Fevralın 15-də Münhen Təhlükəsizlik Konfransı çərçivəsində Azərbaycan Respublikasının Prezidenti İlham Əliyevlə Ermənistan Baş naziri Nikol Paşinyan arasında Ermənistan-Azərbaycan Dağlıq Qarabağ münaqişəsi ilə bağlı panel müzakirəsi keçirildi.

Öncə qeyd edim ki, müzakirə Paşinyanın ağ yalanlarla dolu ittihamlarına baxmayaraq, olduqca səmimi ortamda keçdi. Bu, tərəflər arasında ilk belə görüş idi.

Təbii ki, əvvəlki illərdə olduğu kimi, bu müzakirələrdə də erməni liderin yalan informasiyalara söykənəcəyi, əlində heç bir tutarlı fakt olmadan qarşı tərəfə ittihamlar yağdıracağı gözlənilən idi. Onsuz da bir azərbaycanlı olaraq bu hallara illərdir rast gəlirik. Bizim üçün yeni deyil.

Gözlənildiyi kimi də oldu. İlk çıxışa Azərbaycan Prezidenti başladı və tutarlı faktlarla Dağlıq Qarabağın Azərbaycanın tərkib hissəsi olduğunu Paşinyan da daxil olmaqla, hər kəsə çatdırdı. Prezident 1805-ci ildə Qarabağ xanı İbrahim xanın Rusiya ilə imzaladığı Kürəkçay, 1813 və 1828-ci illərdə imzalanan Gülüstan və Türkmənçay müqavilələri, 1918-ci il 29 may tarixində Azərbaycan Xalq Cümhuriyyəti parlamentinin qərarı ilə İrəvanın ermənilərə verilməsi də daxil olmaqla, bütün tarixi faktları erməni baş nazirin (və dünya ictimaiyyətinin) diqqətinə çatdırdı.

Amma Paşinyan öz sələfləri kimi ənənəvi olaraq çıxışını yalan üzərində qurmağa başladı.

Erməni baş nazir çıxışında 1994-cü ildə Bişkek Protokolunu imzalayan tərəflərdən birinin Dağlıq Qarabağın nümayəndəsi olduğunu dedi. Bununla Paşinyan hər kəsə sübut etməyə çalışırdı ki, guya Azərbaycan vaxtilə Dağlıq Qarabağı bir qurum kimi tanıyıb. Amma sənəddə qondarma qurumu təmsil edən bir nəfərin də adı qeyd olunmayıb. İndiyə qədər Paşinyandan əvvəlki erməni liderlər də Azərbaycan tərəfi ilə danışıqlar zamanı bu barədə söz açmayıb. Çünki hər kəs belə bir halın olmadığını gözəl bilir.

Nikolun digər yalanı Dağlıq Qarabağın statusu ilə bağlı idi. Guya Dağlıq Qarabağ Sovet İttifaqı tərəfindən ermənilərdən zorla alınaraq Azərbaycana verilib.

Sitat: Dağlıq Qarabağın ölkə kimi hesab olunmasına gəlincə, deməliyəm ki, mən Prezident Əliyevlə razı deyiləm. Çünki Qafqaz Bürosu Dağlıq Qarabağın Azərbaycanın … yox üzr istəyirəm, Ermənistanın tərkib hissəsi olmasına qərar verdi. Bu, tamamilə qanuni qərar idi və bundan sonra İosif Stalinin şəxsi təşəbbüsü əsasında bu qərar Moskvada dəyişdirildi. Bu, bir növ Stalin, Lenin və Atatürkün gizli sövdələşməsi idi. Qarabağ heç vaxt müstəqil Azərbaycan dövlətinin tərkib hissəsi olmayıb. Qarabağ Sovet İttifaqının formalaşması prosesi zamanı Azərbaycana verilib.

Belə bir yalanı demək üçün peşəkar olmağa ehtiyac yoxdur, erməni olmaq bəs edər.

Nikolun bu yalanını sübut etmək üçün dərin tarixi faktlara, arxiv materiallarına ehtiyac yoxdur. 1918-ci ildə Dağlıq Qarabağın hansı dövlətin tərkibində olmasına nəzər yetirmək bəs edər.

