Xəbər verdiyimiz kimi, sabahdan Aİ-95 yanacağının kəskin ucuzlaşacağı gözlənilir.

Axar.az xəbər verir ki, bir müddət öncə Aİ-92 və dizel yanacağının isə qiymətinin isə artacağı haqda məlumat yayılmışdı.

Məsələni şərh edən millət vəkili Vahid Əhmədov isə bildirmişdi ki, Aİ-92 benzininin nisbətən balahaşması qarşılığında Aİ-95 benzininin ucuzlaşması mümkündür. Çünki Aİ-95 benzininin istehsalına artıq ölkəmizdə də başlanılıb.

V.Əhmədov qeyd etmişdi ki, xüsusilə Bakıda havanın çirklənməsində avtomobillərin rolu 70-80 faiz təşkil edir. Aİ-92 benzininin bahalaşması, ekoloji baxımdan daha az zərərli olan Aİ-95 benzinin isə ucuzlaşması nəticə etibarilə bu yanacaqlar arasında qiymət fərqini azaltmağa, sürücüləri daha keyfiyyətli benzindən istifadə etməyə təşviq məqsədi daşıyır.

Hazırda Aİ-92 1 manata, Aİ-95 isə 2 manatadır və aradakı ikiqat fərq bir çox sürücünü ucuz və keyfiyyətsiz benzindən istifadə etməyə məcbur edir.

Paralel olaraq Aİ-92 markalı benzinin qiymət artımının elektromobillərə keçidi də stimullaşdıracağı gözlənilir.

Bu baxımdan sabahdan Aİ-95 kəskin ucuzlaşacaqsa, Aİ-92 benzini bahalaşacaq.