Hüseynova, 56 saylı Xaçmaz kənd seçki dairəsindən Sevil Mikayılova, 57 saylı Kürdəmir seçki dairəsindən Ağazadə Əminə, 59 saylı Salyan seçki dairəsindən Əhmədova Jalə, 85 saylı Şamaxı seçki dairəsindən Cəfərova Tamam, 93 saylı Bərdə seçki dairəsindən Yıldırım Fatma yeni tərkibə seçilən yeni xanım deputatlardandır.
Azərbaycanda fevralın 9-da keçirilən parlament seçkiləri baş tutub və buna görə Azərbaycan xalqını təbrik edirəm.
Trend məlumatına görə, Milli Məclisə fevralın 9-da keçirilən növbədənkənar seçkilərin nəticələri ilə əlaqədar keçirilən tədbirdə Qırğızıstandan olan beynəlxalq müşahidəçi Almazbek Batırbekov deyib.
Onun sözlərinə görə, müşahidə apardıqları məntəqələrdə seçki prosesi zamanı heç bir qanun pozuntusuna rast gəlməyiblər:
“Müşahidələrimiz zamanı heç bir mənfi halla qarşılaşmadıq. Mərkəzi Seçki Komissiyasının da işindən razı qaldıq. Bizi daha çox məmnun edən hal o oldu ki, MSK bütün qərarları kollegial qaydada qəbul edirdi”.
Azərbaycanda seçkiləri müşahidə etmək üçün yaratdıqları şəraitə görə Azərbaycan hökumətinə təşəkkür edən A.Batırbekov Şamaxı və Qobustanda, eləcə də, Bakıda müşahidə apardıqlarını söyləyib.
Seçkilərdə iştirak edən namizədlərin təxminən 20 faizinin qadın və gənclərin olduğunu müsbət məqam kimi xüsusi vurğulayan beynəlxalq müşahidəçi əlavə edib ki, qaçqın və məcburi köçkünlərin seçki prosesində iştirakı da çox qənaətbəxş idi.
Fevralın 10-da Azərbaycan Respublikasının Prezidenti İlham Əliyev paytaxtın Pirallahı rayonunda “Azərenerji” Açıq Səhmdar Cəmiyyətinin əsaslı şəkildə yenidən qurulan 110/35/6 kV-luq “Dübəndi” yarımstansiyanın açılışında iştirak edib.
Bununla bağlı AZƏRTAC məlumat yayıb.