 |
 |
Dekabrın 24-də Azərbaycan Prezidenti İlham Əliyevin doğum günüdür.
Ölkə başçısının 58 yaşı tamam olur.
İlham Heydər oğlu Əliyev 1961-ci il dekabrın 24-də Bakı şəhərində anadan olub.
1967-1977-ci illərdə Bakı şəhərində 6 saylı orta məktəbdə təhsil alıb.
1977-1982-ci illərdə Moskva Dövlət Beynəlxalq Münasibətlər İnstitutunda (MDBMİ) təhsil alıb. MDBMİ-ni bitirdikdən sonra, 1982-ci ildə həmin institutun aspiranturasına daxil olub.
1985-ci ildə dissertasiya müdafiə edərək tarix elmləri namizədi elmi dərəcəsini alıb və 1985-1990-cı illərdə Moskva Dövlət Beynəlxalq Münasibətlər İnstitutunun müəllimi olub.
1991-1994-cü illər ərzində özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.
1994-cü ildən 2003-cü ilin avqust ayınadək Azərbaycan Respublikası Dövlət Neft Şirkətinin əvvəlcə vitse-prezidenti, sonra isə birinci vitse-prezidenti olub. Ümummilli lider Heydər Əliyevin neft strategiyasının həyata keçirilməsində fəal iştirak edib.
1995-ci və 2000-ci illərdə Azərbaycan Respublikasının Milli Məclisinə üzv seçilib.
1997-ci ildən Azərbaycan Milli Olimpiya Komitəsinin Prezidentidir.
1999-cu ildə Yeni Azərbaycan Partiyası sədrinin müavini, 2001-ci ildə sədrin birinci müavini, 2005-ci ildə isə partiyanın sədri seçilib.
2001-2003-cü illərdə Avropa Şurası Parlament Assambleyasında (AŞPA) Azərbaycan Respublikası Milli Məclisinin nümayəndə heyətinin rəhbəri olub. 2003-cü ilin yanvar ayında isə Avropa Şurası Parlament Assambleyası sədrinin müavini, AŞPA-nın Büro üzvü seçilib.
2003-cü il avqustun 4-də Milli Məclisdə təsdiq edildikdən sonra Azərbaycan Respublikasının Baş naziri təyin olunub. Bununla əlaqədar deputat səlahiyyətlərinə xitam verilib.
İlham Əliyev 2003-cü il oktyabrın 15-də Azərbaycan Respublikasının Prezidenti seçilib. Prezident seçkilərində seçicilərin 76 faizindən çoxu İlham Əliyevin lehinə səs verib.
2004-cü ildə Avropa Şurası Parlament Assambleyasının fəxri üzvü diplomu və medalı ilə təltif edilib.
2008-ci il oktyabrın 15-də keçirilən seçkilərdə seçicilərin 88,73 faiz səsini qazanan İlham Əliyev ikinci dəfə Azərbaycan Respublikasının Prezidenti seçilib.
2013-cü il oktyabrın 9-da keçirilən seçkilərdə isə seçicilərin 84,54 faiz səsini qazanan İlham Əliyev növbəti dəfə Azərbaycan Respublikasının Prezidenti seçilib.
2018-ci il aprelin 11-də keçirilən seçkilərdə də İlham Əliyev seçicilərin 86,02 faiz səsini qazanaraq yenidən Azərbaycan Respublikasının Prezidenti seçilib.
Azərbaycan, rus, ingilis, fransız və türk dillərini bilir.
Evlidir. Üç övladı, beş nəvəsi var.
