 |
 |
Milli mətbuatın 148 illiyi ilə əlaqədar olaraq ” Altun” sarayda Mətbuat firmasının təsis etdiyi “Mərbuatın Dostu “Müstəqil Milli mükafatının təltif etmə mərasimi keçirildi.Uzun illər peşəkar jurnalist kimi fəaliyyət göstərən Etibar
Babayev, Telli Pənahqızı, Natavan Arifqızı, Alidə Mustafayeva, Afət Rahilqızı, Fuad Mədətov, Lamiyə Balacayeva, Elton Hacıyev, Tünzalə İsmayılova, Aytən Əliyeva, Aytəkin Mərdanova, Nübar Ələkbərov, Anar Orucov , Famil Micidli , Qurban Vidadiığlu , Fidan Orucəliyeva,və başqalarına diplom və hədiyyələr təqdim olundu.
Tətbirin sponsorluq edən Harika un məmulatı və Harika qazlı ickilərindən jurnalistlərə xüsusi hədiyyələr təqdim olundu. Tədbirin təşkilatı dəstəkcisi Altun saray və İydə parfum , aparıcılarıı i Sədaqət Rəşidqızı və Zabir Əliyev idi.
Müxalifətçi Tofiq Yaqublu ermənilərə status verilməsi barədə çıxışlar edib. O bildirib ki, Azərbaycan sülhün imzalanması ilə bağlı Ermənistana təzyiq edir. SİA bu barədə QHT rəsmiləri arasında sorğu keçirib.
“Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli: “Azərbaycan vətəndaşının ermənilərə status verilməsini istəməsinə qarşı münasibətim mənfidir. Bu, bağışlanmaz haldır. Elə məsələlər var ki, onlarda dövlət maraqlarından çıxış etmək lazımdır. Həmin məsələlərdə müxalifət mövzusu olmamalıdır. Buna aid dövlət və ümumxalq mövzusu var. Vətən və müharibə məsələlərində, ölkənin milli maraqlarında qrup, partiya və ya siyasi dərnək mənafeyindən çıxış edilməsi yolverilməzdir. Bu kimi hallar təəssüf hissi doğurur. Həmin şəxslərin mövqeyi bəllidir. Azərbaycan xalqı ümumilikdə birmənalı olaraq dövlət siyasətini dəstəkləyir”.
Gender və İnsan Hüququ Araşdırma Birliyinin sədri Rəna Mirzəzadə: “Mən ümumiyyətlə, ermənilərə heç bir status verilməməsinin tərəfdarıyam. Prezident İlham Əliyevin 44 günlük müharibə ərəfəsində səsləndirdiyi çox gözəl bir fikri var. O, bildirdi ki, Fransa və yaxud başqa dövlətlər əgər ermənilərə status vermək istəyirsə, öz ərazilərinə aparsınlar və istədikləri statusu versinlər. Azərbaycan ərazisi bölünməzdir. Bütün millətlər Azərbaycan ərazisində multikultural dövlət siyasətinə uyğun yaşayırlar. Mənasız fikirlər heç bir əhəmiyyət kəsb etmir. Dövlət siyasəti var və onu Prezident İlham Əliyev yürüdür. Ermənilər Azərbaycanda bu gün də yaşayır. Bugünədək heç bir erməninin hüququ pozulmayıb, heç birinə qarşı zorakılıq hadisəsi baş verməyib. Təbii ki, istər erməni, istər başqa millətin nümayəndəsi, istərsə də azərbaycanlı şəxslərin hər biri Azərbaycan qanunlarına əməl etməlidir. Qeyri-qanuni hərəkətlər qəbul edilmir”.
