 |
 |
Bir çox ölkələrin maddi vəziyyəti, xüsusilə indiki dövrdə çox aşağıdır. Bir çox ölkələr vətəndaşların gündəlik tələbatlarını ödəyə bilmirlər.
Anar Cəbrayıllı: “Ay sənin kişiliyinə tüpürüm, sənin üzünə tüpürüm, sizin kimi jurnalistləri “dama soxmaq” lazımdır. Siz nə qədər həyasız-abırsız adamlarsınız, hər şeydən ötrü Qorxmaz müəllimi niyə narahat edirsiniz”
“Azərsu” Açıq Səhmdar Cəmiyyətinin (ASC-nin) ölkəmiz üçün olduqca strateji əhəmiyyət kəsb etməsi, hər kəsə bəlli olan həqiqətdir. Faktdır ki, hər il bu sahədə yeni-yeni layihə planlarına imza atılır, hər il müxtəlif məqsədlər üçün büdcədən külli miqdarda vəsaitlər ayrılır. Başlıca məqsəd də, məhz qarşıya qoyulan layihə planlarını həyata keçirmək, bu yöndə əmələ gələn problemləri aradan qaldırmaq olur. Buna baxmayaraq, 16 fevral 2011-ci il tarixdən “Azərsu”ASC-nə rəhbərlik edən Qorxmaz Hüseynov qol qoyduğu maxinasiyalardan bu gün də əl çəkmir ki, əl çəkmir. Belə ki, adı çəkilən bu şəxsin həyata keçirdiyi idarəçilik haqda az-çox məlumatlı olduğumuzdan onu deyə bilərik ki, ASC-nin sədri büdcə pullarını mənimsəməklə, rəhbərlik etdiyi quruma tabe olan idarə və müəssisələrdə qohumbazlıq, dostbazlıq faktorunu qabartmaqla və digər qanunsuzluq əməllərinə qol qoymaqla, yenə də adını dillər əzbəri etməkdədir. Faktdır ki, təkcə Bakı şəhəri üzrə sukanal idarələrinə rəhbərlik edən şəxslərin çoxu Qorxmaz Hüseynova bu və ya digər yollarla bağlı olan şəxslərdirlər. Bundan əlavə, ASC-nin sədri əslən Cəbrayıl rayonundan olduğundan, hal-hazırda bu qurumun struktur vahidlərində cəbrayıllılar daha çoxluq təşkil edirlər və çox zaman sədrə bağlı olan şəxslər keçirilən tenderlərdə “qalib çıxırlar”.
Əldə etdiyimiz başqa bir məlumatlara görə, əgər hansısa media nümayəndəsi ASC-nin sturukturlarında yaşanan biabırçılıqları ictimailəşdirərsə, o halda əslən Cəbrayıl rayonundan olan və adı çəkilən qurumun mətbuat xidmətinə rəhbərlik edən Anar Cəbrayıllı ləngimədən “hərəkətə keçir”. Hətta bəzi məlumatlara görə, Azərbaycan mətbuatının yubiley günü ərəfəsində Qorxmaz Hüseynov qorxmadan, çəkinmədən mətbuat xidmətinin rəhbərinə lazımi tapşırığını verir və çoxsaylı maxinasiyaları ictimailəşdirməyə çalışan media nümayəndələrini “əngəlləmək” üçün, məhz onları mükafatlarla, hədiyyələrlə və s. “ödüllətdirir”. Bütün bunlar qanun pozuntusu olmaqla bərabər, eyni zamanda həm də cinayət əməlləridir.
Onu da vurğulamaq yerinə düşər ki, Qorxmaz Hüseynov elə bir xarakterik xüsusiyyətə malik rəhbər şəxsdir ki, o, heç zaman peşəkar media nümayəndələri ilə “tarana getmək” fikirinə düşmür. Elə ki, hansısa xəbər portalı ASC-nin keçirdiyi tədbirləri işıqlandırır, o halda o, onları da unutmur və müəyyən məbləğdə olsa belə həmin şəxsləri pul mükafatı ilə “mükafatlandırır”. Əslinə baxsan Qorxmaz Hüseynov belə bir addımını qorxmadığından deyil, qorxduğundan atmaq məcburiyyətində qalır. Bəli, o, hər an götür-qoy edir ki, peşəkar media nümayəndələrindən hansısa biri ilə “tarana gedərsə”, o halda indiyə qədər sahib olduğu var-dövlətin, inşa etdirdiyi milyonluq villasının, “aylıq maaşı” hesabına əldə etdiyi çoxsaylı daşınan və daşınmaz əmlaklarının ünvanı və s. hər kəsə bəlli olar və adı “dilə-dişə düşər”.
