...ABŞ-da, Floridada Helen və Milton qasırğalarından sonra ət yeyən Vibrio vulnificus bakteriyasına yoluxma hallarında kəskin sıçrayış qeydə alınıb.

SİA-nın əldə etdiyi məlumata görə, bu barədə “New York Post” yazıb.

Nəşrin məlumatına görə, 2024-cü ildə Floridada 76 Vibrio vulnificus infeksiyası qeydə alınıb və 13 xəstə ölüb.

Ştat Səhiyyə Nazirliyi xəstələrin bu artımını qasırğaların nəticələri ilə əlaqələndirir.

...Helen və Milton qasırğalarının gətirdiyi isti daşqın suları ət yeyən Vibrio vulnificus bakteriyası da daxil olmaqla, insanlara yoluxa bilən hər cür təhlükəli bakteriyalar üçün ideal çoxalma zəminini yaradır, - mətndə belə deyilir.

“New York Post” qeyd edib ki, bu bakteriya ilə infeksiya orqanizmə çiy balıqla daxil olduqda və ya dəniz suyu açıq yaralarla təmasda olduqda baş verir.

Simptomlara atəş, titrəmə, aşağı qan təzyiqi və dərinin zədələnməsi daxildir. İnfeksiyanın qana daxil olduğu hallarda 50 faiz hallarda ölüm baş verir.