“Ortaq Dəyərlər” İctimai Birliyinin sədri Aqil Camal: “Mən də sosial şəbəkələrdə Tofiq Yaqublunun Qarabağda yaşayan ermənilərə status verilməsi fikrinə rast gəldim. Burada ilk növbədə təəssüf doğuran məsələ odur ki, bir Azərbaycan vətəndaşı belə bir fikir səsləndirib. İkincisi, Tofiq Yaqublu deyir ki, Dağlıq Qarabağ Muxtar Vilayəti məhz Azərbaycan Xalq Cəbhəsinin tələbi əsasında o vaxtlar Azərbaycan Ali Soveti tərəfindən ləğv olunub. Üçüncüsü, müxalif şəxs adətən maksimalist tələblər irəli sürər. Məsələn, hökumətdən daha artığını tələb edə bilər. Təəssüf ki, Tofiq Yaqublu son 30 ildə azərbaycanlılara ağılasığmaz fəlakətlər yaşatmış separatçıların tələblərini səsləndirir. Sentyabr döyüşləri zamanı da oxşar açıqlamalar olmuşdu. Azərbaycan Ordusu tarixi torpaqlarımızda öz mövqelərinə çıxan zaman Tofiq Yaqublu onları erməni torpaqlarını işğal etməkdə günahlandırırdı. Hesab edirəm ki, onun bugünkü gündə statusla bağlı səsləndirdiyi fikirlər də həmin açıqlamaların davamıdır. Bu yanaşma tərzi Azərbaycan xalqının ümumi maraqlarına tamamilə ziddiyyət təşkil edir. Əgər bunu siyasi mövqeyinə görə edirsə, yenə də yanlışdır. Amma əgər səmimi şəkildə deyirsə, bu, Azərbaycan xalqının maraqlarına qarşı olmaq deməkdir”.
“Cəmiyyətin İnkişafı Mərkəzi” İctimai Birliyinin sədri Əhməd Abbasbəyli: “Bütün demokratik ölkələrdə olduğu kimi Azərbaycanda da siyasi mənzərə çox rəngarəngdir. Demokratik cəmiyyətdə müxalifətin olması normal hal və vacib şərtdir. Düşünürəm ki, istənilən demokratik cəmiyyətin ən vacib atributlarından biri güclü müxalifətin olmasıdır. Güclü müxalifət həm ölkənin inkişafının, həm ictimai-siyasi proseslərin düzgün getməsinin, həm də şəffaflığın olmasının təminatçısıdır. Təəssüf ki, Azərbaycanda bəzən müxalifət anlayışı düzgün qavranılmır. Tutaq ki, çox mədəni şəkildə kimisə tənqid etdikdə və ya hakimiyyətin hər hansı müsbət addımına müsbət fikir söylədikdə dərhal xalq düşməni elan edirlər. Çox yanlış yanaşmadır.
Fikrimcə, xalqımız da iqtidar və müxalifət anlayışlarını düzgün dəyərləndirmir. Ölkə daxilində hər hansı siyasi fəaliyyəti olmayan şəxsin sosial şəbəkələrdə danışması normaldır. Lakin hər şeyin bir həddi var. Birincisi, müxalifətin iqtidarı tənqid etməsinin və ya əks prosesin etik normalar çərçivəsində olmasını istərdim. İnsanlarımıza da bunu aşılamalıyıq. Çünki son zamanlarda xalq təhqirdən istifadə olunmayan tənqidi zəif qəbul edir. İkincisi, son dövrlərdə xaricdə yaşayan bəzi azərbaycanlılar sanki dövlətimizdən qisas almağa çalışır və ermənilərin tərəfini saxlayır. Bu nə müxalifətə, nə siyasətə, nə də ümumilikdə insanlığa yaraşır. İqtidara müxalif olmaq başqa məsələ, amma hər bir azərbaycanlı Azərbaycan dövlətini sevməyə məcburdur. Əgər dövləti sevmirsə, deməli həmin şəxsin Azərbaycana aidiyyatı yoxdur”.
Məşhur Məmmədov
Milli Məclisin deputatı
Ötən həftə Milli Mətbuat Günü ərəfəsində keçirilən “4-cü Sənaye İnqilabı dövründə Yeni Media” mövzusunda Şuşa Qlobal Media Forumu Şuşanın Azərbaycan dövləti üçün, xalqı üçün nə qədər önəm daşımasını bir daha göstərdi. Şuşa Azərbaycanın mədəniyyət paytaxtıdır, eyni zamanda, Şuşa bizim Qələbəmizin rəmzidir, sülhün rəmzidir. Şuşa azad olunduqdan sonra İkinci Qarabağ müharibəsi başa çatdı. Şuşa həm də bizim cəsarətimizin simvoludur.
Şuşa nadir, misilsiz bir məkandır. Burada tarix, mədəniyyət, memarlıq və iqlim vəhdət təşkil edir. Bu, bizim böyük sərvətimizdir. Bu şəhər qaya üzərində qurulub, qədim şəhərdir. Şuşa həqiqətən də Qafqazın incisidir və Qarabağın tacıdır. Şuşanın bərpası başlanılıb. Bir müddət öncə Baş plan təsdiq edilib, artıq ilk yaşayış layihəsi icra olunur. Həmin layihələr çərçivəsində Şuşa sakinləri yenidən evlərinə qayıdacaqlar.