Təltiflər və fəxri adların siyahısı:
Ordenlər
Rumıniyanın “Rumıniya Ulduzu” ordeni (11 oktyabr 2004-cü il)
Səudiyyə Ərəbistanı Krallığının “Kral Əbdüləziz” ordeni (8 mart 2005-ci il)
Rusiya Federasiyasının Təhlükəsizlik, Müdafiə və Hüquq Qaydası Problemləri Akademiyasının I dərəcəli Aleksandr Nevski ordeni (11 aprel 2005-ci il)
Azərbaycan Respublikasının “Heydər Əliyev” ordeni (28 aprel 2005-ci il)
Rus Pravoslav Kilsəsinin I dərəcəli Müqəddəs Serqi Radonejski ordeni (14 sentyabr 2005-ci il)
Qafqaz Müsəlmanları İdarəsinin “Şeyxülislam” ordeni (22 dekabr 2005-ci il)
Fransa Respublikasının “Fəxri Legionun Böyük Xaç Komandoru” ordeni (29 yanvar 2007-ci il)
Polşa Respublikasının “Xidmətlərə görə” Böyük Xaç ordeni (26 fevral 2008-ci il)
Ukraynanın 1 dərəcəli “Knyaz Yaroslav Mudrı” ordeni (22 may 2008-ci il)
Küveyt Dövlətinin “Mübarək əl-Kəbir” ordeni (10 fevral 2009-cu il)
Latviya Respublikasının “Üç Ulduz” ordeninin “Böyük Xaç Kavaleri” dərəcəsi (10 avqust 2009-cu il)
Rus Pravoslav Kilsəsinin “I dərəcəli Şöhrət və Şərəf” ordeni (24 aprel 2010-cu il)
Rumıniyanın “Sadiq Xidmət” milli ordeninin Böyük Xaç ranqı (18 aprel 2011-ci il)
Rumıniyanın “Sadiq Xidmət” milli ordeni (18 aprel 2011-ci il)
Bolqarıstan Respublikasının “Stara Planina” ordeni (14 noyabr 2011-ci il)
Tacikistan Respublikasının “İsmoili Somoni” ordeni (12 iyul 2012-ci il)
Belarusun “Xalqlar dostluğu” ordeni (28 avqust 2012-ci il)
Türkiyə Respublikasının “Dövlət nişanı” ordeni (12 noyabr 2013-cü il)
Ukraynanın “Azadlıq” ordeni (18 noyabr 2013-cü il)
Fəxri elmi adlar
Moskva Dövlət Beynəlxalq Münasibətlər İnstitutunun fəxri doktoru (7 fevral 2004-cü il)
Lev Qumilyov adına Qazaxıstan Dövlət Avrasiya Universitetinin fəxri professoru və “Qızıl döyüşçü” medalı (1 mart 2004-cü il)
Türkiyənin Qırıqqala Universitetinin fəxri doktoru (25 mart 2004-cü il)
Türkiyənin Bilkənd Universitetinin fəxri doktoru və İhsan Doğramacı adına Dünya Sülh Mükafatı (14 aprel 2004-cü il)
Rumıniyanın Ployeşti Neft-Qaz Universitetinin fəxri doktoru (12 oktyabr 2004-cü il)
Bolqarıstan Milli və Dünya Təsərrüfatı Universitetinin fəxri professoru (23 sentyabr 2005-ci il)
Koreya Respublikasının Kyunq He Universitetinin fəxri doktoru (24 aprel 2007-ci il)
İordaniya Universitetinin fəxri doktoru (29 iyul 2007-ci il)
Macarıstanın Korvinus Universitetinin fəxri doktoru (18 fevral 2008-ci il)
Moskva Dövlət Universitetinin fəxri professoru (21 fevral 2008-ci il)
Taras Şevçenko adına Kiyev Milli Universitetinin fəxri doktoru (22 may 2008-ci il)
Məxdumqulu adına Türkmənistan Dövlət Universitetinin fəxri professoru (28 noyabr 2008-ci il)
Bakı Dövlət Universitetinin fəxri doktoru (2 noyabr 2009-cu il)
Belarus Dövlət Universitetinin fəxri professoru (12 noyabr 2009-cu il)
Tacikistan Milli Universitetinin fəxri doktoru (16 oktyabr 2014-cü il)
Çinin Renmin Universitetinin “Tarix üzrə fəxri professor” diplomu (11 dekabr 2015-ci il)
İdman təşkilatlarının mükafatları
Dünya Taekvondo Federasiyasının 6-cı Dan Qara kəməri və sertifikatı (10 oktyabr 2003-cü il)
Beynəlxalq Güləş Federasiyasının (FİLA) xüsusi mükafatı (3 aprel 2004-cü il)
Beynəlxalq Olimpiya Komitəsinin “Olimpiya” ordeni (19 aprel 2004-cü il)
Avropa Həvəskar Boks Assosiasiyasının xüsusi mükafatı (1 may 2004-cü il)
Beynəlxalq Hərbi İdman Şurasının “Böyük Kordon” Şərəf ordeni (27 may 2005-ci il)
MDB Ölkələri İdman Təşkilatlarının Beynəlxalq Konfederasiyasının Fərqlənmə nişanı (26 sentyabr 2005-ci il)
Beynəlxalq Güləş Federasiyasının (FİLA) “İdman əfsanəsi” medalı (17 sentyabr 2007-ci il)
Belarus Milli Olimpiya Komitəsinin ali mükafatı (26 oktyabr 2007-ci il)
Azərbaycan Milli Olimpiya Komitəsinin “Olimpiya” ordeni (27 dekabr 2007-ci il)
Ümumdünya Karate Federasiyasının Fəxri 9-cu Dan dərəcəsinin diplomu (20 mart 2008-ci il)
Avropa Ədalətli Oyunlar Hərəkatının “Şərəf” nişanı (15 may 2009-cu il)
Beynəlxalq Paralimpiya Komitəsinin ali paralimpiya mükafatı (26 iyun 2015-ci il).
