Azərbaycan bu gün müstəqillik əldə etdikdən sonra öz qüdrətinin zirvəsindədir.

Bakı ərazi bütövlüyünü demək olar ki, tamamilə bərpa etdi, beynəlxalq münasibətlərin məsuliyyətli və müdrik iştirakçısı kimi özünü göstərdi. Azərbaycana qarşı hansısa sanksiyaların tətbiqinə nail olmaq cəhdləri uğursuz oldu. Bakı səriştəli enerji siyasəti aparır. Rusiya ilə Qərbin qarşıdurması fonunda Moskva ilə əla müttəfiqlik münasibətləri saxlayır. Eyni zamanda, resurslara ehtiyacı olan AB üçün çox vacib tərəfdaşa çevrilir.

Axar.az xəbər verir ki, bunu rusiyalı politoloq Aleksey Naumov deyib.

“Müqayisə üçün deyim ki, Ermənistan ən çətin dövrlərdən birini - tənəzzül dövrünü, hətta müvəqqəti yox olma dövrünü, ciddi sistem böhranını yaşayır. Ermənistan xalqı yenidən düşünməlidir. Ümid edirəm ki, bu düşüncə ölkənin beynəlxalq münasibətlərin məsuliyyətli iştirakçısına, əhəmiyyətli regional oyunçuya çevrilməsinə yol açacaq. Əgər belə olsaydı, İrəvan sülhə, Cənubi Qafqazın stabilləşməsinə, vəziyyətin yaxşılaşmasına töhfə verərdi. Azərbaycan Qoşulmama Hərəkatına rəhbərlik etdiyi halda, Ermənistan havada qalalar tikir, əlçatmaz məqsədlər üçün milyonlarla yeni vasitəçi axtarır. Və belə bir vəziyyətə düşməkdə günahkar Ermənistanın özüdür”, - o bildirib.