 |
 |
“Globehunters” turizm agentliyi ABŞ xəstəliklər üzrə nəzarət və profilaktika mərkəzinin (ABŞ Səhiyyə Nazirliyinin tabeliyində olan federal agentlik – red.) kran suyunun təhlükəsiz və ya xoşagəlməz olan ölkələrin siyahısını dərc edib.
Bu barədə Daily Mail yazır.
Siyahıda 187 ölkə, o cümlədən, Azərbaycan, Türkiyə, İran, Rusiya və bütün postsovet ölkələri yer alıb, Estoniya istisna olmaqla.
Qeyd olunur ki, siyahıda göstərilən ölkələrdə kran suyunu çirkliliyi göstərilməyib, sadəcə bu su içməli deyil.
Ən təhlükəsiz su təchizat sistemi ABŞ (Quam adasından başqa – red.), Kanada, Avstraliya, Çili, Yaponiya, Cənubi Koreya, Səudiyyə Ərəbistanı, Böyük Britaniya, Norveç və əksər Avropa İttifaqı ölkələrindədir.
Nəşr qeyd edir ki, Ümumdünya Səhiyyə Təşkilatının məlumatına əsasən, dünyada il ərzində təhlükəsiz sudan yaranan diarreyadan 842 min nəfər ölür.
Bizimlə əlaqə saxlayın
Martın 9-da gözlənilən hava şəraiti haqqında məlumat açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Oxu.Az-a verilən məlumata görə, Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi gözlənilir. Səhər bəzi yerlərdə zəif duman olacaq.
Şimal-qərb küləyi gündüz mülayim cənub-qərb küləyi ilə əvəz olunacaq.
Havanın temperaturu gecə 2-5° isti, gündüz 9-13° isti, Bakıda gecə 3-5° isti, gündüz 11-13° isti təşkil edəcək.
Atmosfer təzyiqi normadan yüksək 774 mm civə sütunundan 770 mm civə sütununa enəcək.
Nisbi rütubət gecə 70-80 %, gündüz 55-65 % olacaq.
Azərbaycanın rayonlarında hava şəraiti əsasən yağmursuz keçəcək. Gecə və səhər ayrı-ayrı yerlərdə duman olacaq
Qərb küləyi gündüz əsasən dağlıq rayonlarda arabir güclənəcək.
Havanın temperaturu gecə 0-5° isti, gündüz 12-17° isti, dağlarda gecə 1-6° şaxta, gündüz 4-9° isti təşkil edəcək.
Azərbaycan Avtomobil Yolları Dövlət Agentliyi tərəfindən “Bibiheybət” məscidi istiqamətindən şəhərə tərəf olan yolda təmir-bərpa işləri davam etdirilir.
Beynəlxalq İşçi Qadınlar Günü olaraq tanınan 8 mart tarixi qadınların iqtisadi, ictimai və siyasi mübarizəsini, habelə ümumi olaraq qadınlara qarşı nəzakət, sevgi və məhəbbəti tərənnümünü ənənəvi hala gətirmiş bayramdır.
Son dövrlərdə apardığımız araşdırmalar onu göstərir ki, Azərbaycanda qız uşaqlarının sayı azalır. Amma bu, təbii hal deyil.
Oxu.Az-ın məlumatına görə, bunu Ailə Qadın və Uşaq Problemləri üzrə Dövlət Komitəsinin sədri Hicran Hüseynova jurnalistlərə açıqlamasında bildirib.
Onun sözlərinə görə, bir çox ailələr biləndə ki, qız uşaqları dünyaya gələcək hamiləliyi dayandırırlar:
“Bunun mənfi tərəfləri var. Biz bu məsələni müvafiq qurumlar qarşısında qaldırdıq, lakin bu qanunla tənzimlənən məsələ deyil. Maarifləndirmə işi aparılmalıdır. Biz komitə olaraq bunu edir və əhalinin bu məsələdə diqqətini cəlb edirik”.
Komitə sədri bildirib ki, bu istiqamətdə yaranan boşluqlar insanların şüurunda dəyişikliklərə səbəb olur:
“Bu stereotiplər olmamalıdır. Qız uşaqlarının yaxşı oxumağına baxmayaraq, ailələr oğlanların oxumasına üstünlük verirlər. Başa düşürəm ki, oğlan gələcəkdə ailə başçısı olacaq və pul qazanmalıdır. Lakin yaxşı oxuyub, peşəkar mütəxəssis olan qızı dəstəkləmək lazımdır. Bu məsələ bizi hərtərəfli narahat edir”.
“Qız uşaqlarının doğulmasını stimullaşdırmaq üçün sosial yardım edilməsi məsələsi hələ gündəmdə deyil. Bu məsələ hələ söhbət səviyyəsindədir”, - deyə Hicran Hüseynova qeyd edib.
