 |
 |
Bu il Hacıqabul rayonunda bir sıra sahələrdə yüksək irəliləyişlər əldə olunub, yeni iş yerləri açılıb
Ulu öndər Heydər Əliyevin əsasını qoyduğu siyasətin Prezident İlham Əliyev tərəfindən uğurla, yeni dövrün tələblərinə uyğun şəkildə davam etdirilməsi ölkəmizin siyasi-iqtisadi inkişafını, o cümlədən, sosial rifahın yüksəlişini təmin edib. Məhz bunun nəticəsidir ki, bu gün Azərbaycan gündən-günə inkişaf edir, güclənir, beynəlxalq arenadakı mövqeyini möhkəmləndirməklə yanaşı, bölgələrimizin inkişafı, vətəndaşların sosial şəraitinin yüksəlişi təmin olunur. Bu isə şübhəsiz, qəbul olunmuş inkişaf proqramlarının, o cümlədən, iki mərhələdə həyata keçirilən “Azərbaycan Respublikası regionlarının sosial-iqtisadi inkişafı Dövlət Proqramı”nın yüksək keyfiyyətlə icra olunmasının bariz nəticəsidir. Bu proqramın birinci mərhələsinin başa çatmasından sonra Azərbaycanın bütün rayonları inkişaf edib, dövlətimizin iqtisadi potensialı artıb. Artıq proqramın ikinci mərhələsi icra olunur və bu il başa çatacaq. Beləliklə həyata keçirilən siyasət regionların inkişafını təmin etməklə yanaşı, işsizlik probleminin aradan qalxmasına, yeni müəssisələrin fəaliyyətə başlamasına, o cümlədən, sahibkarlığın inkişaf etdirilməsinə yol açıb. Bunun nəticəsində Azərbaycanın regionlarında əsaslı inkişaf tempi müşahidə olunur. Bu rayonlar sırasında Hacıqabulun da adını çəkmək olar.
Hazırda rayona rəhbərlik edən icra başçısı Rüstəm Xəlilovun Cənab Prezident İlham Əliyevin əmr və tapşırıqlarını operativ və dəqiqliklə yerinə yetirməsi sayəsində rayon gündən günə gözəlləşir və abadlaşır.
Qeyd edək ki, Rüstəm Xəlilov Hacıqabula icra başçısı təyin edilməsindən artıq aylar keçib. Hələ digər sahələrdə işləyərkən cənab Xəlilov bir sıra uğurlara imza atmış, Vətənçün bir xeyli işlər görmüşdü. Cənab Prezident İlham Əliyev də bütün bunları nəzərə alaraq onu Hacıqabula icra başçısı təyin etmiş və böyük etimad göstərmişdi. Hazırda Rüstəm Xəlilovun gərgin əməyi və zəhməti sayəsində Hacıqabul sürətlə inkişaf edir, abadlaşır və yenidən qurulur. Hacıqabul rayon İcra Hakimiyyətinin başçısı Rüstəm Xəlilovun bu rayona başçı təyin olunduğu vaxtdan bəri, Hacıqabulun əksər sahələrində böyük canlanma, dinamik inkişaf müşahidə olunmaqdadır. Rayondan Millidestek.az-ın elektron poçtuna ünvanlanan məktublarda Hacıqabul rayon İcra Hakimiyyətinin başçısı Rüstəm Xəlilovun fəaliyyətinə dair razılıq hisslərinin ifadə olunması ilə yanaşı, rayonda gedən proseslərin saytımızda işıqlandırılması xahişlərinə də tez-tez rast gəlinir.
Bir neçə il əvvələ qədər Hacıqabulda görülən işlərin miqyası belə geniş deyildi. Millidestek.az olaraq material hazırlayanda görülən işlərdən, həyata keçirilən tədbirlərdən bir cümlə yazanda, beş cümlə də rayonun füsunkar təbiətindən, payız dumanının dərələrdə sürünməyindən, bəyaz bulud karvanlarının yaşıl ormanların üzərində “dincini almağından” və sair gözə xoş gələn özəlliklərdən bəhs etməli olurduq. İndi Hacıqabulda tikinti-quruculuq, abadlıq istiqamətində o qədər iş görülür ki, yazının həcmli və ya dolğun çıxması üçün təbiət gözəlliklərinə üz tutmağa ehtiyac qalmır.