Faktdır ki, hal- hazırda ASC-nin sədri ölkəmizin ən imkanlı məmur-oliqarxlarından biri hesab olunur. Çünki, onun sahib olduğu var-dövlət hər kəsi belə bir qənaətə gəlməyə sövq edir. Düşündürücü hal odur ki, külli miqdarda vad-dövlətə yiyələnən Qorxmaz Hüseynov, bu gün tam əksəriyyətə “yuxarıdan aşağı” baxır və yeri gəldikdə kimlərisə aşağılamaqdan da çəkinmir. Belə bir düşüncə, belə bir əməl və amal sahibi olan bu şəxsin tabeçiliyində çalışan və ASC-də mətbuat xidmətinə rəhbərlik edən həmyerlisi Anar Cəbrayıllı da, oxşar addımları atmaqdan çəkinməyən vəzifə sahibidir. Çünki, üz-üzə qaldığım xoşagəlməz olaylar, məhz mənim belə bir qənaətə gəlməyimə səbəb olub.
Yəni, qeyd edib onu bildirmək istəyirəm ki, bir müddət öncə səhər saatlarında yaşadığım evdən bayıra çıxarkən Binəqədi rayonu, Ziya Bünyadov prospektinin Ayna Sultanova heykəlinə yaxın ərazisində yerin alt hissəsindən su çıxmasının və prospekt boyunca axıb getməsinin şahidi oldum. Müəyyən etdim ki, boş-boşuna axıb gedən su heç də kanalizasiya suyuna oxşamır.
Təxminən 4-5 saatdan sonra evə qayıdarkən bir daha şahidi oldum ki, Ziya Bünyadov prospekti ilə axan su az qalır ki Gənclik metrosuna çatsın. Yəni, su o qədər çox axırdı ki, sakinlər yaşadıqları binanın bloklarından bayıra çıxmaq üçün yola taxta parçaları döşəməyə məcbur olmuşdular. Belə bir mənzərənin şahidi olduqda dərhal Azərsu ASC-nin 955-“Qaynar xətt”inə zəng etdim. Etdiyim telefon zənginə cavab verən operator məni 18 dəqiqə xətdə gözlətdi və sonra telefon zəngimə bir xanım cavab verdi. Təəccüblü hal odur ki, ASC-də mətbuat xidmətinə rəhbərlik edən Anar Cəbrayıllı daim vurğulayır ki, “Hər kəs üz-üzə qaldığı problemlə bağlı istənilən vaxt “Qaynar xətt”ə zəng edə bilər”. Daha o, dərk etmir ki, kiminsə 18 dəqiqə gözləmək, yaxud da xətdə gözlədiyi vaxta görə kontur xərcləmək imkanı ola bilməz. Nə isə, həmin vaxt telefon zəngimə cavab verən xanıma ünvanı deyərək qəza baş verdiyini bildirdim. O halda o, “baş verən hadisə haqda heç bir məlumatımız yoxdur” cavabını verdi. Mən həmin xanıma iradımı bildirdim və sual etdim ki, çalışdığınız qurumda suyun azalmasını müəyyən edən elə bir cihaz yoxdurmu ki, bundan xəbəriniz olsun? O, bu suala cavabında “Xeyr, yoxdur, indi qəza haqda məlumat verərik” deyib telefonu qapatdı. Etdiyim telefon zəngindən təxminən bir saat vaxt keçsə də, qarşı tərəfdən heç bir səs-soraq çıxmadı.
Belə olan halda Binəqədi rayon “Sukanal” idarəsinə getməli oldum. İdarənin giriş qapısında dayanan gözətçi mənə “Bu gün bazar günüdür, idarədə heç kim yoxdur, yalnız bir qrup var, onlar da Sulutəpə qəsəbəsində məşğuldurlar, bu gün nəsə edə bilməyəcəklər” cavabını verdi. O halda mən ASC-nin mətbuat xidmətinin rəhbəri Anar Cəbrayıllı ilə əlaqə saxlamaq və baş verən qəza hadisəsi haqda onu məlumatlandırmaq istədim. Təəssüflər olsun ki, bu şəxs etdiyim telefon zənglərimin heç birinə cavab vermədi. Ona görə də “Azərsu” ASC-nin sədri Qorxmaz Hüseynova zəng etməyə məcbur oldum. Həmin an telefon zəngimə cavab verən sədrə məlumat verdim ki, böyük bir qəza hadisəsi baş verib. Qarşılığında Qorxmaz Hüseynov mənə qarşı olduqca kobudluq etdi və yüksək səslə “Sən məndən nə istəyirsən, get işinlə məşğul ol” deyib telefonunu qapatdı. Təkrar ona zəng etdikdə, onun digər telefonla qəza haqqında hansısa şəxsə tapşırıq verdiyini eşitdim.