Məgər Paşinyan bu faktları bilmir? Məgər o bilmir ki, 1920-ci il 11 yanvarda başda ABŞ, Böyük Britaniya, Fransa olmaqla, Azərbaycanın müstəqilliyini tanıyan 20 ölkə Azərbaycan ərazisi kimi həm də Zəngəzuru, Meğrini, Göyçəni, Dərələyəzi, Qafanı tanımışdı? Məgər, Paşinyan bilmir ki, Azərbaycan Xalq Cümhuriyyətinin mübahisəsiz sayılan ərazisi 98 min kv km, mübahisəli adlandırılan (İrəvanın ətrafı və Göyçə gölünün qərbi) 114 min kv km idi?

1921-ci ildə Qafqaz Bürosu Dağlıq Qarabağın Azərbaycanın tərkibində ona görə saxlanılmasına qərar verdi ki, Azərbaycandan Meğri, Qafan, Dərələyəz, Göyçə mahalı (Göyçə gölünün şərqi) alınıb zorla Ermənistana verildi. Hələ həmin vaxt Qərbi Azərbaycan Respublikası adında dövlət yaradıb, buna qarşı savaş da başladılmışdı və o savaşa girənləri Qırmızı Ordu öz qanında boğmuşdu.

Bu azmış kimi, 1923-cü ildə Azərbaycan Sovet Sosialist Respublikası Azərbaycanın tərkibində Dağlıq Qarabağ Muxtar Vilayətinin yaradılması barədə qərar qəbul etdi. Yəni Sovet işğalından sonra cəmi 3 il ərzində Azərbaycanın 28 min kv km-ə yaxın ərazisi – onun 12 min kv km-ni hətta müstəqil Ermənistan da mübahisələndirməmək barədə 1918-ci il 29 mayda öhdəlik götürmüşdü – işğal edilərək, Ermənistana verildi, ardınca isə Dağlıq Qarabağda da ermənilərə muxtariyyət yaradıldı?

Bütün dünya da yaxşı bilir, Çar Rusiyasının arxivlərində də saxlanılır: Birinci Dünya müharibəsindən öncə İrəvan əhalisinin 87 faizi azərbaycanlılardan ibarət idi.

Əlbəttə, sələfləri kimi Paşinyan da, dünya da bu faktları çox gözəl bilir və anlayır. Amma ənənəvi erməni xəstəliyi tarixi faktları qəbullanmağa mane olur. Bundan sonra da qəbul etməyəcək. Çünki xislət imkan vermir.

Azərbaycan Prezidenti İlham Əliyevin aramla, səlis səsləndirdiyi faktlar qarşısında hansı dövlət başçısı olsaydı, susardı, bu barədə bir kəlimə də danışmazdı. Amma Paşinyan susmadı, sona qədər həyasızlığını davam etdirdi və rüsvay oldu.

Onun rüsvayçılığının isə heç bir fərqi yoxdur: bu xalq Kardaşyanı ilə fəxr edən xalqdır, mədəniyyət oğrusu, torpaq oğrusudur və belə rəzilliklərdən utanmaz.

Dünyaya da deyəsən, belə rəzillər lazımdır…

P.S. Azərbaycan xalqının başına tarix boyu çox müsibətlər gəlib. Ancaq başımıza gələn ən böyük faciə ermənilərlə bizim qonşu edilməyimizdir.

Bəşəriyyət tarixində heç kim belə həyasız xalqla qonşu olmayıb. Allah heç kimi belə xalqla qonşu etməsin!   /axar.az/

Xəbər verdiyimiz kimi, fevralın 9-da keçirilən növbədənkənar parlament seçkiləri ilə bağlı 4 seçki dairəsinin nəticəsi Mərkəzi Seçki Komissiyası (MSK) tərəfindən etibarsız elan olunub.