Komitə sədri bildirib ki, erkən nikahlarla bağlı hallar hələ də qeydə alınır:
“Biz mübarizə aparırıq. Azərbaycanda erkən nikahların sayı azalıb. Erkən nikah bir tərəfdən də zorakılıqdır. Yerlərdə fəaliyyət göstərən monitorinq qruplarımız var”.
İlhamə Əbülfət
Mart ayının 3-də Ucar rayonu ərazisində ağır yol qəzası baş verib.
Hadisə nəticəsində yolu keçməyə çalışan piyadalar - 1988-ci il təvəllüdlü Turbənd İsgəndərova və qızı, 2014-cü il təvəllüdlü Ayşən İsgəndərli sürücü Rəşad Cavadov tərəfindən vurulub.
Onlar hadisə yerində vəfat ediblər.
Hadisədən sonra sürücü barəsində dörd ay müddətində həbs-qətimkan tədbiri seçilib.
Biz də şəhər sakinlərinə yaxınlaşıb, videonu göstərərək sual verdik. Bu cür piyada ölümlərində günahkar kimdir?
Həmin sorğunu təqdim edirik.
Sail Ağasəlim, Valeh Arifoğlu
Paytaxtın Səbayel rayonunda Ə.Hüseynzadə küçəsi, 8 ünvandakı evin sakinləri birinci vitse-prezident Mehriban Əliyevaya açıq məktubla müraciət edərək onların hüquqlarını müdafiə etməyi xahiş ediblər.
Həmin ünvanda yaşayan 20-dən çox ailə “Sabah Residence” tikinti şirkətinin hərəkətinə etiraz edir: “500 manat nizamnamə kapitalı olan şirkət bizim qəza vəziyyətində olmayan 6 mərtəbəli binanı sökmək qərarına gəlib.
Biz, bu evin sakinləri müstəqil ekspertiza keçirdik. Ekspert bizim binanın normal istismar şəraitində yaşayış üçün minimum 50-60 il yararlı olması barədə rəy verdi. Lakin “Sabah Residence” bizə təzyiq göstərir və bizi özəlləşdirilmiş mənzillərimizdən çıxmağa məcbur edir, Azərbaycan Konstitusiyası və Mənzil Məcəlləsində təsbit edilmiş hüquqlarımızı pozur.
Bizim işimizin məhkəmədə olmasına baxmayaraq, “Sabah Residence” süni şəkildə bizim evi yaşayış üçün yararsız duruma gətirməyə çalışır, sakinlər üçün daim gərgin vəziyyət yaradır.
Biz İcra Hakimiyyətinə, Dövlət Arxitektura və Şəhərsalma Komitəsinə, Səbayel rayonundan parlamentin deputatına müraciət etmişik, dəfələrlə polisə ərizə yazmışıq, ancaq nəticəsiz qalıb.
Həmin evdə uşaqlı ailələr, yaşlı xəstə adamlar yaşayırlar. Onlar həyatlarının böyük hissəsini burada yaşayıblar. Onların bu özbaşınalığa qarşı mübarizə aparmağa güc və imkanları yoxdur.
Sizə böyük hörmətimizin olduğunu bildirərək xahiş edirik ki, bizim binanın nümayəndələrini qəbul edəsiniz və başımıza gələnləri, hansı şəraitdə yaşamağa məcbur olduğumuzu sizə ətraflı anlatmalarına imkan yaradasınız.
Sizdən problemin həllinə yardmçı olmağınızı xahiş edirik”. (xalqxeber)
Səbail rayonu, N.Rəfibəyli küçəsində yerləşən 189-190 nömrəli məktəbdə ibtidai sinif müəllimliyi edən Səyyarə Əliyeva (60) həmin məktəbin direktoru Ceyran Quliyeva barəsində saytımıza şikayət ünvanlayıb.
Bu barədə Axar.az-a danışan S.Əliyeva direktorun onu əsassız yerə işdən çıxardığını deyib.
S.Əliyeva məktəb direktorunun hər vasitə ilə ona təzyiq göstərdiyini bildirib:
“Bakı Dövlət Universitetini bitimişəm. 1992-ci il ildən 2018-ci il mayın 2-nə qədər 189-190 nömrəli məktəbdə ibtidai sinif müəllimi işləmişəm. 2018-ci ildə valideyn sinifdə öz uşağını döyüb, iki gün sonra gətirib ki, müəllimə mənim uşağımı döyüb. Kamera görüntülərinə baxanda da məlum oldu ki, burada mənim heç bir təqsirim yoxdur.
