Dünən Gürcüstan parlamenti Vahid Milli Hərəkat Partiyasının sədri Nika Meliyanın deputat toxunulmazlığını ləğv edib.

Axar.az xəbər verir ki, layihənin lehinə 88, əleyhinə isə 2 deputat səs verib.

Parlamentin qərarı ölkədə etirazları daha da artırıb. Belə ki, parlament qarşısındakı etirazçılar deputatlar üçün “utanc dəhlizi” yaradaraq, onlara qarşı “siz Bidzinoviç Qavrilovun qullarısınız” şüarları səsləndiriblər.

Meliya ilə bağlı qərarı alovlandıran məqam isə rusiyalı deputat Sergey Qavrilovun çıxış etməsi olub. Belə ki, Gürcüstan mətbuatına açıqlama verən Qavrilov Meliyanın ölkəni əsir saxladığını və təkcə dövlətdən yox, ondan da üzr istəməli olduğunu deyib:

“Əgər mən heç bir kresloya oturmasaydım, Gürcüstan parlamentinə gəlməsəydim belə, onlar dövlət çevrilişinə getməyə, Rusiya və Gürcüstan arasında münasibətləri gərginləşdirməyə və hakimiyyəti dövlət çevrilişi ilə ələ keçirməyə cəhd edəcəkdilər”.

Meliya isə özü haqqında parlamentin qərarını ənənəvi tərzini pozmadan kəskin tənqid edib. O, parlamentin təkcə onun yox, ölkənin də qarşısında üzr istəməli olacağını söyləyib. Öz ofisindən prosesi izləyən partiya rəhbəri hakimiyyətin onu həbs edə bilməyəcəyini deyib və sərt dillə deputatlara müraciət edib:

“Siz Qavrilovun yox, Bidzina İvanişvilinin qullarlısınız. Bidzina İvanişvili sizin kimi qullarıyla Qavrilov və rəhbərliyinin quluna çevrilməkdən razıdır. Siz matryoşka kimisiniz. Qul, onun içində daha kiçik qul və yenə qul, qul... Hətta canım hesabında mən ədalətsizliklə barışmayacağam. Bəsdirin, insanların qanun adıyla qınanması nə vaxta qədər davam etməlidir?!”

Qeyd edək ki, Nika Meliya 2019-cu ilin iyununda “Qavrilov gecəsi” adlanan hadisə zamanı parlamentin etirazçılar tərəfindən ələ keçirilməsini təşkil etməkdə ittiham olunub. Tiflis Şəhər Məhkəməsi onun əvvəlcə 30000 lari girov ödəməsini tələb edib. Sonradan məhkəmə bu girovu 40.000 lariyə qədər qaldırıb. Meliya isə bu girovu heç vaxt ödəməyəcəyini, çünki ona qarşı sürülən ittihamların tam əsassız olduğunu bildirib.