Mən xəbərdarlıq etmişdim. Bəzilərinə dedim ki, hər kəs eşitsin, əyri yolla getsəniz inzibati cəza ən yüngül cəza olacaq. İnzibati cəza ilə iş məhdudlaşmayacaq. Amma bəziləri bəlkə hesab edirdilər ki, onlara aid deyil. Ona görə belə yolverilməz addımlar atdılar. Bu, əslində, dövlətə, dövlət siyasətinə edilən xəyanətdir. Eyni zamanda, belə dəhşətli faktlar aşkarlanır ki, adam vallah heç bilmir nə fikirləşsin.
BAKU.WS-in məlumatına görə, bu barədə Azərbaycan Prezidenti İlham Əliyev yerli jurnalistlərə müsahibəsində deyib.
İlham Əliyev qeyd edib ki, onun təşəbbüsü ilə xüsusilə manatın məzənnəsi aşağı düşəndən sonra bizdə işsizlik meyilləri artıb.
"Bunu mən hiss edirdim, görürdüm. Bəzi adamlar işsiz qaldılar. Nə üçün? Çünki vaxtilə dövlət xətti ilə icra edilən layihələrə onlar cəlb olunurdu. İnvestisiyalar kəskin aşağı düşdü. Biz investisiyaları ixtisar etdik. O layihələr də artıq icra edilmədi, insanlar qaldı küçələrdə. Biz nə etdik? Düzdür, bu, bazar iqtisadiyyatına uyğun deyil. Ancaq bu, düzgün addım idi. Mənim təşəbbüsümlə biz hər rayonda ictimai ödənişli iş yerləri yaratdıq, vətəndaşlara, heç olmasa, minimum əməkhaqqı səviyyəsində məvacib verilsin deyə.
Beləliklə, ölkə ərazisində 40 minə yaxın belə ictimai iş yeri var. O mənada ictimai ki, ictimai işlərlə məşğul olur, haradasa təmizlik işləri, bərpa işlərilə. Bəziləri bağban kimi işləyir. Ödənişli, çünki buna görə maaş alır. Bax, bu maaşı da onlar qıymadılar o kasıb adamlara. O kartları götürüb oradan pul çəkib öz ciblərini doldurdular. Buna nə ad vermək olar? Bu, vicdansızlıqdır. İndi yaxşı, xalqdan qorxmursansa, Allahdan qorx. Belə şey etmək olarmı? Ona görə, bax, bu, onu göstərir ki, bu, məmurun mənəvi deqradasiyasıdır, bu, insanın mənəvi deqradasiyasıdır. Belə məmurlar bizə ləkədir, ölkəmizə ləkədir, iqtidara ləkədir. Hamı bilsin, eşitsin ki, belə hallara qarşı mübarizə daha ciddi aparılacaq. Hamı ibrət götürsün, dərs götürsün, hər kəs üçün dərs olsun.