Neçə il orada işləmişəm, ancaq bir dəfə də olsun şagirdlərim və onların valideynləri ilə aramda problem yaranmayıb. Valideynləri dəfələrlə mənə razılıq ediblər.
Direktor bütün müəllimlərə tapşırmışdı ki, məni müdafiə etməsinlər. Bildiyim qədərilə Ceyran xanım müəllimlərə deyib ki, məni müdafiə etsələr, bu, nazirin xoşuna gəlməz.
Direktor qanunsuz olaraq məni işimdən uzaqlaşdırıb, xəbərdarlıq etməyib, töhmət verməyib. 30 ilimi heçə verən bu direktorun cəzalandırılmasını və müəllim fəaliyyətimin bərpa edilməsini istəyirəm. Direktor deyir ki, sən mənə qalib gələ bilməzsən, çünki mənim arxamda dayanan şəxslər var.
Həmin problemlərdən sonra məni işə qaytarmaq cəhdləri olub, lakin Ceyran xanım “Məktəblinin dostu” adıyla haqqımda ittihamlar yazaraq, nazirliyə göndərib.
Onun taktikası müəllimləri sıxışdırıb pul almaqdır. Ötən il sözügedən hadisələrdən sonra direktoru məhkəməyə vermişəm. Hazırda proses davam edir. Öz haqqımı tələb edirəm”.
S.Əliyeva C.Quliyevanın müəllimlərdən və şagirdlərdən qanunsuz pul yığdığını söyləyib:
“Bu xanım əvvəllər 6 nömrəli məktəbdə direktor işləyib. Daha sonra rüşvətə görə ordan uzaqlaşdırılıb. O direktor rüşvətxordur. Bütün müəllimlər ondan qorxur. Bir qaçqın ailəsinin 11-ci sinifdə oxuyan övladını dərslərin bitməsinə iki ay qalmış məktəbdən uzaqlaşdırıb ki, qiyməti üçdür. Valideynlərinə xəbər göndərmişdi ki, gəlin sənədlərinizi götürün. Heç belə də şey olar? Bütün şagirdlər axı eyni səviyyədə oxuya, qavraya bilməz. Lazım olsa, həmin şagirdi də tapıb gətirə bilərəm.
Məktəbin direktoru müəllimləri məcbur edir ki, uşaqlara fondpulu gətirmələrini tapşırsınlar. Müəllimlər də uşağın əlinin üstünə “25 manat” yazıb evə göndərir.
Bütün müəllimləri sıxışdırır, sinifləri bağlayır. Böyük summativlər üçün nə qədər pul yığılır. Mən məktəbdən çıxarılandan sonra müəllim yoldaşlarım və şagirdlərim tərəfimi saxladılar, müdirə etiraz etmək istədilər. Mən razı olmadım.
Məktəbdə baş verən hadisələr bununla bitmir. Şagirdlər arasında əxlaqazidd davranışa yol verənlər var. Dəfələrlə direktora dedim ki, ayaqyolunda bir nəfər uşaqlara nəzarət etsin, yoxsa biabırçı hadisələr baş verə bilər. Müəllimlər də vəziyyətdən xəbərdardırlar.
Məktəbdə hansı uşaq hazırlıqda oturursa, hər uşağa görə onu hazırlaşdıran müəllim direktora 20 manat “haqq” verməlidir. Direktorun müavini gəlib sinifləri yoxlayır və gedib direktora məlumat verir ki, orada bir uşaq artıq oturub, amma müəllim pulu sizə az verir. Birinci sinif götürən müəllim 2000 manat “şirinlik” verir.
İstəyirəm ki, o məktəbə qayıtmasam da, müəllimlərin canı qurtarsın”.
S.Əliyeva saytımıza valideynlərlə söhbəti zamanı qeydə alınmış səsyazısı da təqdim edib. Səsyazısında valideyin övladının məktəbə qeydiyyata alınması üçün direktora 500 manat pul verdiyini etiraf edib.
S.Əliyeva bundan əvvəl də mətbuatda C.Quliyeva barəsində şikayət xarakterli yazıların yayımlandığını bildirib.
Qeyd edək ki, sözügedən şikayətlə əlaqədar məktəbin direktoru C.Quliyevanın mövqeyini öyrənmək üçün əlaqə saxlasaq da, o, açıqlama verməkdən imtina etdi.
Prezident İlham Əliyev Şamaxı, İsmayıllı və Ağsu rayonlarında baş vermiş təbii fəlakətin nəticələrinin aradan qaldırılması işlərinin davam etdirilməsi ilə bağlı əlavə tədbirlər haqqında sərəncam imzalayıb.
Bu gün baş nazir Novruz Məmmədov taksi minik avtomobillərinə və taksi minik avtomobilləri üçün duracaq yerlərinə dair tələbləri təsdiqləyib.