Ölkə başçısı İlham Əliyev Şuşa ilə bağlı əksər çıxışlarında bildirib ki, 3-4 il ərzində Şuşa təkcə Azərbaycanın və Qafqazın deyil, dünyanın ən gözəl şəhəri olacaq. Şuşanın infrastrukturu inkişaf etdirilir. Ermənilər qaçarkən Şuşada supaylayıcı şəbəkəni dağıtmışdılar. Ona görə də şəhərdə sıfırdan yeni supaylayıcı sistemi qurulub. Baş plan çərçivəsində Şuşa şəhərinin bütün infrastrukturu yenidən qurulub, yeni yollar yaradılıb. Prezident bu ilin sentyabr ayında Şuşada min şagird yerlik məktəbin açılışının və ilin sonuna 90 çarpayılıq xəstəxananın hazır olacağının anonsunu verdi.
Zəfər qələbəsindən bizi 3 ilə yaxın zaman ayırsa da, bizə qarşı bu gün yenə də kampaniya davam edir. Qələbəmizi həzm edə bilməyən, uğurlarımıza qısqanclıqla yanaşan, bizə qarşı açıq informasiya savaşına çıxanlara biz tutarlı, real arqumentlərlə cavab verməliyik. Vətən müharibəsində olduğu kimi, yenə informasiya müharibəsində sayıqlığımızı bir an olsa itirməməliyik. Bu çətin və şərəfli işdə medianın da üzərinə böyük yük düşür.
Prezident İlham Əliyevin cari ilin 21 iyul tarixində “4-cü Sənaye İnqilabı dövründə Yeni Media” mövzusunda Şuşa Qlobal Media Forumunun açılış mərasimində çıxışında qeyd etdiyi kimi, Azərbaycan mediasının müstəqilliyi bizim cəmiyyətimizin inkişafı üçün başlıca şərtlərdən biridir. Bizim mediamızda sağlamlaşma prosesi uğurla gedir və xalqın maraqlarına zidd, dövlət maraqlarına zərbə vura biləcək yazılar artıq çox nadir hallarda üzə çıxır.
Zamanın tələbinə uyğun olaraq qloballaşan dünyada sosial medianın rolu durmadan artır. Azərbaycan kimi ölkədə insan 24 saat işləməlidir və istənilən xəbərə, yaxşı və ya pis xəbərə hazır olmalıdır. Sosial media cəmiyyətin nəbzini hiss etməyə kömək edir. Cəmiyyətin nəbzini hər zaman hiss etmək lazımdır. Sosial media və ənənəvi KİV-lər adekvat idarəetmənin meyarıdır. Məsələlərdən xəbərdar olmaq və ona dərhal reaksiya vermək üçün sosial medianın potensialına mütləq müraciət olunmalıdır.
Sosial medianı izləyəndə şahid oluruq ki, qaçqın və məcburi köçkünləri ən çox maraqlandıran sual doğma torpaqlarına nə zaman qayıtmaları ilə bağlıdır.
Prezidentin qeyd etdiyi kimi, işğaldan azad olan ərazilərimizdə minatəmizləmə prosesi ən böyük əngəldir. Minalar müharibə bitəndən sonra üç yüzdən artıq insanın həyatına son qoyub və ya onları ağır şəkildə yaralayıb. Minaları basdırmaq müharibə cinayətidir. Amma həmin minaların xəritəsini təqdim etməməsi Ermənistanın bizə qarşı olan terrorunun davamıdır. Azərbaycana təqdim olunmuş xəritələrin dəqiqliyi heç 25 faiz deyildi. Ölkəmiz ciddi səylər göstərir, tədbirlər həyata keçirir ki, minalardan azad olaq. ANAMA Müdafiə Nazirliyinin müvafiq bölmələri və Fövqəladə Hallar Nazirliyinin mütəxəssisləri ilə birlikdə gecə-gündüz çalışırlar ki, əraziləri minadan təmizləsinlər. Bizdə olan hesablamaya görə, ərazilərimizdə bir milyondan artıq mina basdırılıb. Ermənilərin isə bizə verdiyi xəritə təqribən 400 min minanı əhatə edir.
Amma keçən hər gün insanların doğma yurd yerlərinə qayıdışını bir az da sürətləndirir.