Hacıqabul rayonunun sakinləri hər zaman siyasi fəallığı ilə seçilib və Ümummilli liderimiz Heydər Əliyev ideyalarına bağlılıq nümayiş etdirib. Rayonun əsas aparıcı siyasi qüvvəsi Yeni Azərbaycan Partiyasının Hacıqabul rayon təşkilatıdır. Vurğulamaq lazımdır ki, bütün Hacıqabul ictimaiyyəti Ulu öndər Heydər Əliyev kursunun davamçısı Azərbaycan Prezidenti İlham Əliyevin rəhbərliyi ilə ölkəmizin daha da inkişaf edəcəyinə inanır və Prezidentin apardığı sosial-iqtisadi siyasəti dəstəkləyir.
Hacıqabul rayon İcra Hakimiyyətinin başçısı Rüstəm Xəlilov - Dünyada koronavirusa qarşı mübarizədə Azərbaycanın adı birincilər cərgəsində gəlir
Hazırda hər kəsə bəllidir ki, dünya birliyinin məsuliyyətli və etibarlı üzvü kimi Azərbaycan koronovirus təhlükəsinin ilk günlərindən etibarən qlobal həmrəylik çağırışlarına dəstək vermişdir. Ölkəmiz koronavirusa qarşı qlobal mübarizəyə dəstək olaraq Ümumdünya Səhiyyə Təşkilatına könüllü maliyyə yardımı ayırmışdır. Eyni zamanda, əlavə olaraq Ümumdünya Səhiyyə Təşkilatına bir daha könüllü maliyyə töhfəsi ayrılacaqdır ki, bu dəstək zəruri ehtiyacların qarşılanması üçün koronovirusdan ən çox zərər çəkmiş Hərəkat üzvlərinə yönəldiləcəkdir. Habelə, Azərbaycan tərəfindən bir sıra ölkələrə də ikitərəfli əsasda yardım həyata keçirilmiş və keçirilməkdədir.
Bu gün dünya üzərində müşahidə aparılsa, aydın şəkildə görünər ki, koronavirus infeksiyası hər bir dövləti ciddi sınaq qarşısında qoymuşdur. Bəzisi bu sınaqdan layiqincə çıxmaqdadır, bəzisi isə çoxsaylı insan itkisi ilə hələ də mübarizə aparmaqdadır. Bütün bunlara baxmayaraq əminliklə deyə bilərik ki, Azərbaycanın sözügedən vurusa qarşı həyata keçirdiyi siyasət çox uğurludur və bu təkcıə Azərbaycan xalqı tərəfindən deyil, eyni zamanda beynəlxalq ictimaiyyət tərəfindən də təqdir edilir. Belə ki, Ümumdünya Səhiyyə Təşkilatının Baş direktoru Tedros Adhanom Qebreyesus tərəfindən mart ayının 23-də Prezidentimizə ünvanladığı məktubda Azərbaycanda görülmüş işlərə yüksək qiymət verilmişdir. Azərbaycan pandemiyaya qarşı görülmüş tədbirlərə görə nümunəvi ölkə kimi dəyərləndirilmişdir. Prezident İlham Əliyevin gördüyü qabaqlayıcı tədbirlər sayəsində bu gün koronavirusa qarşı ən effektiv mübarizə aparan ölkələrdən söz açdıqda Azərbaycanın adı birincilər cərgəsində gəlir. Eləcə də, effektiv nəticələrə görə Azərbaycanda koronavirusa qarşı aparılan mübarizə beynəlxalq səviyyədə təqdir olunur. Azərbaycan Prezidentinin yaranmış vəziyyətin sosial-iqtisadi sferaya çətinlik yaratmaması ilə bağlı verdiyi qərarlar da Avropa Yenidənqurma və İnkişaf Bankı tərəfindən təqdir olunur. Yeri gəlmişkən qeyd olunmalıdır ki, Avropa İttifaqının rəsmisinin Zirvə görüşündə iştirakı və çıxışı Qoşulmama Hərəkatının tarixində ilk dəfə baş vermiş hadisədir. Qeyd olunmalıdır ki, məhz Azərbaycan daim bir-biri ilə əks qütblərdə olan Qoşulmama Hərəkatı ilə Avropa İttifaqını koronavirus təhlükəsi zamanı bir araya gətirməyə müvəffəq olmuşdur. Sadalanan faktlar Prezident İlham Əliyevin rəhbərlik etdiyi Azərbaycanın dünya miqyasında nüfuzunu daim artdığının göstəricisidir. Bu uğurların davamlı olacağı heç kəsdə şübhə doğurmur.