Dövlət məmuru olmaq istəyirsənsə, vicdanla xidmət et dövlətə. Yox sən dövlət vəzifəsinə gəlir mənbəyi kimi baxırsansa, heç getmə o vəzifəyə. Çünki bədbəxt olarsan. Bunu anlamayanlar, hesab edirəm, anlamalıdırlar ki, yeni dövrdə, yeni çağırışlar qarşısında olan ölkədə başqa cür ola da bilməz. Biz ölkəmizdəki vəziyyəti daha da sağlamlaşdırmalıyıq və xoşagəlməz hallara qarşı mübarizə bundan sonra da aparılacaq. Eyni zamanda, həm mətbuatdan, həm ictimaiyyətdən mən həm dəstək görürəm, həm də ki, onlar mənə bu işdə kömək edirlər".
BAKU.WSVİDEO
Prezident İlham Əliyev "Aztəminatlı ailələrə birdəfəlik yardım göstərilməsi haqqında" sərəncam imzalayıb.
Sərəncamla Dünya Azərbaycanlılarının Həmrəyliyi Günü və Yeni il bayramı münasibətilə 2019-cu il 30 dekabr tarixinə ünvanlı dövlət sosial yardımı alan ailələrin hər birinə 100 manat məbləğində birdəfəlik yardım ödəniləcək.
Birdəfəlik yardımın maliyyələşdirilməsi məqsədilə Azərbaycan Respublikasının 2019-cu il dövlət büdcəsində ünvanlı dövlət sosial yardımı üçün nəzərdə tutulmuş vəsaitdən 7,6 milyon manat ayrılıb.
Bu gün Azərbaycan Prezidenti İlham Əliyev yerli telekanallara ilin yekunları ilə əlaqədar müsahibə verib.
Bu barədə Prezidentin Mətbuat xidmətindən məlumat verilib.
Müsahibə bu gün 20:30-da Azərbaycan Televiziyası ilə yayımlanacaqdır.
Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə təbrik məktubu ünvanlayıb.
"Ölkə.Az"ın xəbərinə görə, məktubda deyilir:
"Hörmətli İlham Heydər oğlu.
Doğum gününüz münasibətilə səmimi təbriklərimi qəbul edin.
Sizin rəhbərliyinizlə Azərbaycan sosial-iqtisadi inkişaf yolunda inamla irəliləyir, beynəlxalq aləmdə mövqelərini möhkəmləndirir. Ölkələrimiz arasında strateji tərəfdaşlıq münasibətlərinin möhkəmlənməsinə Sizin şəxsi töhfənizi çox yüksək qiymətləndiririk.
Bizim aramızda yaranmış etimad və qarşılıqlı anlaşma mənim üçün həqiqətən çox qiymətlidir. Ümidvaram ki, Rusiya və Azərbaycan xalqlarının rifahı naminə birgə səmərəli işimiz davam edəcəkdir.
Hörmətli İlham Heydər oğlu, Sizə möhkəm cansağlığı, xoşbəxtlik, firavanlıq və uğurlar diləyirəm. Ailənizə mənim səmimi salamlarımı çatdırmağınızı xahiş edirəm".
Rusiya Federasiyası Hökumətinin Sədri Dmitri Medvedev Azərbaycan Respublikasının Prezidenti İlham Əliyevə təbrik məktubu ünvanlayıb.
"Ölkə.Az" xəbər verir ki, məktubda deyilir:
“Hörmətli İlham Heydər oğlu.
Doğum gününüz münasibətilə Sizi Rusiya Federasiyasının Hökuməti adından və şəxsən öz adımdan təbrik edirəm.
Rusiya ilə Azərbaycan arasında dostluq və tərəfdaşlıq münasibətlərinin inkişafına Sizin böyük şəxsi töhfənizi qeyd etmək istərdim. Sizin daimi diqqətiniz sayəsində iqtisadi-ticari və investisiya sahələrində qarşılıqlı əlaqələr möhkəmlənir, energetika, sənaye, yüksək texnologiyalar, elm, mədəniyyət və başqa sahələrdə iri müştərək layihələr həyata keçirilir.
Əminəm ki, qarşılıqlı faydalı əməkdaşlıq kompleksinin daha da genişlənməsi, yeni təşəbbüslərin və proqramların həyata keçirilməsi Rusiyanın və Azərbaycanın mənafelərinə tam uyğundur.
Hörmətli İlham Heydər oğlu, Sizə möhkəm cansağlığı, firavanlıq və ali dövləti fəaliyyətinizdə uğurlar diləyirəm”.