Həm Qarabağ, həm Şərqi Zəngəzur rayonları üzrə təxminən növbəti üç il ərzində 150 mindən çox insan qayıdacaq. 30-dan çox şəhər və kəndin Baş planı təsdiqlənib. Bir çox kəndlərin təməli qoyulub. Şəhərlərin Baş planları təsdiq olunanda həmin şəhərlərdə yaşamış insanların rəyi də nəzərə alınıb. Vətəndaşlarımız doğma torpaqlarına qayıtdıqca regional inkişaf məsələsi də gündəmə gəlir.
Regional inkişaf Azərbaycanla Ermənistan arasında münasibətlərin yaxşılaşmasından asılıdır. Hazırda bir sıra beynəlxalq təşkilatlar bizə qarşılıqlı qəbul olunacaq həlli tapmaqda yardım etməyə çalışırlar. Bu günə kimi gördüklərimiz odur ki, bütün beynəlxalq təşkilatlar başa düşür ki, bu həllər beynəlxalq hüquqa əsaslanmalıdır.
Biz utana biləcəyimiz və ya “bəli, bax, burada biz haqsızıq” deyəcəyimiz heç bir şey etməmişik. Zamanın tələbidir ki, dialoq eşidilməyən yerdə güc öz sözünü deyir. Azərbaycan öz hərbi üstünlüyünü hər zaman nümayiş etdirib. Fərrux əməliyyatı, 2021-ci ilin mayında Ermənistan-Azərbaycan sərhədində vəziyyət, 2022-ci ilin sentyabrında sərhəddə vəziyyət, habelə nəzarət-buraxılış məntəqəsinin açılışı üstünlüyümüzün sübutlarıdır.
Ölkəmiz demək olar ki, işğaldan azad edilən ərazilərin bərpası və yenidən qurulması işlərinə köklənib. Qarabağın və Şərqi Zəngəzurun bərpası prosesi mərhələlərə bölünüb. Böyük Qayıdış Proqramı qəbul edilib. Proqramın icrası üçün maliyyə resursları səfərbər edilib. Bu günə qədər infrastruktur və şəhərsalma məqsədləri üçün ilin sonuna qədər nəzərdə tutulan xərclər təqribən 7 milyard ABŞ dollarına bərabər olacaq. Birinci mərhələdə bizim əsas vəzifəmiz 8 şəhəri və 100 kəndi yenidən qurmaqdır. Cənab Prezident üçün prinsipial məsələ işğaldan əziyyət çəkən 1 milyon insanın öz dədə-baba torpaqlarına qayıtmasıdır. Növbəti beş il ərzində azad edilmiş bütün şəhərlərdə artıq insanlar yaşayacaqlar. Amma şəhərlərin inkişaf planı daha genişmiqyaslıdır.
Ermənistanla münasibətlərin tənzimlənməsində biz sülh müqaviləsinin imzalanmasına nail olsaq, bu, ümumiyyətlə, Cənubi Qafqazda vəziyyəti sağlamlaşdıracaq və Cənubi Qafqazı yüksək risk zonasından çıxarmış olacaq. Yüksək risk zonası təkcə ekspertlərin qiyməti deyil, bu, həmçinin reytinqlərdir, kreditlənmə imkanlarıdır. Bunlar birbaşa olaraq xarici sərmayələrlə bağlı məsələdir. İnvestorlar, ilk növbədə, potensial və mümkün riskləri nəzərə alırlar.
Əldən düşmüş, gözü xarici ölkələrin verdikləri yardımlarda qalan Ermənistan bu nüansları nəzərə alsa, o zaman vətəndaşlarına ən böyük yaxşılıq etmiş olar. Xalqını, vətəndaşını düşünən ölkə rəhbəri, liderə sahib olmaq şans məsələsidir.
"İRƏVAN " futbol klubuna 5 oyunçu transfer olunduBu gün " Şüa" idman-sağlamlıq kompleksində '"İRƏVAN " fk idarə heyətinin növbəti iclası keçirilib.
Azadmedia.az xəbər verir ki, tədbiri açan " İRƏVAN " fk-nun idarə heyətinin sədri və klubun birinci vitse-prezidenti Zülfüqar Kazımov ən əvvəl ölkəmizdə fəaliyyət göstərən mətbuat işçilərini 22 İyul - Milli Mətbuat Günü münasibətilə təbrik edib, bu müqəddəs və şərəfli peşə sahiblərinə, çətin və məsuliyyətli işlərində yeni-yeni nailiyyətlər arzulayıb.
