İspaniya millisinin hücumçusu Alvaro Morato "Avro-2020"nin Polşaya qarşı oyunundan (1:1) sonra təhdidlərə məruz qaldığını açıqlayıb.

Milli.Az qol.az-a istinadən xəbər verir ki, futbolçu bildirib ki, 2-ci turun bu qarşılaşması olan gecə 9 saat yata bilməyib: "Məni hədələyir, özümün və ailəmin ünvanına təhqirlər yağırdılar. İnsanlar məni fitə basırlar. Lakin hər oyun bütün gücümü ortaya qoyuram. Əgər İsveç və ya Polşaya 3:0 hesabı ilə qalib gəlsəydik, stadionda möhtəşəm ab-hava olardı. İstəyirəm ki, azarkeşlər mənə daha çox inansınlar".

Xatıradaq ki, İspaniya qrupun son matçında Slovakiyaya qalib gəlib (5:0) və yekun nəticədə 5 xalla 2-ci yeri tutaraq 1/8 finala adlayıb. Bu mərhələdə Luis Enrikenin komandasının rəqibi Xorvatiya olacaq.