Belə ki, 33 saylı Xətai birinci, 35 saylı Xətai ikinci, 74 saylı Lənkəran kənd və 80 saylı İmişli-Beyləqan seçki dairələrində çoxsaylı seçki məntəqələrində saxtakarlığa yol verildiyi üçün həmin dairlərin nəticələri ləğv olunub.

Maraqlıdır, nəticəsi ləğv olunan daiələrlə bağlı cinayət işi açıla bilərmi? Səsvermə prosesində saxtakarlığa yol verən şəxsləri hansı cəzalar gözləyir?

Məsələ ilə bağlı danışan Konstitusiya Araşdırmaları Fondunun rəhbəri, hüquqşünas Əliməmməd Nuriyev saxtakarlığa yol verilən dairələrin işinin prokurorluğa veriləcəyini bildirib:

“Əgər seçki dairələrinin nəticələri saxtakarlığa yol verildiyi üçün ləğv edilirsə, bu məsələlərin araşdırılması prokurorluq orqanlarına verilməlidir. Prokurorluq da konkret olaraq müəyyənləşdirəcək ki, kim hansı əməli törədib. Buna uyğun da məsuliyyətə cəlbetmə məsələsi olacaq. Yəni, əvvəlcədən gərək seçkinin nəticələri təsdiq olunsun, saxtakarlığa yol verilən dairələr dəqiq olaraq müəyyənləşsin ki, məsuliyyətə cəlb olunma prosesi başlansın. Cərimənin məbləği 150 manatdan 7000 manatadək ola bilər”.

Ə.Nuriyev seçki hüququnun pozulması, saxtakarlığa yol verilməsi bağlı azadlıqdan məhrumetmə cəzasının da tətbiq olunacağını deyir:

“Qanun pozuntusu edərək səsvermənin nəticələrini saxtalaşdıran şəxslər 3 ilədək azadlıqdan məhrum oluna bilərlər. Eyni zamanda, səlahiyyətdən sui-istifadəyə görə isə 7 ilədək azadlıqdan məhrumetmə cəzası verilə bilər. Hələ ki, dairələrlə bağlı məhkəmə qərarı olmadığı üçün konkret olaraq cəzalardan hansının tətbiq ediləcəyini bilmirik”.

MSK katibi Mikayıl Rəhimov isə saytımıza bildirdi ki, səsvermədə qanun pozuntusuna yol verilibsə, mütləq şəkildə bu məsələ prokurorluğa göndəriləcək:

“Hazırda şikayətlərə baxılır və artıq MSK-nın bu şikayətlərlə bağlı qərarı var. Ayrı-ayrı şəxslər səsvermədə cinayət əməlinə yol veribsə, mütləq şəkildə bu hal prokurorluğa bildiriləcək. Biz sadəcə hansı qanun pozulubsa, onu bildirə bilərik, cinayət işinin açılıb-açılmaması isə prokurorluğun səlahiyyətindədir”.

Xatırladaq ki, nəticəsi ləğv olunan dairələr Hüseynbala Mirələmovun lider olduğu 33 saylı Xətai birinci seçki dairəsi, Rauf Arifoğlunun lider olduğu 35 saylı Xətai üçüncü seçki dairəsi, Hadı Rəcəblinin lider olduğu 74 saylı Lənkəran kənd seçki dairəsi və Çingiz Qənizadənin lider olduğu 80 saylı İmişli-Beyləqan seçki dairəsidir. (modern.az)

Daxili işlər orqanlarında yeni kadr təyinatı olub.

Bununla bağlı Daxili İşlər naziri, general-polkovnik Vilayət Eyvazov əmr imzalayıb.

Əmrə əsasən, Bakı Şəhər Baş Polis İdarəsinin İstintaq və Təhqiqat İdarəsində bölmə rəisi vəzifəsinə polis mayoru Vəli Qocayev təyin edilib.

Daxili İşlər Nazirliyinin (DİN) Mətbuat Xidməti “Report”a faktı təsdiqləyib.