Natiq çağdaş milli mətbuatımızın inkişafının ulu öndər Heydər Əliyevin adıyla bağlı olduğunu, mətbuata verdiyi yüksək dəyər və dəstəyin nəticəsində yüksələn inkişaf mərhələsinə qədəm qoyduğunu,davamlı dövlət dəstəyi ilə əhatə olunduğunu vurğulayıb.
Sonra "İRƏVAN " fk -nun prezidenti və idarə heyətinin üzvü Zahid Niyazəliyev Azərbaycan Respublikasının Prezidenti İlham Əliyevin və birinci vitse-prezident Mehriban xanım Əliyevanın diqqət və qayğısı nəticəsində müasir idmanımızın ən yüksək inkişaf səviyyəsində qərar tutduğunu vurğulayıb.
Daha sonra Zahid Niyazəliyev ölkə idmanın qazandığı nailiyyətlərdən ,"İRƏVAN "fk nun qısa bir zamanda beynəlxalq arenada tanınacağını qeyd edib.
Tədbirin sonunda komandaya yeni transfer olunan 5 futbolçu- Ruslan Hacıyev ,Gülağa Əsədov,Nazim Məmmədzadə ,Asim Əlizadə və Əlirza Müştəbazadə ictimaiyyətə təqdim edilib.
Məlumat üçün bildirək ki “İRƏVAN” Futbol Klubu cari mövsüm 1-ci liqada mübarizəyə qoşulacaq.
Xatırladaq ki, 2023/2024-cü illər mövsümündə I Divizion 10 komandanın iştirakı ilə keçiriləcək və “İRƏVAN” FK bu komandalar arasındadır. Reqlamentə görə, I Divizionda 1-ci yeri tutan komanda növbəti mövsüm Premyer Liqaya vəsiqə qazanacaq.
İrəvan FK-nun mətbuat katibi
Mübariz Süleymanlı
Biz Cənubi Qafqazda vəziyyəti sabitləşdirməliyik, dayanıqlı sülhə nail olmalıyıq, təhlükəsizlik təmin edilməlidir.
Kənd Təsərrüfatı naziri Məcnun Məmmədov Ağstafada təsərrüfatlara baş çəkib, Həzi Aslanov qəsəbəsinin sakinləri ilə görüşüb.Sakinlərin müraciətləri diqqətlə dinlənilib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün tapşırıqlar verib. Əsasən heyvandarlıqla məşğul olan sakinlərə nazirliyin balansında olan torpaq sahələrindən örüş yeri ayrılması barədə müraciət müsbət həll olunub, payızlıq və yazlıq əkinlər dövründə kəndə əlavə traktor və qoşquların ayrılması qərara alınıb.
Nazir Ağstafa rayonuna səfər çərçivəsində nazirliyin balansında olan müəssisələrə, Dilbaz Atçılıq Kompleksinə baş çəkib, Ağstafa Dövlət Aqrar İnkişaf Mərkəzinin kollektivi ilə görüşüb. Həmçinin “Kur Fruit Company” şirkətinin Ceyrançöldə saldığı 150 hektar intensiv bağla və “Ağstafa Aqrar Sənaye Kompleksi” MMC-nin fəaliyyəti ilə tanış olub. Təsərrüfatlarda keçirilən görüşlər zamanı aqrar məhsulların istehsalı, qablaşdırılması, emalı və ixracı ilə bağlı fikir mübadiləsi aparılıb, bu istiqamətlərdə görüləcək işlərə nazirlik tərəfindən dəstək veriləcəyi bildirilib.
“Ağstafa Aqrar Sənaye Kompleksi” MMC-nin böyük akt zalında keçirilən tədbirdə Ağstafa RİH başçısı Seymur Orucov, rayonun hüquq-mühafizə orqanlarının rəhbərləri, məsul şəxslər, ictimaiyyət nümayəndələri iştirak ediblər.
Tədbiri giriş sözü ilə açan Seymur Orucov bildirib ki, Azərbaycanın bugünkü uğurlarının başlanğıc nöqtəsi olan 14 iyul 1969-cu il tarixindən 54 il keçir. Məhz Ulu Öndərin Azərbaycanda birinci dəfə siyasi hakimiyyətə gəldiyi gün ölkəmizin xilasının birinci mərhələsi, xalqın özünəqayıdış tarixidir. Azərbaycançılıq ideologiyasının təbliği, inkişaf etdirilməsi məhz o dövrdən başlanıb və ölkəmizin bu gününün möhkəm təməli qoyulub. Heydər Əliyev irsinin layiqli davamçısı Prezident, Müzəffər Ali Baş Komandan İlham Əliyev bügünkü qüdrətli Azərbaycanı yaradaraq Ümummilli Liderin bütün arzularını reallığa çevirdi. Bu gün Ümummilli Liderin ruhu şaddır.