Вekabrın 23-də müasir müstəqil Azərbaycanın tarixində növbəti bələdiyyə seçkiləri günüdür.
"Ölkə.Az" xəbər verir ki, Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva səs vermək üçün Bakı şəhərinin 29 saylı Səbail seçki dairəsinin 6 nömrəli orta məktəbdə yerləşən 6 saylı seçki məntəqəsinə gəldilər.
Prezident İlham Əliyev səsvermə otağına daxil olub seçki bülletenini alaraq kabinəyə keçdi və sonra bülleteni qutuya saldı.
Sonra birinci xanım Mehriban Əliyeva və Leyla Əliyeva səs verdilər
Bu gün Azərbaycanda bələdiyyə seçkiləri keçirilir.
Seçkilərdə 13 siyasi partiya iştirak edir, 41800-dək namizəd qeydiyyata alınıb.
Bu namizədlərdə 15 156 nəfər 118 seçki dairəsi üzrə 1606 bələdiyyəyə üzv seçilməlidir.
Səsvermə saat 19:00-da başa çatacaq.
Ağstafa Rayon İcra Hakimiyyətinin başçısı Nizaməddin Quliyevin DTX tərəfindən həbs edilməsi son iki günün ən çox müzakirə edilən olayları sırasındadır. Həyata keçirilən bu əməliyyatın önəm və rolunu artıran əsas məqam isə həbs edilən şəxsin kifayət qədər yüksək vəzifədə təmsil olunması ilə bağlıdır.Xatırladaq ki, bir çox hallarda korrupsiyaya qarşı mübarizənin yalnız xırda məmurlara qarşı yönəldiyi, iri məmurların bu mübarizədən kənarda qaldığı ilə bağlı sosiual şəbəkələrdə, habelə bəzi media orqanlarında zaman-zaman çoxsaylı fikirlər səsləndirilib. Lakin Ağstafa Rayon İcra Hakimiyyəti başçısı ilə bağlı atılan bu addım korrupsiyaya qarşı mübarizə ilə bağlı ölkə başçısının ortaya qoyduğu iradənin kifayət qədər qəti olduğunu, bu məsələdə kimsənin istisnalıq təşkil etmədiyini, habelə DTX-nın ölkə başçısı tərəfindən onun qarşısına qoyulan tapşırıqları yüksək səviyyədə yerinə yetirməyə qadir olduğunu göstərdi.
Moderator.az-a açıqlamasında DTX-nın həyata keçirdiyi son həbslərə münasibət bildirən hüquqşünas Əliməmməd Nuriyev, korrupsiyaya qarşı mübarizədə atılan bu kimi addımların mühüm əhəmiyyət kəsb etdiyini vurğuladı:
“Korrupsiya cinayətlərinə yol verən şəxslərin hansı vəzifədə təmsil olunmalarından asılı olmayaraq, məsuliyyətə cəlb olunması olduqca vacibdir. Korrupsiya mühitini yaradan hallar ortadan qalxmalıdır. Korrupsiya cinayətlərinin qarşısının alınması üçün qabaqlayıcı addımlaırn həyata keçirilməsinə də böyük ehtiyac var. Bununla bərabər, inzibati tədbirlərin həyata keçirilməsi də vacibdir. O şəxs ki, korrupsiya cinayətinə yol verir, mütləq cəzanın labüdlüyü prinsipi təmin olunmalıdır. Həmin şəxs məsuliyyətə cəlb olunmalıdır.
Cənab prezident mesajlarında çox aydın şəkildə bu istiqamətdə tapşırıqlar verib. Doğru-dürüst işləmək, vəsaitlərdən qənaətlə istifadə etmək, sahibkarlara şərait yaratmaq, onlardan hər hansı qanunsuz tələbetmələrə yol verməmək və s. ilə bağlı ciddi mesajlar səsləndirib. Ölkə başçısı bu yöndə qəti və sərt tapşırıqlar verib. Həmçinin, bəyan edib ki, korrupsiyaya qarşı mübarizə bütün sahələrdə güclənəcək.
Bu, həm vəzifəyə yeni təyin edilən, həm də ümumiyyətlə, vəzifədə olan bütün məmurlara aiddir. Ağstafa Rayon İcra Hakimiyyəti başçısı ilə bağlı atılan bu addım ortaya qoyulan iradənin nə qədər qəti və dönməz olduğunu bir kəs daha ortaya qoydu.