15 iyun - Milli Qurtuluş Günündə Xəzər Rayon Polis İdarəsinin 1-ci Polis Şöbəsinin və Sabunçu Rayon Polis İdarəsinin 13-cü Polis Bölməsinin yeni inzibati binalarının açılışı olub.
Azərbaycan Respublikasının Daxili İşlər naziri, general-polkovnik Vilayət Eyvazov hər iki tədbirdə iştirak edib. Məlumat verilib ki, iki mərtəbəli inzibati binalar ən müasir standartlara uyğun inşa edilib, bütün zəruri avadanlıq, kommunikasiyalar və texniki qurğularla, mebel və inventarla təmin olunub. Hər iki binanın daxilində silah saxlama otağı, idman sağlamlıq zonası və yeməkxana var. Yeni tikililər ventilyasiya, mərkəzi istilik sistemi, qazanxana və rabitə-kommunikasiya xətləri ilə təmin edilib, digər yardımçı sahələr yaradılıb. Ərazilər hasarlanıb, abadlaşdırma, yaşıllaşdırma və xarici işıqlandırma işləri yerinə yetirilib.
Nazir yeni binaların foyesində olan Ümummilli Lider Heydər Əliyevin zəngin dövlətçilik fəaliyyətini, Prezident İlham Əliyevin daxili və xarici siyasət sahəsində əldə etdiyi uğurları, daxili işlər orqanlarına xüsusi diqqət və qayğısını əks etdirən fotostendlərlə tanış olub, növbətçi hissələrə, xüsusi avadanlıq və kompyuter sistemi ilə təchiz edilmiş xidməti otaqlara baxıb.
General-polkovnik Vilayət Eyvazov görülən işləri yüksək qiymətləndirib, tapşırıq və tövsiyələrini verib. O, xalqımız üçün ən əlamətdar günlərdən biri olan Milli Qurtuluş Günündə iki yeni inzibati binanın açılışını məmnunluqla qeyd edərək əmin olduğunu bildirib ki, şəxsi heyət dövlətin göstərdiyi bu ali diqqət və qayğıya layiqli xidməti ilə cavab verəcək.
Bu gün Azərbaycanda Milli Qurtuluş Günü qeyd olunur.
“Qafqazinfo” xəbər verir ki, Milli Məclisin 1993-cü il iyunun 15-də keçirilən iclasındakı çıxışında ulu öndər Heydər Əliyev Azərbaycan dövlətçiliyinin gələcək inkişaf strategiyasını elan edib və bu gün Azərbaycan tarixinə Milli Qurtuluş Günü kimi daxil olub, Azərbaycan dövlətçiliyi yox olmaq təhlükəsindən qurtulub.
Həmin gün Azərbaycan xalqının tələbi ilə ikinci dəfə hakimiyyətə qayıdan Heydər Əliyev Ali Sovetin sədri seçilib. Bununla da uzun illər davam edən gərginlik və qarşıdurma səngiyib və ölkə vətəndaş müharibəsi və parçalanma təhlükəsindən xilas olub. Milli qurtuluş fəlsəfəsi sözün geniş mənasında Azərbaycanın mövcudluğunu, onun ən böyük tarixi nailiyyəti olan müstəqilliyini təmin edir.