Fevralın 9-da keçirilən parlament seçkiləri ilə əlaqədar 87 saylı Ağsu-İsmayıllı seçki dairəsində səsvermənin nəticələrinə əsasən deputatlığa lider namizəd, Vəhdət Partiyasının sədri Tahir Kərimli təhdid olunur.
Bu barədə pravda.az-a T.Kərimli özü məlumat verib.
Deputatlığa namizəd məsələ ilə bağlı Baş prokuror Zakir Qaralova müraciət ünvanlayıb: “87 saylı Ağsu-İsmayıllı seçki dairəsində deputatlıq namizədliyi qeydə alınmış şəxslərin sayı 36 idi. Amma onların 20-si namizədliyini geri götürdü. Hazırda 16 namizəd deputatlıq uğrunda mübarizə aparır, onlardan 6-sı səsvermənin nəticələrindən şikayətçidir. Ən ideal seçkilər bəlkə də Ağsu rayonunda keçirildi. Müşahidə edirik ki, digər seçki dairələrindən də şikayətlər var, şikayətçilərin əllərində müəyyən materiallar mövcuddur. Diqqət edin, görün, 87 saylı Ağsu-İsmayıllı seçki dairəsindən şikayət edənlərin əllərində hər hansı protokol, video-fakt var? Heç bir faktları yoxdur, şikayətləri ümumi xarakter daşıyır. Prezident İlham Əliyev çağırış etdi ki, gəncələr seçkilərdə aktiv iştirak etsinlər, amma bunlar səhv başa düşdülər. Müraciət o gəncələrə idi ki, o insanlar deputatlıq fəaliyyətinin nədən ibarət olduğunu bilir. Deputatlar seçicilərin hüquqlarını müdafiə edir, qanunvericiliklə məşğul olurlar. Deputatlıq elə çıxışlardan ibarət deyil ki? Elə bilirlər, deputatlıq Milli Məclisdə çıxış etməkdən ibarətdir. Bu, ciddi işdir. Məndən narazı olan deputatlığa namizədlərdən biri – Vüsal İmanov iki dəfə xuliqanlığa və odlu silah gəzdirməyə görə məhkum olunub. Bu şəxs deputat seçilirsə, Milli Məclisin aqibəti necə olar? Hər yoldan ötənin deputatlığa iddia etməsi yolverilməzdir. Təsəvvür edin, bu namizəd necə mübarizə aparır, məni və tərəfdarlarımı ölümlə hədələyir. Vüsal İmanov “Facebook” və “İnstagram” sosial şəbəkələrindəki hesablarında bildirir ki, Tahir Kərimlini Ağsu aşırımından atacağam, tərəfdarlarını aşağılayacağam. Bu, cinayətdir. Deputatlığa namizəd Ağasən Hüseynovun 71 yaşı var. Etdiyi müraciət formasını haradansa köçürüb, yazır ki, “gənc” mütəxəssis olaraq müraciət edir. Sənin 71 yaşın var, gənc necə sayıla bilərsən? Belə qeyri-ciddi adamlar necə deputatlıq uğrunda mübarizə apara bilər? Həmin namizədlər 10 seçicini toplayıb bir dəfə də görüş keçirə bilməyiblər… Hamı bilir ki, Tahir Kərimlinin hər hansı qanun pozuntusu törədilməsinə ehtiyacı olmayıb. Keçmişim, millət üçün gördüyüm işlər, parlamentdəki çıxışlarım… Bütün bunları xalq bilir. Bizim gördüyümüz işlərin müqabilində bunlar nə iş görüblər? Deputatlıq xeyir-şər evi tikmək deyil? Bunlar niyə belə yanlışlığa yol verirlər…”

Fevralın 15-də Münhen Təhlükəsizlik Konfransı çərçivəsində Azərbaycan Prezidenti İlham Əliyevlə Ermənistanın Baş naziri Nikol Paşinyan arasında debat keçirildi.

Debatla bağlı Azərbaycan, Rusiya və Ermənistan mətbuatında, sosial şəbəkələrdə geniş müzakirələr açıldı.

Müzakirələrdə Prezident İlham Əliyevin debatda aşkar üstünlük əldə etməsi vurğulanır.

Ümumiyyətlə, bu, İlham Əliyevin Nikol Paşinyanla müzakirələrdə ilk belə qələbəsi deyil.