ASC-nin sədri ilə telefon danışığımızdan təqribən beş dəqiqə sonra Anar Cəbrayıllı mənə zəng etdi və “nə məsələdir” deyə sual etdikdə, baş verən qəza hadisəsi haqda onu da məlumatlandırdım. O halda o, məndən həm qəzanın hansı ünvanda baş verdiyini soruşdu, həm də “Bu saat deyərəm, müvafiq tədbir görərlər” dedi. Həmin an ona heç də zəhmət çəkmə, artıq baş verən hadisə haqda Qorxmaz müəllimi məlumatlandırmışam dedikdə o, “Ay sənin kişiliyinə tüpürüm, sənin üzünə tüpürüm, sizin kimi jurnalistləri “dama soxmaq” lazımdır. Siz nə qədər abırsız-həyasız adamlarsınız, hər şeydən ötrü Qormaz müəllimi niyə narahat edirsən” dedi. Belə bir cavabı eşitdikcə sanki “donub qaldım” və bir anlığa olsa belə öz-özümə sual etdim ki, bəlkə o, bu cür iyrənc sözləri hansısa başqa şəxsin ünvanına səsləndirir? Çünki bu günə kimi hələ də nə günah etdiyimi anlaya bilmirəm. Təqribən üç dəqiqədən sonra Anar Cəbrayıllı təkrar mənə zəng etdi və bayaq dedikləri azmış kimi bir daha “Siz nə qədər abırsız-həyasız adamlarsınız, mən dura-dura niyə Qorxmaz müəllimə zəng etmisən, siz jurnalistlər ona zəng edəndə belə çıxır ki, mən sizinlə işləyə bilmirəm” deyib telefonunu yenə də qapatdı.
Onu da vurğulayım ki, baş verən qəza hadisəsinin miqyası o qədər böyük idi ki, problemi aradan qaldırmaq üçün Binəqədi rayon “Sukanal” idarəsinin rəhbərliyi əraziyə bir neçə texnika və xeyli sayda canlı işçi qüvvəsi cəlb etmişdi. Qəzanı aradan qaldırmaq üçün onlar işə axşam saat 19-radələrində başlasalar da, gecə saat 1-də yekunlaşdıra bildilər. Mənim üçün təəssüf və təəccüb doğuran hal o oldu ki, atdığım belə bir xeyirxah addımın qarşılığında “Azərsu”ASC-nin sədri Qorxmaz Hüseynov tərəfindən acı sözlər eşitdim, qurumun mətbuat xidmətinə rəhbərlik edən Anar Cəbrayıllı tərəfindən isə, vəzifə sahibi olan şəxsin adı ilə uzlaşmayan, insanlıqdan kənar, bir sözlə normal insan tərbiyyəsinə və əxlaqına sığmayan təhqiramiz sözlərlə söyüldüm. Diqqət yetirək ki, bu qurumun mətbuat xidmətinə rəhbərlik edən şəxs daim ictimaiyyətlə sıx təmasda olan vəzifə sahibidir. Yəni, Anar Cəbrayıllı daşıdığı vəzifəsinə görə həm danışığına, həm də davranışına olduqca diqqət yetirməli olduğu halda, əslində o, “əndazəni aşır” və daim Qorxmaz Hüseynovun vəkili rolunda çıxış edir. Bu şəxs hər zaman çalışır ki, “Azərsu” ASC-nə aid problemlər ictimailəşdirilməsin, bir növ o, problemləri dondurmağa çalışır. Əslində Anar Cəbrayıllının tutduğu belə bir yol, birbaşa Vətənə, xalqa və Prezidentə xəyanətdir. Ona görə də, adı çəkilən bu şəxsin ölkəmiz üçün strateji əhəmiyyət kəsb edən bir qurumda səlahiyyətli vəzifəni daşıması həm hüquqi, həm də mənəvi baxımdan yolverilməzdir. Çünki, ASC-də mətbuat xidmətinə rəhbərlik edən və Cəbrayıllı soyadını daşıyan Anar müəllim, bügünkü addımları ilə “minbir rol”a girib əksəriyyəti aldatmağa çalışır.
Onu da qeyd edim ki, baş verən belə bir xoşagəlməz olaydan iki gün sonra “Azərsu” ASC-nə getdim və adı çəkilən qurumun hüquq departamentinin əməkdaşı Eldost müəllimlə görüşüb, baş verənlər haqda onu ətraflı məlumatlandırdım.
