Yunanıstan Türkiyəyə qarşı təxribat xarakterli bəyanatlardan imtina etməlidir.

Axar.az xəbər verir ki, bunu Türkiyənin milli müdafiə naziri Hulusi Akar deyib.

H.Akar bildirib ki, Yunanıstan gərginliyi artırılmasına yönəlmiş təxribatçı, qeyri-qanuni, güzəştsiz mövqe tutmağa davam edir:

“Afina özünün imzaladığı razılaşmalara belə əməl etmir”.

Daha əvvəl, panel müzakirələrində çıxış edərkən Yunanıstanın müdafiə naziri Ankaranın hərəkətlərini beynəlxalq hüquqa zidd olduğunu bildirib.

Akar hesab edir ki, yunanıstanlı həmkarının açıqlamaları Türkiyə Prezidenti Rəcəb Tayyib Ərdoğanla Yunanıstan Baş naziri Kiryakos Mitsotakis arasındakı son konstruktiv danışıqların və yayda gərginliyin azaldılması üzrə səylərə ziddir:

"Hörmətli həmkarımı beynəlxalq hüquq, razılaşmalar və iki ölkə arasındakı mehriban qonşuluq münasibətləri çərçivəsində eqoistlik və duyğusallıqdan imtina etməyə, məntiqli, ədalətli və obyektiv düşünməyə və danışmağa çağırırıq".

H.Akar Türkiyənin heç bir dövlətin ərazisinə iddia etmədiyini bir daha diqqətə çatdırıb.