Pakistan İslam Respublikasında rəsmi səfərdə olan Azərbaycan Respublikasının müdafiə naziri general-polkovnik Zakir Həsənov bu ölkənin Birləşmiş Qərargah Rəisləri Komitəsinin sədri general Nadim Raza ilə görüşüb.

Axar.az xəbər verir ki, bu barədə Müdafiə Nazirliyi məlumat yayıb.

Görüşdən əvvəl rəsmi qarşılanma mərasimi keçirilib. Hər iki ölkənin dövlət himnləri səsləndirildikdən sonra müdafiə naziri general-polkovnik Z.Həsənov fəxri qarovulun önündən keçib.

General N.Raza qonaqları salamlayaraq onları ölkələrində görməkdən məmnunluğunu ifadə edib. Azərbaycan ilə Pakistan arasında dostluq münasibətlərinin xeyli inkişaf etdiyini və yeni mərhələyə qədəm qoyduğunu bildirib.

Dəvətə görə təşəkkürünü bildirən general-polkovnik Z.Həsənov xalqlarımız arasında tarixən dostluq əlaqələrinin olduğunu, bu münasibətlərin digər sahələrdə olduğu kimi ikitərəfli hərbi əməkdaşlığın da inkişafına böyük töhfə verdiyini qeyd edib.

Görüşdə iki ölkə ordularının qoşun növləri arasında əlaqələrin genişləndirilməsi, qarşılıqlı səfərlərin təşkili və əməkdaşlığın daha da inkişaf etdirilməsinin əhəmiyyəti xüsusi vurğulanıb.

Tərəflər Azərbaycan ilə Pakistan arasında hərbi, hərbi-texniki, hərbi təhsil, terrorla mübarizə və təhlükəsizliklə bağlı digər məsələləri müzakirə ediblər.

Kürdəmirdə 20 yaşlı gənci qatar vuraraq öldürüb.

Axar.az Report-a istinadən xəbər verir ki, hadisə rayonun Karrar kəndindən keçən dəmir yolunda qeydə alınıb.

Kənd sakini Elgün Bünyəd oğlu Quliyevi qatar vurub. Ağır bədən xəsarətləri alan E.Quliyev hadisə yerindəcə dünyasını dəyişib. Onun meyiti müayinə olunası üçün Məhkəmə Tibbi Ekspertizası və Pataloji Anatomiya Birliyinin Kürdəmir rayon şöbəsinə aparılıb.

Fakt araşdırma aparılır.

Binəqədi rayonunda 25 evin su sayğacını oğurlayan şəxs saxlanılıb.

Azərbaycanda qəbiristanlıqda ölüm hadisəsi baş verib.

Bakıda yük avtomobili ilə minik maşını toqquşub, 2 nəfər ölüb.

Bakıda evlərdən 5 500 manatlıq oğurluq edilib.