 |
 |
Türkiyə prezidenti Rəcəp Tayyip Ərdoğanın Azərbaycana səfəri vaxtı maraqlı hadisə yaşanıb.
Yeniavaz.com xəbər verir ki, Azərbaycan və Türkiyə rəsmiləri prezidentlərlə görüşərkən Baş nazir Əli Əsədovun Ərdoğanın əlini nisbətən bərk sıxaraq silkələməsi gözlərdən qaçmayıb.
Türkiyə prezidenti isə bu vaxt təəccübünü gizlədə bilməyib və təbəssüm edərək prezident İlham Əliyevin qulağına bəzi sözlər pıçıldayıb.
İlham Əliyev isə Ərdoğana gülərək qarşılıq verib.
Azərbaycan Respublikasının Prezidenti İlham Əliyev Xocalı soyqırımı ilə bağlı paylaşım edib.
“Ədalət zəfər çalacaq!” adlı videopaylaşım ölkə başçısının “Facebook” profili vasitəsilə yayımlanıb.
Daxili İşlər Naziriyində yeni təyinat olub.
Unikal.org” xəbər verir ki, general-polkovnik Vilayət Eyvazovun müvafiq əmri ilə Zəfər Abıyev DİN Baş Narkotiklərlə Mübarizə İdarəsində şöbə müdiri vəzifəsinə təyin olunub.
Qeyd edək ki, Zəfər Abıyev Daşkəsən Rayon İcra Hakimiyyətinin başçısı Əhəd Abıyevin qardaşıdır. Bir neçə gün əvvəl Daxili İşlər naziri, general-polkovnik Vilayət Eyvazovun əmri ilə Gəncə Regional Narkomaniya İdarəsinin rəisi vəzifəsindən azad olunmuşdu.
Türkiyə Respublikasının Prezidenti Rəcəb Tayyib Ərdoğanın Azərbaycan Respublikasına səfəri fevralın 25-də başa çatıb.
Azərtac xəbər verir ki, Prezident Rəcəb Tayyib Ərdoğanı Heydər Əliyev Beynəlxalq Aeroportunda Azərbaycanın Baş Nazirinin birinci müavini Yaqub Eyyubov, Xarici İşlər nazirinin müavini Xələf Xələfov və digər rəsmi şəxslər yola salıblar.
.jpg "Ərdoğanın Azərbaycana səfəri başa çatdı — FOTO")
Fevralın 25-də rəsmi qarşılanma mərasimindən sonra Azərbaycan Respublikasının Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğan ilə təkbətək görüşü olub.
Bu barədə Azərbaycan Prezidentinin Mətbuat Xidməti məlumat yayıb.
“Azərbaycandakı sərmayələrimiz 11 milyard dollara çatıb. Bu rəqəmin 2020-ci ilin sonuna qədər 20 milyarda çatmasını düşünürük. Azərbaycanla ticarət həcmimiz isə 4,4 milyard dollara çatıb. 2023-cü ilə qədər ticarəti 15 milyarda çatdırmağı hədəfləyirik”.
Bunu Türkiyə Prezidenti Rəcəb Tayyib Ərdoğan Azərbaycana səfərindən öncə Ankaranın Əsənboğa hava limanında jurnalistlərə açıqlamasında deyib.
Prezident media nümayəndələrinin müxtəlif mövzularda verdiyi suallarını cavablandırıb.
İdlib üçün yol xəritəsi
“Hazırda Türkiyə-Rusiya arasında İdlib və Liviya ilə bağlı davam edən proses var. Rusiya rejim qüvvələrinə ən ali səviyyədə dəstəyini verir. Bunun dəlilləri əlimizdə var. Biz bu mübarizənin içində olmağa məcbur deyilik, məhkumuq. Hazırda 3 milyon insan sərhədimizə doğru irəliləyib. Əli-qolu bağlımı dayanacağıq? 3,5-4 milyon suriyalı ölkəmizdədir. Mən bunları Putinə də dedim”.
Dördlü zirvə
“Rusiyadan heyət sabah gələcək. Makron, Merkel və Putin arasında tam ittifaq müzakirə mövzusu belə deyil. Putin ilə müəyyən etdiyimiz tarix 5 martdır. Üz-üzə görüşlər keçirəcəyik”. (publika.az)
İsrafil Mirzəhməd oğlu Qurbanov 2-ci dərəcəli “Vətənə xidmətə görə” ordeni ilə təltif edilib.
Prezident İlham Əliyev bununla bağlı sərəncam imzalayıb.
İ.Qurbanov Azərbaycan Respublikasında dövlət qulluğunda uzunmüddətli səmərəli fəaliyyətinə görə mükafatlandırılıb.
Dövlət başçısının digər sərəncamı ilə Azərbaycan Respublikasında mülki aviasiya sahəsində uzunmüddətli səmərəli fəaliyyətinə görə Sabir Gülmirzə oğlu İlyasov 2-ci dərəcəli “Vətənə xidmətə görə” ordeni ilə təltif edilib.
Prezident İlham Əliyev Tahir Rzayevin “Şöhrət” ordeni ilə təltif edilməsi haqqında sərəncam imzalayıb.
Sərəncamla Azərbaycan Respublikasının ictimai-siyasi həyatında fəal iştirakına görə Tahir Musa oğlu Rzayev “Şöhrət” ordeni ilə təltif edilib.
Qeyd edək ki, deputat Tahir Rzayevin 70 yaşı tamam olur.