Oxu.Az xatırladır ki, dövlət başçısı İlham Əliyev hələ 2019-cu ilin oktyabrın 3-də Soçidə “Valday” Beynəlxalq Diskussiya Klubunun iclasının plenar sessiyasında Paşinyana tutarlı cavabı ilə diqqət çəkmişdi.

Belə ki, Paşinyan 2019-cu ilin avqustunda Azərbaycanın işğal altındakı Xankəndi şəhərində “Qarabağ Ermənistandır və nöqtə” deməsi ilə gündəmə gəlmişdi.

Ancaq Ermənistanın Baş nazirinin bu bəyanatı daha çox daxili auditoriyaya hesablanmışdı, onun heç bir beynəlxalq çəkisi yox idi.

İlham Əliyev isə Soçidə dünyaca tanınmış qonaqların qarşısında qətiyyətli mövqe ortaya qoydu.

İlham Əliyev çıxışında “Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi” deməklə Paşinyanın onsuz da itirilmiş nüfuzuna daha bir zərbə vurdu.

Həmin ilin oktyabrın 8-də İlham Əliyev Bakının Qaradağ rayonunda məcburi köçkünlər üçün salınmış “Qobu Park-2” yaşayış kompleksinin açılışı zamanı Azərbaycanla bağlı həqiqətləri mötəbər tribunalarda səsləndirdiyini deyib.

“Dağlıq Qarabağ münaqişəsi ilə bağlı cəmiyyətdə vahid yanaşma var. Bizim haqq işimizi mən bütün kürsülərdə arqumentlərlə, tarixi faktlarla, reallıqlarla, beynəlxalq hüquq əsasında müdafiə edirəm və bu arqumentlərə qarşı hər hansı bir irad tutmaq qeyri-mümkündür. Çünki mən həqiqəti deyirəm və bunu elə kürsülərdən deyirəm ki, bütün dünya eşitsin”.

Ardınca isə Prezident İlham Əliyev oktyabrın 11-də Türkmənistanın paytaxtı Aşqabadda MDB Dövlət Başçıları Şurasının iclasında Azərbaycan xalqının İkinci Dünya Müharibəsində iştirakından söz açıb. Prezident arqumentləri və dəmir məntiqi ilə Nikol Paşinyanı daha bir diplomatik nokauta salıb.

Azərbaycan dövlət başçısı Ermənistanda nasistlərin davamçısı Qaregin Njdenin qəhrəmanlaşdırılmasını pisləyib.

Ölkə başçısı qeyd edib ki, MDB liderləri dəfələrlə nasistlərin qəhrəmanlaşdırılmasına qarşı çıxıblar.

“Ermənistanın keçmiş hakimiyyəti Yerevanın mərkəzində alman faşistlərinə xidmət edən Qaregin Njde ləqəbli faşist cəllad və satqın Qaregin Ter-Arutyunyana abidə ucaldıb. Təəssüf ki, Ermənistanın yeni hakimiyyəti bu abidəni sökməyib. Hesab edirəm ki, MDB məkanında faşizmin qəhrəmanlaşdırılmasına yer yoxdur”, - deyə Prezident İ.Əliyev bildirib.

Aciz durumda qalan Nikol Paşinyan isə mövzunu başqa məcraya yönəltməyə cəhd göstərib. Amma bu da uğursuz alınıb.

“Qaregin Njde Vladimir həbsxanasında ölüb. Bir çox sovet xadimləri Vladimir həbsxanasında ölüblər. Soljenitsin QULAQ-da olub. 1937-1950-ci illərə qədər məhkum edilənlərin hamısının xalq düşmənləri olduğunu hesab edirik? Əgər belədirsə, onda bir çox görkəmli xadimlər məhkum olub, öz həyatlarını həbsxanalarda bitiriblər. Bu, o demək deyil ki, biz bütün bunları fakt kimi qəbul etməliyik.