Əgər müstəqilliyi qazanmaq ilkin şərt idisə, ikinci vacib məsələ suverenliyi qoruyub inkişaf etdirmək idi və bu ümummilli liderin iradəsi sayəsində reallığa çevrildi. O, Milli Azərbaycan dövlətçiliyi konsepsiyasını yaratdı. Bütün maneələrə baxmayaraq, ən qısa müddətdə ölkədə ictimai-siyasi sabitlik bərpa olundu.
Heydər Əliyev 1993-cü il iyunun 20-də Azərbaycan həqiqətlərinin dünya ictimaiyyətinə çatdırılması üçün yerli və xarici jurnalistlər üçün brifinq keçirib, iyunun 21-də isə bir sıra ölkələrin diplomatları ilə görüşüb. Bu sahədə yürüdülən siyasət respublikanı informasiya blokadasından çıxartdı. Dünyada Azərbaycanla bağlı formalaşan fikri müsbət yöndə dəyişdi. Məhz belə bir mürəkkəb siyasi şəraitdə Heydər Əliyevin böyük potensialı Azərbaycanın müstəqilliyinin qarantına çevrildi. Ümummilli liderin şəxsiyyəti, onun özünəməxsus siyasi idarəetmə qabiliyyəti, qətiyyəti və xarizması siyasi böhrana son qoydu və Azərbaycanın dünya birliyinə inteqrasiyası başlandı.
1997-ci ildə Milli Məclisin deputatları 15 iyun tarixinin təqvimə Azərbaycan Respublikasının Milli Qurtuluş Günü kimi salınması təklifi ilə çıxış ediblər və parlament bu təklifi bəyənib. Həmin vaxtdan Heydər Əliyevin yenidən hakimiyyətə qayıdışı Milli Qurtuluş Günü kimi qeyd edilir.
1993-cü il iyunun 15-i Azərbaycan tarixinə Milli Qurtuluş Günü kimi daxil olub və dövlətçiliyimiz yox olmaq təhlükəsindən xilas edilib. Azərbaycan xalqının ümummilli lideri Heydər Əliyev öz xilaskarlıq missiyası ilə ölkəmizin müstəqilliyini qorudu və inkişafın təməlini qoydu.
Bu şanlı tarix səhifəsini yaradan isə yenə də Azərbaycanın inkişafında, müstəqilliyində, gələcəyində müstəsna rol oynayan, daim xalqına arxalanan və xalqa arxa olan bir insan – Heydər Əliyevdir. Heydər Əliyev yalnız Azərbaycan Respublikasının Prezidenti deyil, ən çətin dövrlərdən birində vətəninin xilasına gəlmiş, ölkəni dirçəliş və tərəqqiyə, çiçəklənməyə aparan Azərbaycan xalqının ümummilli lideridir. Heydər Əliyevin təkcə Azərbaycanın siyasi, iqtisadi həyatında deyil, həmçinin incəsənət tarixində də misilsiz töhfələri olub. Bəs, dünya miqyaslı siyasətçi, böyük insan incəsənət nümayəndələrinin yaddaşında necə qalıb?
“Ölkə.Az” olaraq, ilk Xalq artisti Mənsum İbrahimovun fikirlərini öyrənməyə çalışdıq. Sənətçi əməkdaşımızla söhbətində Ulu Öndəri Azərbaycan xalqının xilaskarı adlandırıb.