Milli Məclisə seçkilər üzrə indiyə qədər nəticəsi etibarsız sayılan məntəqələrin sayı məlum olub.
“Report” xəbər verir ki, bu günədək 30 seçki dairəsinin 105 seçki məntəqəsi üzrə səsvermənin nəticələri ləğv edilib.
Onlardan 102-si ilə bağlı Mərkəzi Seçki Komissiyası (MSK), 3-ü barədə isə dairə seçki komissiyaları (DSK) müvafiq qərar veriblər.
Belə ki, MSK-nın qərarları ilə 8 saylı Binəqədi birinci seçki dairəsinin 1 (24 saylı), 9 saylı Binəqədi ikinci seçki dairəsinin 3 (20, 31 və 35 saylı), 10 saylı Binəqədi üçüncü seçki dairəsinin 1 (16 saylı), 11 saylı Qaradağ seçki dairəsinin 2 (25 və 30 saylı), 12 saylı Qaradağ-Binəqədi-Yasamal seçki dairəsinin 11 (6, 9, 10, 13, 14, 23, 25, 27, 28, 29 və 31 saylı), 18 saylı Nərimanov-Nizami seçki dairəsinin 1 (10 saylı), 22 saylı Nəsimi seçki dairəsinin 4 (1, 11, 20 və 24 saylı), 23 saylı Nəsimi-Səbail seçki dairəsinin 4 (14, 17, 23 və 25 saylı), 25 saylı Nizami ikinci seçki dairəsinin 1 (26 saylı), 29 saylı Səbail seçki dairəsinin 6 (1, 5, 9, 11, 17 və 25 saylı), 30 saylı Suraxanı ikinci seçki dairəsinin 5 (1, 12, 14, 16 və 18 saylı), 32 saylı Suraxanı üçüncü seçki dairəsinin 3 (4, 8 və 9 saylı), 34 saylı Xətai ikinci seçki dairəsinin 7 (1, 2, 3, 4, 18, 30 və 35 saylı), 40 saylı Kəpəz ikinci (Gəncə) seçki dairəsinin 1 (8 saylı), 47 saylı Mingəçevir seçki dairəsinin 3 (9, 17 və 21 saylı), 48 saylı Yevlax seçki dairəsinin 1 (6 saylı), 57 saylı Kürdəmir seçki dairəsinin 5 (7, 18, 20, 27, və 33 saylı), 60 saylı Salyan-Neftçala seçki dairəsinin 11 (4, 5, 8, 13, 15, 23, 27, 32, 35, 37 və 39 saylı), 67 saylı Cəlilabad şəhər seçki dairəsinin 2 (10 və 29 saylı), 79 saylı İmişli seçki dairəsinin 5 (14, 16, 21, 23 və 25 saylı), 81 saylı Beyləqan seçki dairəsinin 4 (1, 4, 6 və 31 saylı), 82 saylı Ağcabədi seçki dairəsinin 1 (3 saylı), 83 saylı Ağcabədi-Füzuli seçki dairəsinin 1 (9 saylı), 90 saylı Şəmkir kənd seçki dairəsinin 2 (6 və 7 saylı), 91 saylı Ucar seçki dairəsinin 2 (18 və 38 saylı), 107 saylı Qazax seçki dairəsinin 1 (2 saylı), 118 saylı Ağdam şəhər seçki dairəsinin 2 (25 və 33 saylı), 123 saylı Kəlbəcər seçki dairəsinin 1 (16 saylı) və 125 saylı Zəngilan-Qubadlı seçki dairəsinin 11 (1, 10, 13, 32, 36, 37, 38, 39, 40 , 55 və 59 saylı) seçki məntəqələri üzrə səsvermənin nəticələri etibarsız sayılıb.
111 saylı Zaqatala-Balakən seçki dairəsinin 2 (4 və 43 saylı), 123 saylı Kəlbəcər seçki dairəsinin 1 (10 saylı) məntəqəsinin nəticələri isə DSK-lar tərəfindən ləğv edilib.
Lakin məntəqələr üzrə ləğvetmələr həmin dairələrdə lider namizədlərin dəyişməsinə səbəb olmayıb. 30 seçki dairəsinin hamısında MSK-nın ilkin nəticələri olduğu kimi qalıb.
Qeyd edək ki, MSK-nın fevralın 13-də keçirilən iclasında 80 saylı İmişli-Beyləqan seçki dairəsinin (lider namizəd Çingiz Qənizadə), 74 saylı Lənkəran kənd seçki dairəsinin (lider namizəd Hadı Rəcəbli), 35 saylı Xətai üçüncü seçki dairəsinin (lider namizəd Rauf Arifoğlu) və 33 saylı Xətai birinci seçki dairəsinin (lider namizəd Hüseynbala Mirələmov) nəticələri ləğv olunub.
Daxili işlər orqanlarında kadr dəyişikliyi olub.
Oxu.Az məlumatına görə, bu barədə müvafiq əmri Daxili İşlər naziri, general-polkovnik Vilayət Eyvazov imzalayıb.
Əmrə əsasən, DİN-in Mətbuat Xidmətinin Şirvan regional qrupunun baş inspektoru Toğrul Nəsirli vəzifəsindən azad olunub.
O, Bakı Şəhər Baş Polis İdarəsinin Dövlət Yol İdarəsinin bölməsinə inspektor vəzifəsinə təyinat alıb.