İlk əvvəl sual etdim ki, KİV sahəsində çalışan şəxs “Azərsu” ASC-nə aid problemlə bağlı Qorxmaz Hüseynova müraciət edə bilərmi? Belə bir sualımın cavabında o, “Bəli, bu cür addımı atmaq jurnalistlərin peşə borcudur” deyə cavab verdi. Az sonra Anar Cəbrayıllı ilə aramızda olan telefon danışıqlarımızı, heç bir əsas olmadan təhqir olunmağımı ona bildirdikdə, Eldos müəllim “Mən çox mütəssir oldum, deməli mətbuat xidmətinin rəhbəri sizə qarşı olduqca hörmətsizlik edib” dedi. Elə ki, bu şəxsin təklifi əsasında ASC-nin hüquq şöbəsi müdirinin qəbulunda olmaq üçün üst mərtəbəyə qalxdıq, o halda Eldost müəllim “Məni bir dəqiqə gözləyin” dedi və şöbə müdirinin iş otağına daxil oldu. Az sonra o, bayıra çıxıb “Biz sizə görülmüş tədbirin nəticəsi haqda məlumat verəcəyik” vədini versə də, son anda qarşı tərəf hansı tədbiri görməsi haqda heç bir məlumat vermədilər.
Elə ki, üç-dörd gündən sonra “Azərsu” ASC-nə gedib Eldost müəllimlə görüşmək istədim, o halda birinci mərtəbəyə düşən Nərmin adlı gənc xanım bildirdi ki, “Rəhbərlikdə olan şəxslərdən birinin anası rəhmətə gedib, ona görə də rəhbər şəxslər hüzr mərasimində olduqlarından, səni bir kimsə qəbul edə bilməyəcək” cavabını verdi. Həmin an tam dəqiqliklə başa düşdüm ki, Qorxmaz Hüseynov başda olmaqla adı çəkilən bu qurumun digər əməkdaşları da, ölkəmizdə tətbiq olunmuş karantin qaydalarının tələblərinə əməl etmirlər, hətta Operativ Qərərgahın qərarlarını belə saya salmırlar.
Bunlar qalsın bir yana, Qorxmaz Hüseynov və Anar Cəbrayıllı pandeminin jurnalistə qarşı nümayiş etdirdikləri, ziyalı adına yaraşmayan alçaldıcı yanaşmaları, mənə bir şeyi diqqətə çəkməyi məcbur etdi. Necə olur ki, cənab İlham Əliyev “Jurnalistlər mənim dostlarımdır”deyə ortaya mövqe qoyur, bu iki şəxs isə belə bir iyrənc addımlarından sanki “ləzzət alırlar”. Digər tərəfdən, Prezident İlham Əliyev daim keçirdiyi görüşlərdə vurğulayır: “Mən dəfələrlə demişəm ki, Prezident başda olmaqla bütün dövlət məmurları xalqın xidmətçiləridir. Məhz buna görə biz bu vəzifədəyik. Buna görə xalq mənə etibar göstərib və mən bütün təyin etdiyim kadrlardan bunu tələb edirəm”.
Bəli, ölkə rəhbəri belə bir tapşırığını verir, “Azərsu” ASC-nin rəhbərliyində olan hər iki şəxs isə, birbaşa verilmiş tapşırıqlara əhəmiyyət vermədən öz düşüncələrinə uyğun yanaşmalarını ortaya qoyurlar. Deməli, bu iki şəxsin ambisiyaları, hikkələri o qədər böyükdür ki, hətta onlar ölkə rəhbəri cənab İlham Əliyevin verdiyi tapşırıqları saya salmırlar. O halda sual oluna bilər ki, görəsən düşüncəsi, danışığı əxlaqdan və insanlıqdan uzaq olan bu iki şəxsin “Azərsu” ASC-nin rəhbərliyində vəzifə sahibi olmalarına mənəvi haqları çatırmı? Odur ki, bir qədər həm düşünək, götürqoy edək, həm də gəldiyimiz qənaəti birbirimizlə bölüşməyi də bacaraq.
P.S. Hörmətli oxucular! Hazırladığımız yazı xəbər portalımızda yayımlanmazdan öncə qeyd olunan faktlara münasibət bildirməsi üçün “Azərsu” ASC-nin mətbuat xidmətinin rəhbəri Anar Cəbrayıllı ilə əlaqə saxladıq. O halda o, “Bilirsiniz, mən aparıcı bir qurumda mətbuat xidmətinə rəhbərlik edirəm, əgər siz mənimlə, yaxud da rəhbərliklə bağlı hərhansı məqaləni yayımlayarsınızsa, o halda bildirəcəyəm ki, siz məndən rüşvət tələb etmisiniz” deyə cavab verdi. Əslində belə bir cavabın verilməsi olduqca gülünc, olduqca ikrah hissi doğuran, heç bir əsası olmayan cavab oldu. Çünki, bu şəxsin iddiasına görə əgər biz ondan rüşvət tələb etmişiksə, o halda sual oluna bilər ki, nə əcəb o, bugünə kimi rüşvət tələbetməyimizlə bağlı hüquq-mühafizə orqanlarına müraciət etməyib? Deməli belə bir cavab, sanki partlamamış mərminin “çıxartdığı səsküy”ə bənzəyir. Qarşı tərəfin mövqeyini dinləməyə hazırıq.
Mövzu diqqətimizdədir.