“Ulu öndər Heydər Əliyev bizim xilaskarımızdır. Azərbaycanın hazırkı inkişafında Ulu öndərin müstəsna rolu var. Çünki, bu dövlətin təməlini Heydər Əliyev qoyub. Mən çox xoşbəxtəm ki, mənə də onunla bir neçə dəfə görüşmək nəsib olub. Hətta bir dəfə onunla bir yerdə xarici səfərdə də olmuşam. O, sənət insanlarının heç birini diqqətdən kənarda qoymurdu. Hər dəfə dövlət tədbirləri olanda Ulu Öndər mütləq konsertdən sonra səhnə arxasına gəlib, bütün incəsənət insanları ilə görüşərdi. Hər birimizi diqqətlə dinləyib, dəyərli məsləhətlərini bizdən əsirgəməzdi. Ona görə, mən çox xoşbəxtəm ki, Ulu Öndərlə təmasda olmuşam. İlk dəfə o, məni 1998-ci ilə Əməkdar artist adına layiq görüb. Biz xoşbəxt xalqıq ki, bizim Ulu Öndər kimi liderimiz var. Onun ruhu bu gün də bizim başımızın üzərindədir. Bu gün də onun davamçısı Prezidentimiz İlham Əliyev onun yolunu davam etdirir.
Allah onun ruhunu şad etsin, o, hər zaman bizimlədir”,- deyə Xalq artisti vurğulayıb.
Xalq artisti Mübariz Tağıyev isə onun incəsənət üçün etdiyi misilsiz xidmətlərindən söz açıb.
“Heydər Əliyevin sənət aləmində etdiyi köməkliklər, xidmətlər misilsizdir. O, bu günə kimi sənət adamları üçün əvəzolunmaz, dəyərli işlər görüb. Ulu Öndərin qoyduğu həmin o yol bu gün də Prezidentimiz İlham Əliyev tərəfindən qürurla davam etdirilir. Heydər Əliyevin sənət adamlarına olan dərin hörməti, qayğısı böyük olub. Sənət adamları ilə, Niyazi, Rəşid Behbudova olan hörmətini, qayğısını mən canlı şahidi olmuşam.
Bütün tədbirlərdə xüsusilə səhnə arxasına gəlirdi, bizimlə görüşürdü. İnandırım sizi, bir də görürdün 40-50 insan durub, heç kəsi diqqətindən kənarda qoymurdu. Bir-bir hamı ilə görüşürdü. O, böyük, dahi insan idi. Mənə elə gəlir ki, hər bir sənət adamı, hər bir azərbaycanlı onun etdiklərinə, bizə miras qoyub getdiyi misilsiz zəhmətlərinə görə, ömrü boyu ona borclu olacaq. Müstəqil Azərbaycanın yaranması birbaşa onun adı ilə bağlıdır.
Belə bir söz var “Sənət hər bir millətin güzgüsüdür”. Bizə olan hörməti, dəyəri bizim ömrümüzün sonuna qədər bizimlə gedəcək”,- deyə ifaçı qeyd edib.
Xalq artisti Sadıq Zərbəliyev isə hələ, 1991-ci illərdə Naxçıvanda tez-tez Ulu Öndərlə görüşdüyünü bildirib.
“Mən 1991-1993 cü illərdə dəfələrlə Naxçıvanda rəhmətlik Heydər Əliyevin yanında olmuşam. Onunla dəfələrlə görüşmüşəm. Hər dəfə də mən onunla görüşəndə kövrəlirdim, gözlərim dolurdu.
Yadımdadı, bir dəfə onunla görüşəndə dedim ki, “Yoldaş Əliyev Allah mənim ömrümdən kəssin, sizə versin” diqqətlə mənə baxdı, “Qoy, hər kəsənin ömrü özünə qalsın” deyə cavab verdi.
O zamanlar mən heç düşünməzdim ki, Heydər Əliyev yenidən prezident seçiləcək.
Onun sənət insanlarına xüsusi diqqəti vardı, məni əməkdar artist olmadan birdəfəlik Xalq artisti adına layiq gördü. Türkiyədə Atatürk xalqının himayədarı oldu, Azərbaycanda da Heydər Əliyev, bizim hamımızın lideri, öndərimizdir. Heydər Əliyev əbədi olaraq Azərbaycanla yaşayacaq”.
