Bakıda 16 mərtəbəli yaşayış binasında yanğın başlayıb.

Millidestek.az istinadən xəbər verir ki, Feysbuk sosial şəbəkəsində azərbaycanlı istifadəçilərdən biri məlumat yayıb.

Məlumatda qeyd edilir ki, binanın ilk 2 mərtəbəsində yanğın söndürülüb, sakinlər isə təxliyə ediliblər.

Hadisə yerinə 4 yanğınsöndürən maşın, 3 təcili tibbi yardım maşını cəlb edilib, xeyli sayda polis təhlükəsizliyi təmin edir. FHN əməkdaşları isə binaya daxil olmağa çalışırlar.

***

Bu gün axşam saatlarında paytaxtın Binəqədi rayonu, Fərman Məlikov küçəsindəki 16 mərtəbəli yaşayış binasında baş verən yanğın artıq söndürülüb.

Axar.az xəbər verir ki, Fövqəladə Hallar Nazirliyinin hadisə yerinə cəlb olunan Dövlət Yanğından Mühafizə Xidmətinin qüvvələri alovun qarşısını alıblar.

Hadisə yerinə təcili tibbi yardım briqadası göndərilib.

Yanğınla əlaqədar aidiyyəti qurumlar tərəfindən araşdırmalar aparılır.

***

Binəqədi rayonundakı yanğınla bağlı Fövqəladə Hallar Nazirliyi rəsmi açıqlama yayıb.

Məlumatda bildirilir ki, Bakı şəhəri, Binəqədi rayonunda çoxmənzilli yaşayış binasının 3-cü mərtəbəsindən 17-ci mərtəbəsinə kimi şaxtadan keçən elektrik kabelləri 42 p.m və 128 ədəd elektrik sayğacı yanıb. Dövlət Yanğından Mühafizə Xidmətinin və Xüsusi Riskli Xilasetmə Xidmətinin xilasediciləri tərəfindən yanğın zamanı yuxarı mərtəbələrdən 15 nəfər sakin xilas olunub, 20 nəfər təxliyə edilib.

Şaxtadan keçən elektrik kabellərinin qalan hissəsi və digər kommunikasiya xətləri yanğından mühafizə olunub. Yanğın yanğınsöndürənlər tərəfindən söndürülüb.