Hazırladı: Rafael Şekixanov
SUMQAYIT KARBAMİD ZAVODUNDA 500 İŞ YERİ YARADILACAQ
Şuşa şəhərində Azərbaycan Ordusunun hərbi qulluqçuları ilə 20 Yanvar faciəsinin 31-ci ildönümünə həsr olunmuş anım mərasimi keçirilib.
Bu gün qanlı 20 Yanvar faciəsindən 31 il ötür.
Alim ömrü bir şama bənzər ki , ondan neçə-neçə şamlar yandırmaq mümkündür. Bəli , ömrünü şam kimi yandıran alimlərimiz, müəllimlərimiz zaman- zaman olmuş və hal- hazırda da var . Bu adı ləyaqətlə daşıyanlardan biri də AMEA-nın müxbir üzvü , professor, ADAU-nun rektoru İbrahim müəllim Cəfərovdur.İbrahim müəllimi yaxından tanıyanlar çox gözəl bilir ki , o yalnız dəyərli bir alim , səriştəli bir rəhbər olmaqla kifayətlənməyib , bütün bunların fövqündə duran , insanlıq adına şərəf və ləyaqət gətirən bir şəxsiyyət kimi tanınıb. Tutduğu vəzifədən , daşıdığı məsuliyyyətdən asılı olmayaraq yüksək mənəvi keyfiyyətləri özündə birləşdirib , əməlləri və amalı ilə əsl örnək nümunəsi olub.
Bu gözəl insan ömrünün ən gözəl müdrik , kamil dönəminə qədəm qoyub. 65 illik bir ömürdən geriyə boylanarkən fəxr etməyə , qürurlanmağa dəyər bir ömür yaşayır , İbrahim müəllim. Saysız – hesabsız davamçılar , dərin hörmət , sonsuz sevgi , böyük etimad ... Bunlardan qeyri insana nə lazımdır ki ?!
Yubileyiniz mübarək dəyərli insan , böyük alim! Qəlbinizdən doğan , simanızı işıqlandıran o gözəl nur çöhrənizdən heç zaman əskik olmasın. Tanrı Sizi qorusun !
Müşfiq Kişiyev
Zaur Əliyev, dosent
Dünya şöhrətli Nizami Gəncəvinin harada anadan olması barədə bir çox müzakirələr aparılır. Dünya elminə və poeziyasına əvəzolunmaz töhfələr verən Nizami Gəncəvinin guya Qaxın Qum, İran alimlərinin iddiasına görə isə İranın Qum şəhərində anadan olması barədə fikirlər səslənir.
Bunu iddia edənlər də Hacı Lütf Əli bəy "Ataşkadah” bioqrafik əsərinə istinad edirlər. Nizami Gəncəvinin Qum şəhərində anadan olmasını iddia edən Hacı Lütf Əli bəy "İsgəndərnamə” əsərinin ikinci hissəsi olan "İqbalnamədə” şairin
Gəncə dənizində olsam da pünhan,
Yerim Qum şəhridir, yurdum Qohestan.
Təfrişdə Ta adlı bir kənd dayanıb,
Nizami ad-sanı ordan qazanıb! - misrasını əlində əsas tutaraq dahi şairin Gəncədə anadan olmamasını yazır.
Bundan sonra da bu informasiyadan çıxış edərək XVIII əsrdən başlayaraq dünya şərqşünaslığı ilə yaxşı tanış olan insanlar İranı Nizaminin vətəni hesab etməyə başladılar. Lakin kimsə bu misranın orjinalını və doğurdanmı Nizami Gəncəvinin əsərində belə bir sitatın olmasının ardınca düşmədən onu fars və İran şairi hesab etməyə başlayıblar.
Birincisi, coğrafiyaya nəzər salsaq görərik ki, İran ərazisində Qohestan deyilən bir yer yoxdur. İkincisi isə Qum Nizami Gəncəvinin şəhər adlandırdığı kriteriyalara uyğun gəlmir. O zaman Qum balaca bir kənd idi və onun böyük şəhər olması mümkün deyildi. Qaxın Qum kəndi də o illərdə elə böyük bir yer deyildi və şəhər kimi onun barəsində heç bir məlumat yoxdur. Bunun üçün alim olmaq lazım deyil, eləcə coğrafi yerlər haqqında google.az-da axtarış aparmaq kifayət edər ki, məlumat əldə edə biləsiniz.
