İsrail qoşunları Suriya ilə sərhəddəki bufer zonada və Qolan təpələrində Hermon dağ silsiləsinin Suriya tərəfində qeyri-müəyyən müddətə qədər qalacaq.

Axar.az xəbər verir ki, bu barədə İsrail müdafiə naziri İsrael Katz Hermon dağının zirvəsində ordu mövqeyinə baş çəkərkən bildirib.

"Ordu Qolan təpələrinin və İsrailin şimalının təhlükəsizliyini təmin etmək üçün Hermon dağında və bufer zonada qeyri-müəyyən müddətə qədər qalacaq. Biz Suriyanın cənubundakı təhlükəsizlik zonasında düşmən qüvvələrin yerləşməsinə icazə verməyəcəyik və istənilən təhdidlərə qarşı hərəkət edəcəyik”, - o qeyd edib.