Ordunun texniki baxımdan savaşa hazır olmamasında təkcə Baş nazir Nikol Paşinyan deyil, keçmiş prezident Serj Sərkisyan da günahkardır.

Axar.az xəbər verir ki, bunu rusiyalı kinorejissor, Kremlin əsas təbliğatçısı Tiqran Keosayan deyib. Onun sözlərinə görə, Serj Sərkisyanı hakimiyyətə gətirmək eks-prezident Robert Köçəryanın ən böyük səhvi olub.

O, Ermənistanın zəifliyinin ən böyük səbəbinin blokada olduğunu bildirib:

“Blokada ucbatından iş yoxdur, yollar bağlıdır. 90-cı illərin əvvəllərində ağıllı insanlar başa düşürdülər ki, öz ailələrini doyura bilməyəcəklər. Onların qüvvələri, ideyaları, arzuları var idi və ona görə də kütləvi şəkildə getməyə başladılar. Haqlı olaraq güman edirdilər ki, biz Moskvada, Sankt-Peterburqda, İrkutskda, Los-Ancelesdə, Keyptaunda möhkəmlənəcəyik və çox sayda qohumumuza yardım edəcəyik. Çoxlarında bu alındı. Nəticədə ilbəil, onilliklər ərzində Ermənistan ən aktiv sinfindən, biznesi və iqtisadiyyatı irəli aparacaq şəxslərdən məhrum oldu”, – deyə o bildirib.