Mən bu formatdan tarixi təhrif etmək, bu kifayət qədər vacib iclasın ab-havasına hansısa gərginlik gətirilməsi üçün istifadə olunmasını yersiz hesab edirəm. Hesab edirəm ki, Azərbaycan Prezidentinin sözləri, ilk növbədə, erməni xalqına hörmətsizlikdir. Mən bunu dövlət başçılarına və onların təmsil etdiyi xalqlara qarşı hörmətsizlik hesab edirəm. Hörmətli həmkarlar, mən belə gərginliyə görə üzr istəyirəm. Amma siz gördünüz ki, onun müəllifi mən deyiləm”, - deyə Paşinyan bildirib.

Halbuki İlham Əliyev çıxışında erməni xalqına qarşı bir ifadə işlətməmişdi.

Prezident deyib ki, çıxışında Ermənistanın Baş nazirindən, xüsusən də erməni xalqından söhbət getməyib.

Ölkə başçısı Paşinyanın tarixlə bağlı qüsurlu müqayisəsinə də cavab verib.

“Hesab edirəm ki, Sovet İttifaqının digər xalqları kimi, bizim ümumi qələbəmizə böyük töhfə verən erməni xalqı, ilk növbədə, özü əvvəlki rəhbərliyin ölkəyə vurduğu bu ləkədən təmizlənməlidir. Əgər Baş nazir mənim çıxışıma diqqətlə qulaq asıbsa, onda yəqin ki, o da bunu tutub. Həmçinin, hesab edirəm ki, nasist əlaltıları və cinayətkarları ilə QULAQ-ın və digər düşərgələrin repressiyaya məruz qalmış dustaqlarını müqayisə etmək qətiyyən yolverilməzdir.

Mən öz çıxışımı təsadüfən sitatlarla möhkəmləndirmədim. Onları kitabxanada, internetdə tapmaq olar. Rusiya Federasiyası Xarici İşlər Nazirliyinin 2019-cu ilin may sitatında və Rusiyanın Müdafiə naziri Şoyqunun redaksiyası altında 12 cildlik nəşrin sitatında kifayət qədər aydın deyilir ki, o, necə bir “xadim” olub.

Həmçinin, nə qədər iyrənc olsa da, onun sitatını mən bir daha təkrar edəcəyəm: “Almaniya uğrunda həlak olan Ermənistan uğrunda həlak olur”. Bu, Böyük Vətən müharibəsi illərində deyilib.

Buna görə də hesab edirəm ki, özünü demokratik seçilmiş təqdim edən yeni hakimiyyət, ilk növbədə, bu ləkədən, bu rüsvayçılıqdan təmizlənməli və həmin heykəli sökməlidir. Mənim dövlət başçılarına hörmətsizlik göstərdiyimə gəlincə, düşünürəm ki, bizim iclasımız, yəqin ki, bundan daha absurd tezis eşitməyib”.

Ümumiləşdirsək, deyə bilərik ki, Ermənistan hökumətinin başçısının İlham Əliyevlə görüşlərdə çox hazırlıqsız və təcrübəsiz olduğunu sezmək elə də çətin deyil.

Azərbaycan Prezidenti İlham Əliyev Münhen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələrində Ermənistanın Baş naziri Nikol Paşinyanı pərt edib.

 N.Paşinyan çıxış edərkən keçmiş Şaumyan rayonunun Dağlıq Qarabağa aid olduğunu bildirib.  

Azərbaycan Prezidenti isə buna dərhal reaksiya verib.  

“Şaumyan Dağlıq Qarabağa daxil deyil”, - deyə İlham Əliyev bildirib. N.Paşinyan mövzudan yayınmağa çalışsa da, İlham Əliyev bir daha ona keçmiş Şaumyan rayonunun Dağlıq Qarabağa aid olmadığını xatırladıb.  

Əlacsız qalan Paşinyan etdiyi səhvə görə üzr istəyib.  

Qeyd edək ki, Şaumyan rayonu 1930-cu ildə təşkil edilib. Azərbaycan Respublikası Ali Sovetinin qərarı ilə 7 fevral 1991-ci ildə ləğv edilərək Qasım İsmayılov rayonunun tərkibinə daxil edilib. Qasım İsmayılovun adı isə dəyişdirilərək Goranboy olub.  