Ölkə başçısı öz mesajlarında həm də bildirmişdi ki, qanunsuzluğa yol verən şəxslər keçmişdəki xidmətlərindən asılı olmayaraq cəzalanacaqlar. Bu əməliyyat korrupsiyaya qarşı mübarizənin dərinləşməkdə olduğunu göstərir.
Həbs edilən şəxslər kifayət qədər yüksək vəzifəyə malik şəxslərdir. Bu onu göstərir ki, qanunsuz əməllərə yol verən şəxslərə heç bir güzəşt olmayacaq. Korrupsiyaya qarşı mübarizə sərt və amansız olacaq”.
Ağstafa Rayon İcra Hakimiyyətinin başçısı Nizaməddin Quliyevin korrupsiyada ittiham edilərək həbs edilməsi mediada ciddi müzakirələrə səbəb olmaqdadır.Moderator.az olaraq ADP sədri Sərdar Cəlaloğlu ilə söhbətimizdə məlum faktdan yol alaraq korrupsiyaya qarşı mübarizənin mövcud durumu, bu sahədə daha ciddi nəticələrə nail olmağın yolları və s. kimi məsələlərə aydınlıq gətirməyə çalışdıq.
-Sərdar bəy, bildiyiniz kimi, Ağsatafa Rayon İcra Hakimiyyətinin başçısı korrupsiya ittihamı ilə həbs edildi. Sizcə korrupsiyaya yol verən iri məmurlara qarşı bu cür həbslərin davamlı və sistemli şəkildə həyata keçiriməsi, korrupsiya cinayətlərinin əhəmiyyətli dərəcədə azalmasına səbəb ola bilərmi?
-Korrupsiyan sadəcə korrupsionerə qarşı mübarizə aparmaqla azaltmaq mümkün deyil. Bunun üçün korrupsiya şəraitinin aradan qaldırılması və korrupsiya doğuran vəziyyəti dəyişmək lazımdır. Yalnız bu halda korrupsiyanın azalmasına nail olmaq olar. Bunun isə bir neçə üsulu mövcuddur.
-Bu üsullar hansılardır?
-Bunların biri kadrların yerləşdirilməsində dövlətə və millətə sədaqət prinsipinin rəhbər tutulmasıdır.
Ikincisi, tayfa şəklində hakimiyyətdə təmsil olunmağın qadağan edilməsi ilə bağlıdır. Baxın, Asrafa Rayon İcra Hakimiyyəti başçısının bir övladı məhkəmədə hakimdir, digər oğlu Korrupsiyaya Qarşı Mübarizə İdarəsində çalışır. Yaxın qohumlarını araşdırsanız görəcəksiniz ki, onların da sırasında yüksək vəzifəlkərdə təmsil olunanlar var.
Ümumiyyətlə, bu gün ölkədə yüksək vəzifədə təmsil olunan şəxslərin ətrafına, ailə üzvlərinə nəzər salsanız görərsiniz ki, onların çoxu hakimiyyətdə təmsil olunur. Bu, tayfa prinsipinə əsasən reallaşır. Qohumluq əlaqələri üzrə əvvəlcə dövlətdə bir vəzifə tuturlar, sonra isə tayfa mafiyası yaradırlar.
Azərbaycanda klassik mafiya yoxdur. Azərbaycanda tayfa mafiyası var. Yəni bir tayfa hakimiyyətə gəlir, öz qohum-qardaşlarını hakimiyyətdə yerləşdirir. Daha sonra onlar başlayırlarlar tayfa mafiyası kimi öz maraqlarını həyata keçirməyə. Qohum şəxslərin hakimiyyətdə çoxsaylı təmsilçiliyinə imkan vermək olmaz.
-Qohum şəxslərin hakimiyyətdə geniş şəkildə təmsilçiliyi sizcə hansı problemlərə səbəb olur?
