İstanbul Cümhuriyyət Baş Prokurorluğunun Adnan Oktar cinayətkar qrupuna qarşı apardığı istintaq çərçivəsində yeni detallar üzə çıxıb.
Musavat.com Türkiyə mediasına istinadən xəbər verir ki, A.Oktarın dəstəsinə Qazaxıstan və Dubaydakı şirkətlərdən böyük miqdarda vəsait gəlirdi. Bu səbəbdən hər iki ölkədəki şirkətlərindən dəstə üçün gələn pulun ayda bir neçə milyon olduğu qeyd edildi.
Qazaxıstanda qurulan şirkət üzərindən ayda 1 milyon dollar yaxın vəsaitin Türkiyədə təşkilatın maliyyələşməsində istifadə edildiyi üzə çıxıb. Vəsaitin Qazaxıstandan İstanbula nəğd olaraq gətirildiyi, bir qisminin də cinayətkar dəstənin şirkətlərinə edilən ödəmələr adı altında banklar üzərindən köçürmə yolu ilə göndərildiyi sübut edilib.
Dubaydakı şirkət üzərindən də milyon dollarlar təşkilata yönləndirilir. Bu vəsait də nəğd olaraq verilib. Ayda bir neçə dəfə həyata keçirilən bu pul köçürməsində hər gətirilən çanta içində orta hesabla 300 min dollar pul olduğu üzə çıxıb.
İstintaq çərçivəsində üzə çıxan bir başqa məlumata görə, Adnan Oktar dəstəsinin gündəlik xərcləri də onların varlı üzvlərinin kredit kartı ilə həyata keçirilib. Maddi olaraq yaxşı vəziyyətdə olan təşkilat üzvlərinin kredit kartlarını təşkilatın ixtiyarına verdiyi və edilən xərcləmələrin bu kartlarla və ya varlı təşkilat üzvləri tərəfindən qarşılanması üzə çıxıb. Bu xərcləmələr əsasən market alış-verişi, yol məsrəfləri və otel xərcləri olduğu üzə çıxıb.
A.Oktar məsələsində üzə çıxan bir başqa məqam. Bir müddət öncə onun masonluğunun saxta olması aşkarlanmışdı. Bu günlərdə isə onun “Dul qadın kisəsi” adlandırılan yardım sandığına 1 milyon 50 min avro ödədiyi və bu formada özünün 33-cü dərəcədən mason olmasına inandığı üzə çıxıb. . Oktarın bu pulu “masonların yardım sandığı” olaraq adlandırılan, "Dul qadın kisəsi”nə köçürdüyü üzə çıxıb.
2013-cü ildə Adnan Oktarın A9 TV adlı televiziya kanalında yayımlanan verilişinə İtalyan Mason Locası lideri olaraq təqdim edilən Gian Franco Pilloni qatılmışdı. “Təqvim”də yer alan xəbərə görə, Pilloni, masonlukda 33 dərəcə diploma olaraq adlandırılan bir sənədi Oktara tərif dolu sözlərlə təqdim etmişdi. Bu anlar ekranda da öz əksini tapmışdı. Bəs bu Dul Aqadın Kisəsi olaraq təqdim edilən sistemin arxasında nə vardı? Buraya köçürülən pulların gənc yaşda həyatını itirmiş üzvlərin arvadları və uşaqları üçün istifadə edildiyi vurğulanıb. Əsasən ayda bir dəfə keçirilən iclasların sonunda üzvlərdən biri boş bir torbanı digər üzvlərin qabağından keçirir, hər kəs də “ürəyindən qopan pulu” onun miqdarını bəlli etmədən torbaya atırdı.
İstintaq çərçivəsində ifadə verməyə davam edən A.Oktarın istintaqında diqqəti çəkən daha bir məqam üzə çıxıb. Oktar hansı səbəbdən daim dekolteli qadınlardan istifadə etməsi ilə bağlı danışıb. Deyib ki, “Biz Konyada təbliğat aparmırıq. Mayamidəki, sahildəki, diskotekadakı, əyləncə klubundakı insanlar üçün təbliğat edir, onlara İslamı sevdirməyə çalışırıq”.