Tədbirdə Ulu Öndərin zəngin və mənalı həyatından, Vətən, xalq qarşısında misilsiz xidmətlərindən bəhs olunub, tarixi kadrlar nümayiş etdirilib. Ölkəmizin tanınmış incəsənət və mədəniyyət xadimləri Ulu Öndər Heydər Əliyevə, eləcə də müstəqil Azərbaycana həsr olunan vətənpərvər ruhlu klassik əsərlər ifa ediblər.
İştirakçılara unudulmaz və yaddaqalan anlar bəxş edən tədbir alqışlarla qarşılanıb.
Qəbuldan öncə Azərbaycan Ordusunun qəhrəmanlıq salnaməsinə qızıl hərflərlə yazılmış Tovuz döyüşlərinin üçüncü ildönümü ilə əlaqədar Vətən uğrunda canından keçən bütün şəhidlərimizin əziz xatirəsi bir dəqiqəlik sükutla yad edilib.
RİH başçısı Prezident, Müzəffər Ali Baş Komandan İlham Əliyevin rəhbərliyi ilə Ordumuzun qazandığı şanlı Zəfərdən, işğaldan azad olunmuş ərazilərimizə Böyük Qayıdış proqramının icrasından, ölkəmizin hərbi qüdrətindən, şəhid ailələlərinin üzvlərinə, qazilərə, müharibə iştirakçılarına göstərilən yüksək dövlət qayğısından söz açaraq qeyd edib ki, bu gün ölkəmizdə sabitlik və dayanıqlı inkişaf hökm sürür, dünyada baş verən gərginliklər, qlobal maliyyə və iqtisadi böhranlar fonunda müsbət sosial-iqtisadi göstəricilər əldə olunur.
Səyyar qəbulda vətəndaşların səsləndirdikləri müxtəlif məzmunlu məsələlər qeydiyyata alınaraq nəzarətə götürülüb, həlli ilə bağlı müvafiq tədbirlər müəyyən edilib.
Arkoz Holdinq”in rəhbəri, Türkiyəli iş adamı Emin Uçar - Əsrlər boyunca Azərbaycanda da qeyri-maddi, mənəvi dəyərlərin yaradılması uğrunda mübarizələr aparılıb. Bu gün müasir cəmiyyəti mətbuatsız, mədəniyyətsiz, təhsilsiz, iqtisadi və siyasi nailiyyətlər olmadan təsəvvür etmək mümkün deyil.Mətbuatımızın keçdiyi tarixi yol qürur doğurur. Əsası Həsən bəy Zərdabi tərəfindən qoyulmuş "Əkinçi" qəzetinin nəşrə başladığı 22 iyul Azərbaycanda Milli Mətbuat Günü kimi qeyd olunur. "Əkinçi"nin 1875-ci il iyulun 22-dən 1877-ci ilin sentyabrınadək çap olunmasına baxmayaraq, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş "Əkinçi" az müddətdə həm ziyalı təbəqə, həm də sadə insanlar arasında çox məşhurlaşıb. Milli oyanışın yeni mərhələsinin təmsilçisi kimi "Əkinçi" qəzetinin başlanğıcını qoyduğu yol neçə-neçə mətbu və ədəbi məktəbin formalaşma prosesinə təkan verdi, xalqın maariflənməsinə, milli-azadlıq hərəkatının güclənməsinə birbaşa təsir göstərdi. Tarixin müxtəlif ictimai-siyasi mərhələlərində formalaşmış Azərbaycan mətbuatı xalqa, cəmiyyətə, insana xidmət borcunu şərəflə yerinə yetirdi.
Azərbaycan ötən əsrin sonlarında dövlət müstəqilliyini bərpa etdikdən sonra həyatın bir çox sahələrində olduğu kimi, mətbuatın inkişafında da dönüş yarandı, siyasi plüralizm və söz azadlığını təmin etmək üçün mühüm işlər həyata keçirildi. 148 il ərzində müxtəlif tənəzzül və intibah dövrləri keçən Azərbaycan mətbuatı daim cəmiyyətin proseslərə baxışını əks etdirən güzgü rolunu oynayıb.
1998-ci ilin avqustunda senzuranın ləğvi Azərbaycanda mətbuatın inkişafına ciddi təkan verdi. Hazırda respublikada çoxlu sayda müxtəlif qəzet və jurnallar nəşr olunur, internet qəzetçilik inkişaf edir.
