Dünyanın ən nüfuzlu reytinq təşkilatlarından olan "Times Higher Education" "Dünya universitetləri sıralaması 2022"-nin nəticələrini açıqlayıb.

Axar.az Musavat.com-a istinadən xəbər verir ki, dünyanın ən yaxşı universitetlərinin yer aldığı reytinqdə İngiltərə və Amerika universitetləri ilk 5-likdə yerlərini qoruyub, saxlayıblar.

2010 -cu ildən bu yana dünyanın ən yaxşı universitetlərinin müəyyən edildiyi siyahıda 99 ölkə və 1600-dən çox universitet var. Siyahı universitetlərin təhsil, araşdırma, beynəlxalq əlaqələr və sənaye gəliri kimi meyarları nəzərə alınmaqla hazırlanıb.

Siyahıda ilk sırada hər zamankı kimi Oksford Universiteti olub. Daha sonra isə Kaliforniya Texnologiya İnstitutu, Harvard, Stanford, "Massaçusets Texnologiya İnstitutu, Kembric universitetləri siyahıda yer alıb.

Qeyd edək ki, siyahıda Türkiyənin Çankaya, Koç, Sabancı, Bilkənd, Hacəttəpə", İstanbul Texnik universitetləri də var.