Uzun illər Nizami Gəncəvinin İran şairi olması bir çox şərqşünas alimlərin əsərində qeyd edilməyə başladı. Bu alimlər ən etibarlı mənbə olan Nizaminin orta əsr bioqraflarının hamısı, xüsusilə Aufi Sədidəddin (XIII əsr), Dövlətşah Səmərqəndi (XV əsr) və s.) şairin doğulduğu şəhər kimi, onun bütün ömrü boyu yaşadığı və vəfat etdiyi Gəncə şəhərində anadan olub fikirlərini görməzdən gəldilər. Bu anlaşımazlıq uzun zaman çəkəcək idi ki, XX əsrin birinci yarısında məşhur rus şərqşünası akademik Y.E.Bertels mövzunu araşdırmaq qərarına gəlməsəydi. Məhz o, Nizami Gəncəvinin bütün əsərlərini, xüsusilə "İsgəndərnamə” əsərini ciddi-ciddi tədqiq edib, sübut etdi ki, Hacı Lütf Əli bəyin iddia etdiyi kimi yuxarıda qeyd etdiyim "Qum şəhərindəm adlı” sətirlər Nizaminin həmin əsərinin digər əlyazmalarda, o cümlədən erkən köçürülən versiyalarında yoxdur, yəni bu sətirlər şairin "İskəndərnamə" əsərinə ideoloji motivlərdən irəli gələrək təəssübkeş İran mirzələri tərəfindən əlavə olunub və açıq-aşkar saxtalaşdırmadır.
Akademik öz tədqiqat əsərində yazır: "Nizaminin ən qədim əlyazmalarında, 763-cü (1360-cı il) il tarixli hicriyə aid Parisdəki Milli Kitabxanda olan əlyazmalarında bu sətir də yoxdur".
Onun ardınca akademik Y.Kraçkovski, akademik A.E.Krımski, Azərbaycan alimləri H.Arazlı, C.Heyət, R.Əliyev və başqaları "İsgəndərnamə” əsərinin orjinallarını tədqiq edərək dahi şairin Azərbaycanın Gəncə şəhərində anadan olmasını sübut etdilər. Lakin həmin illər sovet elmi dünya miqyasına tam çıxmamışdı və II Dünya müharibəsinin başlaması, Qərb alimlərinin akademik Y.E.Bertelsin əsərlərinə çıxışı olmaması bu sübutun onlara çatmamasına səbəb yaratdığı üçün onlar Nizamini İran şairi kimi qələmə verməkdə davam etdilər. Lakin elmdə vicdanlı alimlər də var, İranda Nizami Gəncəvinin əsərlərinin üzünü köçürən zaman qəsdən saxtakarlıq edən və onun İranda anadan olmasını "təsdiqləyən" şəxslərdən fərqli olaraq əsl elmi tədqiqat aparan İran ədəbiyyatşünaslarından V.Dəstgerdi haqlı olaraq Nizaminin Qumda anadan olmadığını, "İsgəndərnamə” əsərinin üzünün köçürülməsi zamanı Qumda anadan olması barədə fikirlərin sonradan mirzələr tərəfindən salındığını iddia edir. Nizaminin ilk tədqiqatçısı V.Dəstgerdi göstərir ki, şairin əvvəlki nüsxələrində Qumla əlaqəli beyt olmayıb.
Nizaminin Qaxın Qum şəhəri ilə bağlı versiyalara gəldikdə isə şairin yubileyi ərəfəsində görkəmli şərqşünaslar R.Əliyev və A.Sarovlu Azərbaycan höküməti tərəfindən Qax rayonu Qum kəndinə məsələyə aydınlıq gətirmək üçün ezam olunurlar. Qayıdıb gəldikdən sonra onlardan hesabat tələb edəndə cavab bu olub ki, Qum kəndi kiçik bir kənddir və guya Nizaminin "Qum şəhərində” anadan olması barədə "böyük şəhər Qum” bura ola bilməz.
Nizami Gəncəvi özü "Sirlər xəzinəsi” dastanının 179-cu səhifəsində konkret anadan olduğu yeri qeyd edir: "Mən Gəncədəyəm, indi İraq məndən uzaqdadır”
"Qum şəhəri Qəhrestanı” məhəlləsinə gəldikdə isə bu onun əsərlərinin sürətini köçürən şəxslərin artırmalarıdır. Çünki, Nizami əsərlərinin ojrinal nüsxələrndə belə bir şey yoxdur. Konkret olaraq qeyd edək ki, Nizami əsərlərinin XVI əsrdə və sonralar köçürülmüş nüsxələrində "İsgəndərnamə"nin "İqbalnamə” hissəsinin bir yerində şair Gəncədən danışan zaman fikir yarımçıq kəsilərək Qumla bağlı dörd misra qəsdən artırılıb.