Azərbaycan mətbuatı indi özünün yüksəliş mərhələsini yaşayır. Bu yeni inkişaf dövrünün təməlini qoyan ulu öndər Heydər Əliyev hər zaman mətbuatın cəmiyyətə təsir gücünü yüksək qiymətləndirib, mətbuat və söz azadlığı, kütləvi informasiya vasitələrinin maddi-texniki bazasının möhkəmləndirilməsi istiqamətində ardıcıl tədbirlər həyata keçirib. Müstəqillik dövründə Azərbaycan mətbuatı ilə bağlı ilk Fərman da Heydər Əliyev tərəfindən imzalanıb. 2000-ci il martın 27-də imzalanan "Azərbaycanda milli mətbuatın yaradılmasının 125 illiyi" haqqında Fərmanla ölkəmizdə demokratik mətbuatın yaradılmasının 125 illiyi təntənəli şəkildə qeyd olunub. Ümumilikdə, Ulu Öndər mətbuatın problemlərinin həlli ilə bağlı ondan çox sərəncam və fərman imzalayıb.
1999-cu ildə "Kütləvi İnformasiya Vasitələri haqqında" beynəlxalq tələblərə cavab verən Qanun qəbul edilib. 2001-ci il dekabrın 18-də ölkənin əsas kütləvi informasiya vasitələri və jurnalist təşkilatlarının rəhbərləri ilə görüşən Ulu Öndər mətbuatın problemlərini müzakirə edib. Həmin görüşdən sonra bəzi problemlər operativ həllini tapdı, qəzetlər əlavə dəyər və mənfəət vergisindən azad edildi, onlara kreditlər ayrıldı.
Ulu Öndərin müstəqil mətbuatın formalaşması və inkişafına xidmət edən siyasəti bu gün Prezident İlham Əliyev tərəfindən uğurla davam etdirilir. Ölkəmizdə söz və mətbuat azadlığına, kütləvi informasiya vasitələrinə ən yüksək səviyyədə diqqət və qayğı göstərilir. Azərbaycanın artan iqtisadi imkanları mətbuatın inkişafı yolundakı çətinliklərin aradan qaldırılmasına, onun aktual problemlərinin həllinə şərait yaradır. Prezident İlham Əliyevin 2008-ci il 31 iyul tarixli Sərəncamı ilə "Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası"nın təsdiq edilməsi, 2009-cu il aprelin 3-də Prezident yanında Kütləvi İnformasiya Vasitələrinə Dövlət Dəstəyi Fondunun yaradılması azad medianı inkişaf etdirmək, mətbuatın maddi-texniki bazasını möhkəmləndirmək, jurnalistlərin sosial vəziyyətini yaxşılaşdırmaq məqsədilə atılan mühüm addımlardandır. Milli mətbuatımızın yubileylərinin ölkədə geniş qeyd olunması, KİV-lərə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında sərəncamlar da mətbuata və bu sahədə çalışanlara göstərilən qayğının tərkib hissəsidir.
Cəmiyyət dayanmadan inkişaf edir. Bu inkişaf mətbuatın da inkişafı ilə paralellik təşkil edir. Belə şəraitdə dövrün tələbinə uyğun qanunların tərtibi və təsdiqi ciddi tələb kimi qarşıya çıxır.
2022-ci il fevral ayının 8-də Prezident İlham Əliyev "Media haqqında" qanunun tətbiqi və bundan irəli gələn bir sıra məsələlərin tənzimlənməsi barədə Fərman imzalayıb. Fərmana əsasən həyata keçirilən tədbirlərdən biri də media reyestrinin yaradılması, jurnalistlərin və media subyektlərinin "Media haqqında" qanunun tələblərinin pozulmaması şərti ilə yenidən qeydiyyatdan keçirilməsi, gələcəkdə bu sahədə çalışan insanların peşə və əmək qabiliyyətini nəzərə alaraq onların maddi-məişət və sosial ehtiyaclarının qarşılanmasında şəffaflıq mühitinin təmin olunmasıdır.
Bu gün Azərbaycan mediası keyfiyyət dəyişikliyi mərhələsini yaşamaqdadır. Azərbaycan dövlətinin hazırkı media siyasəti jurnalistikanın ictimai həyatımızdakı önəmini vurğulayan son dərəcə mühüm tədbirlərə əsaslanır və bu, uzun illər belə Prezident İlham Əliyevin adı ilə xatırlanacaqdır.
