Ermənistanın keçmiş liderləri Robert Köçəryan və Serj Sərkisyan öz qüvvələrinin mənfi reytinqinə görə rəhbərliyi erməni kilsəsinə keçirmək qərarına gəliblər.

Axar.az xəbər verir ki, bu barədə Xristian Demokrat Partiyasının vitse-prezidenti Ayk Sukiasyan deyib.

“Ermənistan qanunvericiliyinə görə kilsə dövlətdən ayrılıb, ruhanilərlə siyasət bir araya sığmır. Əgər bu doğrudursa, onda belə çıxır ki, İrəvanın keçmiş siyasi rəhbərliyinin beyni yoxdur. Tavuşda (Tovuzqala - red.) rahib Baqrat rəhbər deyil, amma gedib orda ilişib qalıb. O deyir ki: “Biz siyasətə gəlirik”, qoy getsinlər, mənəvi həyatlarına baxsınlar, məhz bu, onların işidir. İndi onlar xalqımızın mənəvi həyatından uzaqlaşıb siyasətlə məşğuldur, bəs kilsə necə olsun?” - o bildirib.

Sukiasyan qeyd edib ki, bu cür addımlar Ermənistanı dini dövlətə çevirmək cəhdidir:

“Nəticədə beynəlxalq ictimaiyyət İrəvanla istənilən tərəfdaşlıqdan tamamilə imtina edəcək, həm də Azərbaycanı Ermənistana qarşı yönəldəcək. Kilsəmizin mənəvi quruluşu saxta gündəmlə, yalançı vətənpərvərliklə Ermənistana qarşı çıxıb və düşmənin maraqlarına xidmət edir, onların xalqımızın, dinimizin, geosiyasi hadisələrin dərkinə heç bir aidiyyəti yoxdur. Hər halda bizim kilsə xalqımız arasında nüfuz sahibidir, lakin nüfuzlu ruhani təbəqəyə malik deyil. Kilsənin və tarixin nüfuzundan istifadə edərək cəmiyyətin emosiyalarını pozan və soyqırıma aparan eybəcər liderlər. Bığı qırxsaq, üstündə bir işarə olacaq: KQB. Katolikos getməlidir, o, patriarx Kirillin müavinidir, qalanları isə müavinlərin müavinləridir. Onları paltarlarını toplamağa, eşşəklərinə minməyə və xristianlığı yaymağa borclu olduqları yerlərə getməyə çağırıram”.

Şərti sərhəddə təxribatçıların hərəkətləri üçün qəbul edilmiş yol xəritəsi ilə bağlı Sukiasyan bunları bildirib:

“Dövlət çevrilişinə çağırış edirlər, məqsədləri budur. Yəni Ermənistanın xalqına, müstəqilliyinə hücum edir, Rusiya, Türkiyə və Azərbaycanla müharibəyə təhrik edirlər. Amma heç nə alınmayacaq. Bizim dövlət olmaq problemimiz var, biz bu yolla gedirik. Kilsə daha yüksək ola bilməz, o, dövlətə tabedir. Əgər nəsə etmək istəyirlərsə, o zaman onları Azərbaycana təhvil vermək lazımdır. Onların nə gücü, nə ağlı, nə səlahiyyəti var, sadəcə olaraq dövləti alt-üst edirlər”.