Yanvarın 15-i dünyada Beynəlxalq Vikipediya Günü kimi qeyd olunur. İnternetdə uğurla reallaşdırılan və milli maraqlar baxımından böyük əhəmiyyət kəsb edən "Vikipediya" onlayn ensiklopediyası 2001-ci il yanvarın 15-dən fəaliyyətə başlayıb və qısa müddət ərzində internetin ən populyar layihələrindən birinə çevrilib. "Vikipediya" internetdə açıq şəkildə yayımlanan, dünyanın bir çox dillərində viki texnologiyasının tətbiqi ilə könüllü istifadəçilər tərəfindən yaradılan, biliklərə əsaslanan, bilavasitə veb-brauserdən idarə olunan çoxdilli, əməkdaşlığa əsaslanan onlayn ensiklopediyadır. ABŞ-ın Ohayo Universitetinin fəlsəfə doktoru Larri Senger və amerikalı sahibkar Cimmi Uels tərəfindən təsis olunmuş "Vikipediya" müasir dövrdə internet məkanında fəaliyyət göstərən yüz milyonlarla sayt sırasında istifadəçi və müraciətlərin sayına, informasiyanın həcminə görə ən yüksək reytinqə malikdir. "Vikipediya"ya müraciət edənlər buradan yalnız ensiklopedik məlumatlar deyil, eyni zamanda, səhifələrə daxil edilmiş media-fayllar, animasiyalı sxemlər, üçölçülü obyektlər, interaktiv panoramlar da əldə edirlər.
Milli.Az Trend-ə istinadən bildirir ki, Beynəlxalq Vikipediya Günü münasibətilə "Vikipediya"nın Azərbaycan dili bölməsinin idarəçisi Eldar Əzimov fikirlərini bölüşüb.
"Vikipediya"da nə üçün redaktə etməliyik? Nə üçün məqalələr yaratmalıyıq? Bunun bizə xeyri nədir və bununla nə əldə edəcəyik? Bir qədər maraqlandıqdan və "Vikipediya" ilə yaxından tanış olduqdan sonra anlamaq olar ki, bu onlayn ensiklopediya məlumatın azad və sərbəst şəkildə paylaşıldığı bir məkandır. Buradakı məlumatları paylaşan da, oxuyan da özümüzük. Azad dedikdə "Vikipediya"dakı məlumatların oxunmasının və istifadəsinin azadlığı ilə yanaşı, orada redaktə etməyin azadlığı da nəzərdə tutulur. Yəni yaşından, kimliyindən asılı olmayaraq hər kəs "Vikipediya"da məqalə yarada və onu redaktə edə bilər. Xarici dildə bilməyən və ana dilində məlumat əldə etmək istəyən insanlar üçün "Vikipediya"nın önəmi çox böyükdür. Təxminən 10 il əvvəl Azərbaycan dilində internet üzərindən istədiyimiz məlumatları tapmaqda çox çətinlik çəkirdik və demək olar ki, çox zaman tapa bilmir və digər dillərdə axtarmağa üstünlük verirdik. Lakin hazırda bu boşluq "Vikipediya" sayəsində kifayət qədər qalxıb. Azərbaycan dilindəki "Vikipediya"da məlumatların sayı çox artıb. İstədiyimiz məlumatı ana dilimizdə rahat şəkildə tapa bilməyimiz üçün hər kəsin "Vikipediya"ya dəstək verməsi, məqalə yaratması vacibdir. Qeyd edim ki, ötən ilin dekabr ayı ərzində "Vikipediya" səhifələri ümumilikdə 22 milyard dəfə ziyarət olunub. Son bir il ərzində isə 269 milyard dəfə ziyarət olunub. Azərbaycan dilindəki "Vikipediya"ya ötən ilin dekabrında 33 milyon dəfə, ölkəmizdən isə bu dil bölməsinə 19 milyon dəfə ziyarət qeydə alınıb. Bütün bunlar "Vikipediya"nın insanlar arasındakı vacibliyinin və əhəmiyyətinin göstəricisidir. Bununla da biz görürük ki, artıq Azərbaycan dilində axtarış edib məlumat əldə etmək istəyən insanları sayı xeyli artıb. Bunları nəzərə alaraq ana dilimizdəki "Vikipediya"nı qoruyub, zənginləşdirməliyik ki, gələcək nəsil məlumat azlığından əziyyət çəkməsin. Bu gün "Vikipediya"nın 20 yaşı tamam olur. Bu münasibətlə hər birinizi təbrik edirəm".
Yeni Azərbaycan Partiyası Nizami rayon təşkilatının sədr müavini, "Türk dünyası ağsaqqalları" qəzetinin baş redaktoru Ramin Əhmədov "Vikipediya" internet şəbəkəsinin önəmindən danışıb. Ramin Əhmədov "Türk dünyası ağsaqqalları" qəzetinin təşəbbüsü ilə ötən ilin noyabr ayından həyata keçirilən "Türk dünyası "Vikipediya"da layihəsinin uğurla davam etdiyini bildirib.