"Rusiyada xüsusi xidmət orqanlarına yaxınlığı məlum olan "MKRU" qəzeti diqqət çəkən yazı ilə çıxış edib".
Azərbaycan Respublikasının Prezidenti İlham Əliyev iyulun 20-də Xocalı rayonunun işğaldan azad edilmiş Çanaqçı və Sığnaq kəndlərində olub.
M.F.Axundov adına Azərbaycan Milli Kitabxanasının direktoru professor Kərim Tahirov - Cəmiyyətin inkişafında, dövlətə, dövlətçiliyə, Vətənə sevgi duyğularının formalaşmasında və yüksəldilməsində mətbuatın rolu əvəzsizdir. XIX əsrin sonlarında Azərbaycandilli mətbuatın yaranmasına böyük zərurət vardı. Bu zərurəti Həsən bəy Zərdabi daha həssaslıqla görmüşdü. 1875-ci ildə ona qəzet nəşr etdirmək üçün icazə verildi, iyul ayının 22-də "Əkinçi"nin ilk sayı dərc olundu. Zərdabi "Həyat" qəzetinin 28 dekabr 1905-ci il tarixli sayında "Rusiyada əvvəlinci türk qəzeti" məqaləsində yazırdı: "Hər kəsi çağırıram gəlmir, göstərirəm görmür, deyirəm qanmır. Axırda gördüm ki, onları haraylayıb çağırmaqdan, onlara deməkdən başqa bir qeyri əlac yoxdur. Olmaz ki, mənim sözümü eşidənlərdən, heç bir qanan olmasın. Necə ki, bir bulağın suyunun altına nə qədər bərk daş qoysan, bir neçə ildən sonra su tökülməkdən o bərk daş mürur ilə əriyib deşilir, habelə söz də, ələlxüsus doğru söz belədə qəzet çıxarmaqdan savayı bir qeyri əlac yoxdur".
“Əkinçi” qəzeti Azərbaycandilli mətbuatın başlanğıcı oldu. Ona görə də “Əkinçi” qəzetinin nəşrə başladığı gün Azərbaycanda Milli Mətbuat və Jurnalistika Günü kimi qeyd olunur.
Azərbaycan Respublikasının Prezidenti İlham Əliyev deyib:"... Görkəmli ziyalı, publisist, təbiətşünas alim Həsən bəy Zərdabi tərəfindən Azərbaycan dilində nəşr olunmağa başlayan "Əkinçi" qəzeti milli mətbuatımızın ilk nümunəsi kimi öz adını tarixə yazmışdır".
Azərbaycanın dövlət müsütəqilliyinin bərpa edilməsi yeni mətbu mühit yaratdı, yeni qəzetlər nəşrə başladı. Bu qəzetlər Azərbaycanda yeni düşüncə tərzinin, hadisə və faktlara yeni yanaşmaların, milli-mənəvi dəyərləri daha həssaslıqla qorumağın və təbliğ etməyin cəfakeşi oldular. Yeni qəzetçilik modeli formalaşdı və bu, Azərbaycan dövlətçiliyinin mətbu dayağı oldu.
Respublikamızda senzuranın ləğvi azad mətbuatın inkişafına müsbət təsir göstərdi.
2003-cü il mart ayının 15-də jurnalistlərin I qurultayında 180-dək kütləvi informasiya vasitəsinin təsisçiliyi ilə yaradılan Mətbuat Şurası aprelin 24-də Ədliyyə nazirliyində dövlət qeydiyyatına alındı. Bununla da ölkədə mətbuat mühiti dünyəvi dəyərlər əsasında fəaliyyətini davam etdirməyə başladı.
2009-cu il aprelin 3-də "Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun yaradılması haqqında" Sərəncam imzalandı (indi Medianın İnkişafı Agentliyi) adlanır).
Azərbaycan Respublikasının Prezidenti İlham Əliyevin sərəncamları ilə jurnalistlər üçün binalar tikilib istifadəyə verildi, onlarla vətənpərvər, istedadlı jurnalist “Əməkdar jurnalist” fəxri adına layiq görüldü.
Azərbaycan mətbuatı dövlət qayğısı ilə əhatələnib. Zamanında Ulu Öndər Heydər Əliyev, sonra Azərbaycan Respublikasının Prezidenti İlham Əliyev “Jurnalistlərin dostu” adına layiq görüldü. Bu mükafat ölkə başçısının mediaya əlavə qayğısına görə verilir.