"Ermənilər işğal olunmuş torpaqlarımızda bütün azərbaycanlıları etnik təmizləməyə məruz qoyublar. Onlar işğal altındakı torpaqlarda mədəni irsimizi məhv ediblər. Dağlıq Qarabağda Ermənistanın heç bir tarixi irsi yoxdur".

 Prezidentin köməkçisi Hikmət Hacıyev Tvitter səhifəsində bildirib ki, bu fikirləri Azərbaycan Respublikasının Prezidenti İlham Əliyev Münxen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələrdə söyləyib.

İlham Əliyev deyib ki, Nikol Paşinyan BMT Təhlükəsizlik Şurasının Azərbaycanın işğal edilmiş ərazilərindən erməni qoşunlarının dərhal və qeyd-şərtsiz çıxarılmasını nəzərdə tutan qətnamələrinin həqiqi mahiyyətini yanlış izah edir.

Azərbaycan Prezidenti sözlərinə əlavə edib ki, ATƏT-in Minsk Qrupunun həmsədrləri Ermənistana izah etməlidir ki, Dağlıq Qarabağ Ermənistanın deyil, dünyada heç bir ölkə Dağlıq Qarabağı tanımır:

"Azərbaycanın məcburi köçkünləri öz torpaqlarına qayıtmalıdır. İşğal edilmiş torpaqlardakı silahlı qüvvələrin 80 faizindən çoxunu erməni əsgərləri təşkil edir. Onlar düşünürlər ki, həmişəlik bu əraziləri saxlaya biləcəklər. Heç vaxt!

Biz bu münaqişəni mərhələli şəkildə həll etməliyik. Ərazilərin bir hissəsi azad edilməli və məcburi köçkünlər geri qaytarılmalıdır. Dağlıq Qarabağın statusu daha sonra müəyyən edilə bilər. Status Azərbaycanın ərazi bütövlüyünə zidd olmamalıdır"

.

“Əlbəttə ki, mən belə söz deməmişəm. Bu iddia yalandır. Bəli, qeyd etmişdim ki, həmin dövrdə müxalifətin hərəkətləri nəticəsində Azərbaycanda daxili vəziyyət qarışıq idi”.

Bu sözləri media.az-a açıqlamasında Azərbaycanın eks prezidenti Ayaz Mütəllibov deyib. 

O bildirib ki, nə vaxtsa Xocalı soyqırımını azərbaycanlıların törətdiyini deməsi ilə bağlı iddialar tamamilə əsassızdır:  

“Ermənistan tərəfi daim bu məsələni müzakirəyə çıxarır. Amma belə iddia həm də gülməlidir. Təbii ki, Prezident İlham Əliyev debatda Paşinyana tamamilə doğru cavab verdi”. 

Qeyd edək ki, Münhen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələrində Ermənistan Baş naziri Nikol Paşinyan Xocalı soyqırımı ilə bağlı danışarkən Azərbaycanın eks prezidenti Ayaz Mütəllibova “istinad edərək” sözügedən hadisəni azərbaycanlıların törətdiyini iddia etsə də, Prezident İlham Əliyev buna qətiyyətlə cavab verərək onun iddialarının əsassız olduğunu bildirmişdi. 

Azərbaycan Respublikasının Prezidenti İlham Əliyevlə Ermənistanın Baş naziri Nikol Paşinyan arasında Münhen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələri keçirildi.

Oxu.az xəbər verir ki, Prezident İlham Əliyev debatda məntiqli, tutarlı, faktlarla zəngin arqumentlər səsləndirməklə üstünlüyü əldən vermədi.

Bu fonda isə Ermənistan hökumətinin başçısı ənənəvi ampluasında idi. N.Paşinyanın daha çox hansısa qəzetdə çıxan materiallara istinad etməsi isə gülüş doğururdu.