Bu günki müsahiblərimiz dağlar məskəni, uzunömürlülər diyarı - Lerik rayonunun istedadlı, aktiv gəncləridir.
İntiharlar inkişaf etməkdə olan, yoxsul dövlətlərlə yanaşı, vətəndaşlarının həyat səviyyəsi yüksək, inkişaf etmiş dövlətlərin də yaşadığı ən ağır bəlalardan biridir. Bəli, elə gün yoxdur ki, növbəti intihar xəbərini eşitməyək.
Rəsmi statistikaya əsasən, hər il dünyada 1 milyon insan intihar edir. Azərbaycan intihar faktlarının az olduğu ölkələr siyahısındadır. Bəzi məlumatlara görə, siyahıda belə mövqe tutmağımızın səbəbi ölkəmizdə bununla bağlı statistikanın aparılmamasıdır.
Bizim xoşbəxtliyimiz ondadır ki, insanları bir-birinə yaxınlaşdıran milli, dini ənənələrimiz, mərasimlərimiz var, yaxınlarımızın xeyir-şərində iştirak etmək tendensiyasını saxlamağımızdır. İnsan tənha olanda intihara daha çox meyl edir, nəinki ona təsəlli verən, kömək edən insanlar arasında. Bugünkü həyat insanları ya işə, ya kompüterə, ya da internetə bağlayıb. Bunun nəticəsində insanların bir-biri ilə ünsiyyəti azalır, tənhalığa meyl edir.
Bəs, insanları intihar etməyə vadar edən nədir? Bir çox hadisələrdə deyildiyi kimi ruhi pozğunluqmu, maddi vəziyyətimi və ya başqa bir səbəb?
Məncə bəzi psixoloqlarımız da sosial şəbəkələrin artmasının intiharı yaradan səbəblərə aid olduğunu düşünürlər: Həyatımızda sosial şəbəkələrin rolu böyükdür, amma baxır necə istifadə edirsən. Elə gənclərimiz var ki, həyat yoldaşlarını belə sosial şəbəkələrdə axtarırlar, bunun da sonu heç də yaxşı olmur. Cəmiyyətdə ünsiyyət aktivləşdikcə insanlar arasında xəyali obrazlar yaranır və bu reallaşmayanda ümidləri qırılır. Sosial şəbəkələrin sürətlə həyatımıza girdiyi bir vaxtda intiharlar da çoxalır. Gənclərimiz müstəqil ünsiyyətə hazır deyillər. İdarə olunması qeyri-mümkün olan virtual aləmdə ünsiyyət çox hallarda onlara xəyal qırıqlığı yaşadır. Gənclərin bir-biri ilə münasibətləri uzunmüddətli kommunikasiya olmalıdır. Sosial şəbəkələr isə buna imkan vermir, çünki reallıqdan çox uzaqdırlar. Şəxsi həyatla bağlı mövzular insanları ən çox intihara sürükləyən səbəblərdir. Bir çox hallarda insanların qəlb qırıqlığına şəxsi münasibətləri daha çox səbəb olur. Yetkin cəmiyyət arasında sosial şəbəkələrdəki münasibətdə qarşı tərəflə ünsiyyətdə tərbiyəsizlik daha çoxdur, nəinki tərbiyə. Azərbaycan gənclərinin əksəriyyəti yuxarıda qeyd etdiyim kimi müstəqil həyata hazır deyillər. Buna görə də intihar edənlər arasında gənclər orta və yaşlı nəsillərə nisbətən çoxluq təşkil edir.
Görəsən bizdə də nə vaxtsa ciddi mütəxəssislər tərəfindən elmə əsaslanmış Fəaliyyət Proqramı hazırlanacaqmı? Orada qanunvericiliklə, inzibati metodlarla, KIV-in rolu barədə, məktəblərin fəaliyyəti barədə və s. aydın tövsiyələr olsun və onları dəqiqliklə həyata keçirsinlər. “Türklər demişkən amma nərdə....?” Hələ bizimkilər KİV-də TV kanallarda özünəqəsd hallarını daha populyarlaşdırırlar, bu da insanların psixologiyasını korlayır və bunun nəticəsidir ki, 9 yaşında uşaq intihar edir.
