16:31

Əfqanıstanın paytaxtı Kabildə İdgah məscidinin yaxınlığında güclü partlayış baş verib.

Axar.az xəbər verir ki, bu barədə yerli "Kabul Nyus" telekanalı məlumat yayıb.

Partlayış məsciddə Taliban hərəkatının nümayəndəsi Zəbiullah Mücahidin anası ilə vida mərasimi keçirilən zaman baş verib.

Partlayışdan sonra Kabildə ən böyük məscidlərdən birinin ərazisində Taliban və İŞİD-in bir qolu olan Xorasandakı İslam Dövləti yaraqlıları arasında atışma olub.

Partlayış nəticəsində mülki əhali arasında ölənlərin olduğu bildirilir.

***

Kabildəki İdgah məscidində baş verən partlayış nəticəsinsə 12 nəfər ölüb, 32 nəfər isə yaralanıb.

Bu barədə “Əl Cəzirə” xüsusi xidmət orqanlarındakı mənbəyə istinadla məlumat yayıb.

Məlumata görə, terrorçuların hədəfi dəfndə iştirak edən yüksək səviyyəli şəxslər olub.