Ermənistanın baş naziri Nikol Paşinyanın köməkçisi Qaqik İsaxanyan övladları 44 günlük müharibədə itkin düşən valideynlərin işləri ilə maraqlanmır.

Milli.Az Publika.az-a istinadla xəbər verir ki, bu barədə övladları itkin düşmüş əsgər anaları məlumat yayıblar. Onlar Paşinyanın köməkçisinin də itkin düşdüyünü bildiriblər:

"Neçə müddətdir ki, itkin düşən övladlarımızın taleyindən bizə məlumat verilmir. Narahatıq və bunu başa düşən yoxdur. Baş nazir öz köməkçisini, İsaxanyanı bizimlə calaşdırmışdı ki, nə problemimiz olsa, ona deyək. Ən son məlumatları da o bizə verəcəkdi. Amma uzun müddətdir ki, Qaqik ortada yoxdur. Görünən odur ki, o da bizim oğullarımız kimi itkin düşüb. İtkin hərbçi ailələrinə dövlətin ödədiyini pul da dayandırılıb. Bunun səbəbi barədə bizə kim məlumat verəcək?"