Tünzalə İsmayıllı
“Palmali Şirkətlər Qrupu”nun qurucusu və sahibi Mübariz Mənsimovun işi ilə bağlı sənədlər bu gün yazılaraq İstanbul 27-ci Ağır Cəza Məhkəməsinə göndərilib.
Bu barədə “Palmali”nin Mətbuatla əlaqələr şöbəsinin rəhbəri Fidan Quliyeva məlumat verib.
“İddianamə aktı hələki məhkəmənin dəyərləndirməsi mərhələsindədir. Buna görə vəkillərlə bölüşülmür. İlk növbədə, məhkəmənin iddianaməni nəzərdən keçirəcəyi gözlənilir”, – deyə Fidan Quliyeva bildirib. (publika.az)
27 il öncə Ulu Öndər Heydər Əliyev qətiyyəti Azərbaycanı dünya xəritəsindən məhv olmaq təhlükəsindən qurtardı.
Azərbaycan Respublikasının Prezidenti İlham Əliyev iyunun 11-də Bakı şəhərinin Xətai rayonunda “Azərenerji” Açıq Səhmdar Cəmiyyətinin 110/35/10 kilovoltluq “Əhmədli” yarımstansiyasının açılışında iştirak edib.
“Əhmədli” yarımstansiyası tamamilə yenidən qurulub, buradakı transformatorlar yeniləri ilə əvəzlənib, yarımstansiyanın bütün qurğuları müasir səviyyəyə çatdırılıb. Yenidənqurma işləri zamanı yarımstansiyanın idarəetmə binası da inşa olunub.
Yarımstansiya Suraxanı, Xətai və Nizami rayonlarında əhalini, sosial, iqtisadi və sənaye müəssisələrini fasiləsiz elektrik enerjisi ilə təmin edəcək.
Prezident İlham Əliyev “Əhmədli” yarımstansiyasını işə salıb.
“Azərenerji” Açıq Səhmdar Cəmiyyətinin prezidenti Baba Rzayev dövlətimizin başçısına yarımstansiyada görülən işlər barədə məlumat verib.
Bildirildi ki, müasir avadanlıq və qurğuların quraşdırılması yarımstansiyanın səmərəliliyini və gücünü artırıb. Burada 3 köhnə transformatorun daha yeni transformatorlarla əvəzlənməsi yarımstansiyanın ümumi gücünü 166 mVA-dan 240 mVA-ya çatdırıb. Yarımstansiyada aparılan yenidənqurma işləri istehlakçıların enerji təchizatında fasilə yaranmaması üçün xüsusi rejimdə - onun fəaliyyəti dayandırılmadan həyata keçirilib.
Ümumilikdə, son iki ildə Prezident İlham Əliyevin tapşırığı ilə elektrik stansiyaları ilə yanaşı, ötürücü şəbəkədə də geniş yenidənqurma, təmir və bərpa işləri həyata keçirilir. Hazırlanan Reabilitasiya Proqramı çərçivəsində bu dövrdə 1 ədəd 500, 2 ədəd 330, 2 ədəd 220 və 10 ədəd 110 kV-luq yarımstansiya yenidən qurulub, 12 yarımstansiyada təmir-bərpa işləri həyata keçirilib.
Prezident İlham Əliyev: Burada böyük yaşayış massivləri yerləşir, bəs bu köhnə yarımstansiya bütün bu obyektləri necə qidalandırırdı?
Baba Rzayev: Bu, qidalandırmırdı.
Prezident İlham Əliyev: Yəni, fasilələrlə verilirdi?
Baba Rzayev: Bəli, çox pis idi, həmişə fasilə buradan olurdu. “Əhmədli” bir nömrəli qəza mənbəyi idi.