N.Paşinyanın çıxışında Xocalı faciəsinin Azərbaycan tərəfindən törədilməsi ilə bağlı cəfəng iddia səsləndirməsi, üstəlik, bu fikrini “gücləndirmək” üçün Azərbaycanın eks-prezidenti Ayaz Mütəllibova istinad etməsi İlham Əliyevin buna yerində cavab verməsi ilə nəticələndi.

İlham Əliyev cavabında dedi ki, Ayaz Mütəllibov dəfələrlə Azərbaycanın Xocalı faciəsini törətməsi ilə bağlı fikir səsləndirmədiyini söyləyib.

Ölkə başçısı bunun erməni jurnalistlərin fantaziyası olduğuna diqqət çəkdi.

Aciz qalan N.Paşinyan diplomatik ritorika, diplomatik arqument və diplomatik manevrlərdən çox, qəzetçilik təcrübəsinə söykəndi. O, “Xocalı faciəsini Azərbaycan törədib” fikrini əsaslandırmaq üçün yalnız Ayaz Mütəllibovun müsahibəsində belə dediyini söyləməklə vəziyyətdən çıxmağa cəhd göstərdi.

Amma İlham Əliyevin dediyi kimi, Ayaz Mütəllibov dəfələrlə müsahibədə belə bir fikir səsləndirmədiyini bəyan edib. İlham Əliyev Ermənistanın Xocalıda soyqırımı törətdiyini faktlar və rəqəmlərlə səsləndirib.

Digər tərəfdən, Nikol Paşinyan Azərbaycanın işğal altındakı torpaqlarında yaradılmış separatçı rejimin danışıqlarda tərəf kimi iştirakının vacibliyini vurğuladı.

İlham Əliyev isə xatırlatdı ki, dünya birliyi, hər hansı dövlət Dağlıq Qarabağdakı qondarma rejimi tanımır.

“ATƏT-in Minsk qrupunun həmsədrləri Ermənistana izah etməlidirlər ki, Dağlıq Qarabağ Ermənistan deyil. Heç bir ölkə Dağlıq Qarabağı tanımayıb”, - deyə Prezident əlavə edib. 

Prezident çıxışında Ermənistanın Azərbaycanın işğal edilmiş ərazilərində mədəni irsi məhv etdiyini də diqqətə çatdırıb.

Münaqişənin həlli üçün əsas şərtin Ermənistanın işğal edilmiş torpaqlardan dərhal və qeyd-şərtsiz çıxması olduğunu dilə gətirib.

Ölkə başçısının debatın əvvəlində tarixdən nümunələr gətirərək, Qarabağın Azərbaycanın əzəli torpağı olduğunu deməsi də mühüm mesaj idi.

Bunun ardınca diplomatiyaya keçid edərək, BMT Təhlükəsizlik Şurasının Dağlıq Qarabağ münaqişəsinin həlli ilə bağlı qətnamələrini xatırlatması onun arqumentini daha da güclü etdi.

Nikol Paşinyan isə debat zamanı iki dəfə çaşdı. Bu, onun nə qədər hazırlıqsız olmasından xəbər verir. Belə ki, çıxışında “Qafqaz Bürosu qərar çıxarmışdı ki, Qarabağ Azərbaycanın olsun” deyəndən sonra  “Üzr istəyirəm, Ermənistan” deməsi Baş naziri gülünc vəziyyətə saldı.

Bundan başqa, o, keçmiş Şaumyan rayonunun (indiki Goranboy) Dağlıq Qarabağa aid olduğunu deyərkən İlham Əliyev dərhal buna reaksiya verib.

İlham Əliyev bildirib ki, Şaumyan rayonu Dağlıq Qarabağa aid deyil.

Ümumilikdə Azərbaycan Prezidentinin tarixi faktlara diqqət çəkməsi moderatorun (Rusiya-Amerika Fondunun icraçı direktoru Selesta Vallander) da marağına səbəb oldu. O, “burada tarix dərsi keçilir” deməklə, əslində, İlham Əliyevin arqumentlərinin daha güclü olduğuna işarə etdi.

Debatın ümumi mənzərəsində Nikol Paşinyan çox zəif və hazırlıqsız görünürdü.