"Vikipediya" fəaliyyətimizdə yeni sahədir. Deyərdim ki, maraqlı və önəmli istiqamətdir. Bizim fəaliyyət istiqamətimiz türk dünyasının zəngin tarixi, mədəniyyəti və ədəbiyyatı barədə məlumatları "Vikipediya"da zənginləşdirməkdən ibarətdir. Bu günə qədər türk dünyası ilə bağlı yüzdən şox məqalə yaradılıb və zənginləşdirilib. Hər bir məqalə cəmiyyətin maarifləndirilməsində əvəzsiz rol oynayır. Həm də insanlarımız öz dilimizdə istənilən məlumatı əldə edə bilirlər. Doğma dilimizdə məlumatların zənginləşdirilməsi informasiya bazasının çoxalması deməkdir. Bu gün Beynəlxalq Vikipediya Günüdür və "Vikipediya" internet şəbəkəsinin yaradılmasının iyirmi ili tamam olur. Hazırda "Vikipediya" dünyanın ən nəhəng ensiklopediyası, zəngin informasiya mənbələrindən biridir. Bu şərəfli və qürurverici missiyanı davam etdirmək lazımdır. Gənclərimiz "Vikipediya" hərəkatında fəal olmalıdırlar. Bunu bizdən yaşadığımız texnoloji dövr tələb edir".
Birinci vitse-prezidenti Mehriban Əliyeva rəsmi İnstaqram səhifəsində Şuşaya səfərlə bağlı yeni paylaşım edib.
Axar.az paylaşımı təqdim edir:
2020-ci Azərbaycan tarixinə qızıl hərflərlə yazılacaq . Bəli , bütün çətinliklərə , mərhumiyyətlərə baxmayaraq , sentyabrın 27-də başlayan və 44 gün davam edən vətən müharibəsi şanlı qələbəmizlə başa çatdı . Bu aylara , illərə bərabər 44 gündə Ölkə rəhbəri Ali Baş komandanın və xalqımızn sarsılmaz birliyi ilə nail olduq qələbəyə. Dəmir bir yumruğa döndü , o günlər Azərbaycanımız! Kimliyindən , milli mənsubiyyətindən , dilndən , dinindən asılı olmayaraq hər bir azərbaycanlının qəlbi vətən eşqi ilə döyündü. Əli silah tutan mərd oğullarımız müqəddəs əməl uğrunda silaha sarıldlar. Ön sıralarda gedən mərd , mübariz vətən övladlarının cərgəsində Lerik rayonundan da yüzlərlə oğullar vardı . Onlar könüllü olaraq rayon hərbi komissarlığına müraciət edir , sanki yarışa girmiş kimi ön cəbhəyə daha tez getmək , mənfur düşmənə hədinni bildirmək , 30 illik bir qisası almaq hissi ilə alışıb yanırdılar.
Düşmən üzərində şərəfli qələbə qazandıq. Bu qələbədə Lerik rayonunun şirürəkli , mərd övladlarının da əməyi böyük oldu. Bu qələbə 3000 minə yaxın şəhidimizin qanı bahasına , minlərlə qazimizin canı bahasına başa gəldi. Qəhrəmanlar yurdu Lerik də onlarla şəhid verdi, yüzlərlə insan qazi oldu. Döyüşlərin getdiyi günlərdə , həmşinin sonrakı günlərdə Lerik rayonuna şəhidlər gəldi. Bütün rayon onları böyük izdihamla qarşılayır , ən dərin etiramla son mənzilə yola salırdı. Təbii ki bütün bunların ən yüksək səviyyədə təşkilini Rayon İcra Hakimiyyəti öz üzərinə götürür , şəhidlərimizi layiq olduqları kimi yola salırdılar. Rayonun İcra başçısı Rövşən Bağırov bütün şəhidlərin dəfnində iştirak edib , onların ailələrini yanında olub , bu ağır , hüznlü günlərdə onların dərdinə şərik olub. Onlara maddi və mənəvi dəstəyini əsirgəmir. Yalnız şəhid ailələrinə deyil , o cümlədən qazilər də bu qayğı və diqqətdən kənarda qalmırlar. İcra başçısı bütün şəhid , qazi evlərini gəzir onların problemləri qayğıları ilə yerindəcə tanış olur və həllini təşkil edir Bu yolla o qəlbi yaralı , lakin qürurlu insanlara arxa – dayaq olur. O sübut edir ki, Ölkı rəhbəri Cənab Əliyevin etimadını ləyaqətlə doğruldur , xalqa və vətənə bir məmur kimi şərəflə xidmət edir.
P.S. Bu günlərdə Pressaz. info saytı maraqlı bir təşəbbüsə imza atıb.Vətən müharibəsində şəhid olmuş və sağlamlığını itirmiş əsgərlərimizin ailələrinə yardım edən , onlara diqqət və qayğı göstərən icra hakimiyyətləri arasında sorğu keşirir.Hörmətli leriklilər , bu səsverməyə qoşulun və ən aktiv İcra Hakimiyyətinin Lerik İcra başçısı olduğunu dəstəkləyin.Cünki Rövşən müəllim buna layiqdir.
Müşfiq Kişiyev