Prezident İlham Əliyev: Əhmədlidə, Günəşlidə qəzalar tez-tez olurdu. İndi qəzalar olmamalıdır.<ins'>
Baba Rzayev: İnşallah, heç bir qəza olmayacaq.
Prezident İlham Əliyev: İstifadəyə verilən bu yarımstansiya 300 min əhalini əhatə edəcək. Həmçinin burada bir çox sənaye müəssisələri, ictimai binalar var. Ona görə bu yarımstansiyanın çox böyük əhəmiyyəti var.
Baba Rzayev: Cənab Prezident, “Ağ Şəhər” böyük bir layihədir. Orada 110 kilovoltluq 3 böyük yarımstansiya var, onlardan ikisi buradan qidalanır.
Prezident İlham Əliyev: Son illər ərzində energetika sahəsində çox böyük işlər görülüb, həm generasiya gücləri artıb, eyni zamanda, siz itirilmiş gücləri bərpa edirsiniz. Yaxın zamanlarda Mingəçevirdəki İstilik Elektrik Stansiyasının da yenidənqurmadan sonra açılışını edəcəyik.
Əslində, bu, yenidən tikilmiş 2400 meqavat gücündə elektrik stansiyasıdır və yarımstansiyaların tikintisi. Məhz buna görə bu gün enerji təminatı ilə dayanıqlılıq əmsalına görə Azərbaycan dünya miqyasında ikinci yerdədir. Özü də bunu biz demirik, Davos Ümumdünya İqtisadi Forumu deyir. Yəni, biz bir çox inkişaf etmiş ölkələri də qabaqlamışıq və işlər davam edir. Mənim rayonlara səfərlərim çərçivəsində də yeni yarımstansiyalar açılır. Bu yaxınlarda Tərtərdə, Ağcabədidə iki yarımstansiya açılıbdır. İndi “Əhmədli” yarımstansiyası, “8-ci Kilometr”, “Xırdalan”, “Buzovna”, “Ağ şəhər”.
Baba Rzayev: Cənab Prezident, Sizin birbaşa tapşırığınızla son bir ildə ancaq Abşeron regionunda 12 yarımstansiya, o cümlədən “Görədil” işə salınıb.
Prezident İlham Əliyev: Bizim bütün elektrik təsərrüfatımız tamamilə yenilənməli və ən yüksək müasir standartlara cavab verməlidir. Bir sıra layihələr başa çatıb, ancaq hələ görüləsi işlər çoxdur, onları da ardıcıllıqla icra edəcəyik.
Baba Rzayev: Çox sağ olun, cənab Prezident. Sizi əmin edirəm ki, energetika sahəsinin inkişafı ilə bağlı müəyyənləşdirdiyiniz strategiyanı, qarşıya qoyduğunuz vəzifələri energetiklərimiz uğurla yerinə yetirəcəklər. Sizə təşəkkür edirik.
Cənab Prezident, harada ki, ərazi imkan verir, 110, 220, 330 kilovoltluq yarımstansiyaları ən müasir texnologiyalar əsasında bu cür açıq paylayıcı qurğularla təmin edirik. Ancaq “Böyükşor” yarımstansiyasını qapalı “GİS”lə inşa etmişik. Özü də bu yarımstansiyaların gücü 80 və 240 meqavoltamperdir.
***
Prezident İlham Əliyev iyunun 11-də Bakı şəhərinin Xətai rayonunda “Azərenerji” Açıq Səhmdar Cəmiyyətinin 110/35/10 kilovoltluq “Əhmədli” yarımstansiyasının açılışında iştirak edib.
Bununla bağlı AZƏRTAC məlumat yayıb.
Prezident İlham Əliyev Dövlət Şəhərsalma və Arxitektura Komitəsinin sədrinə I müavin təyin edilməsi barədə sərəncam imzalayıb.
Sərəncamla bu vəzifə Namiq Hümmətova həvalə olunub.
O, indiyə qədər komitənin Ərazi Tikinti Planlaşdırma Mərkəzinin İdarə Heyətinin sədri vəzifəsində çalışıb. (report)