O bildirib ki, Fransada bu gün “axmaqlar”, digər ölkələrdə isə “gülüş” günü kimi qeyd olunur: “MDB ölkələrində isə aprelin 1-i “aldatma” günü kimi qeyd olunur. Əlbəttə, heç bir ölkənin təqvimində belə bir bayram yoxdur. Lakin buna baxmayaraq, insanlar həmin gün biri-birilə zarafatlaşır, gülüşə səbəb olurlar. Bu da insanların 1 aprelə olan xüsusi münasibətinin göstəricisidir.
Ölkələrdə bu günü təmtəraqlı keçirənlər də, sadə gün kimi qeyd edənlər də olur. İstənilən halda hər hansısa bir gün insanların bir çoxu tərəfindən maraqla qarşılanır və qeyd olunursa, bu təqdirəlayiqdir. Əgər bu gün insanların üzündə sevinc yaradırsa, demək ki, bu günü qeyd etməyə dəyər”.