-Əgər hakimiyyətdə hansısa ailə və ya nəsildən sadəcə bir adam təmsil olunursa və hansısa qanunsuzluğa yol verirsə, ona cəza verməklə məsələni həll etmək mümkündür. Lakin bir neçə ailə üzvü və yaxın qohumu hakimiyyətdə təmsil olunan şəxs hansısa qanunsuzluğa yol verəndə, o zaman yalnız ona qarşı cəza tədbiri həyata keçirməklə iş bitmir. Çünki həmin şəxsin qohumları yüksək vəzifələrdə çalışır və mövcud durum həmin şəxslərlə bağlı da hansısa addımlar atmağı tələb edir.
-Korrupsiyaya qarşı mübarizənin effektivliyini artırmaq üçün daha hansı addımların atılması məqsədəuyğun olar?
-Bu yöndə atılacaq üçüncü addım deklorasiya ilə bağlıdır. Heydər Əliyev vaxtiylə Bakıda tikilən villaların sahiblərinin kim olmasının araşdırılmasını tapşırmışdı. Ölkədə bu qədər bahalı maşın və villalar mövcuddur. Hamı bilir ki, Azərbaycanda heç kim halal yoll bu qədər bahalı villa ala və ya tikə bilməz. Hakimiyyət deklorasiya tələb etməli, məmurlardakı bu qədər vəsaitin mənbəyini soruşmalıdır. Deklarasiyanın tətbiqi, bahalı mülklərə sahib olan şəxslərin bu mülkləri necə, hansı yolla əldə etməsi yoxlanılmalıdır.
-Sərdar bəy, həbs edilən məmurlarla bağlı mətbuatda dəfələrlə tənqidi məqalələrin yer aldığı bildirilir. Sizcə korrupsiyaya qarşı mübarizədə medianın imkanlarından da istifadə daha uğurlu mübarizəni təmin edə bilərmi?
-Şübhəsiz. Azərbaycan mətbuatında məmurlarla bağlı yazılan məqalələrə ciddi reaksiya verilməlidir. Icra başçılarının özbaşınalıqları ilə bağlı qəzetlər dəfələrlə yazıb. Vətəndaşların bununla bağlı şikayətləri yer alıb. Hamı bilir ki, icra başçıları dağıntılara, özbaşınalıqlara yol verir. Hətta mən prezident seçkilərində sosial yardımların necə mənimsənilməsini məsələsini qaldırmışdım. Lakin təəssüflər olsun ki, hüquq-mühafizə oranları bu kimi məlumatları işıqlandırdığı üçün ya jurnalisti cəzalandırır, ya da bu məlumatlara reaksiya vermir. Baxın, məgər bu günlərdə həbs edilən məmurlar haqqında qəzetlərdə, saytlarda yazılmayıb ki?
Indi vəzifədə olan icra başçıları, nazirlər haqqında mətbuatda nələr yazılmır? Onların övladları haqqında nələr deyilir? Əgər sən korrupsiyaya qarşı mübarizə aparırsansa, buyur, bu məlumatlardan istifadə et. Camaat sənə kömək edir, bir-bir korrupsiya faktlarını açır. Sən də get tədbir gör. Lakin bizdə çox zaman direktiv əsasında, yuxarıdan verilən göstəriş əsasında işləyirlər.
-Sərdar bəy, dediklərinizdən çıxış edərək belə söyləmək mümkündürmü ki, korrupsiyaya qarşı mübarizə sadəcə fərdlərə qarşı deyil, daha çox bu problemə səbəb olan şəraitə qarşı yönəldilməlidir?
-Korrupsiyaya qarşı mübarizəyə sistem şəklində yanaşmaq lazımdır. Mübarizə yalnız bu şəkildə faydalı ola bilər. Hansısa korupsioneri tutacaqsınızsa, o zaman başqa korrupsionerlər daha gizli və mürəkkəb üsullarla korrupsiya ilə məşğul olacaqlar. Hüquq elmi sübut edir ki, cəzalar ağırlaşdıqca, cinayətlər də təkmilləşir. Indiki halda korrupsionerlərlə mübarizə korrupsiyanın fundamental əsaslarlaa daha elmi şəkildə həyata keçirilməsi ilə nəticələnəcək. Ona görə də biz korrupsiya xəstəliyinə qarşı mübarizə aparmalıyıq. Sadəcə xəstəni müalicə etmək, o deməkdir ki, gələcəkdə bu xəstəliyə başqaları yoluxacaq və problem ortadan qaxlmayacaq.