 |
 |
9 saylı Binəqədi ikinci Seçki Dairəsindən VI çağırış Azərbaycan Respublikası Mİlli Məclisinə deputatlığa namizəd Kamaləddin Qafarovun seçicilərlə görüşləri davam edir. K.Qafarov bu gün -20 Yanvar 1990 –cı il hadisələrinin 30 illiyi günü Binəqədi rayonu ərazisində yaşayan, bədnam sovet imperiyasının təpədən dırnağadək silahlanmış işğalçı qüvvələrinin paytaxtımızda dinc əhaliyə hücum çəkərkən zərər görmüş insanların ailələrini ziyarət edib.
Rayonun Xutor qəsəbəsində yaşayan Nənəbəyim Quliyevanın 1990-cı il yanvarın 19-dan 20-nə keçən gecə baş verən qırğın zamanı 3 oğlu şəhərin müxtəlif ərazilərində işğalçılarla üzbəüz qalıb. Onlardan ikisi sonralar qayıdıb gəlsə də, üçüncü oğlu Bəxtiyarı iki gün nə həlak olanların, nə də sağ qalanların içərisində tapmaq olub. Yalnız qırğından 3 gün sonra onu ağır yaralanmış halda meyitlərin arasından tapıb çıxarıblar. Kürəyindən ağır güllə yarası almış Bəxtiyar Hüseynov 11 il I qrup əlil kimi həyat mücadiləsi etsə də, 2001-ci ildə bu dünyaya gözlərini əbədi yumub.
Kamaləddin Qafarovun şəhidin qohumları və əzizləri görüş zamanı o məşum günlər bir daha xatırlanıb. Vətən uğrunda canından keçən cəsur, mərd insanlar böyük ehtiram və rəğbətlə yad edilib. K.Qafarov dövlətimizin, ölkə Prezidenti İlham Əliyev cənablarının 20 Yanvar şəhidlərinin ailələrinin maksimum qayğı və diqqətlə əhatə olunması istiqamətində atılmış mühüm addımlardan ətraflı bəhs edib. Xalqımızın, hökumətimizin şəhidlərin xatirəsinin bundan sonra da daim uca tutacağına əmin olduğunu xüsusi vurğulayan K.Qafarov şəhid ailəsinin güzaranı və qayğıları ilə maraqlanıb.
Şəhid anası N.Quliyeva ailələri üçün ağır və kədərli gündə dərdlərini onlarla birlikdə bölüşdüyünə, oğlunun xatirəsinə göstərdiyi ehtirama görə K.Qafarova öz razılığını bildirib.
Binəqədi rayonunun 22-ci Dağlıq küçəsinin sakini , II qrup 20 Yanvar əlili Soltan Xəlilov üçün parlamentə növbəti çağırış deputat seçilmək üçün namizədliyini irəli sürmüş Kamaləddin Qafarovun 20 Yanvar günü onun yaşadığı evə gəlməsi çox gözlənilməz olub. 80 yaşlı əmək veteranı K.Qafarovu səmimiyyətlə qarşılayıb, dövlətin onlar üçün nəzərdə tutduğu imtiyazların genişləndiyini və son dövrdə sosial vəziyyətlərinin xeyli yaxşılaşdığını qeyd edib. Pensiyaların, maaşların, imtiyazların xeyli artdığını razılıqla vurğulayıb.
Kamaləddin Qafarov 20 Yanvar hadisələrinin xalqımızın milli-azadlıq hərəkatı tarixində çox önəmli bir yer tutduğunu bildirərək, gələcək nəsillərin də bu tarixi hadisəyə adekvat münasibət göstərəcəklərinə inam ifadə edib. O, göstərib ki, 20 Yanvar şəhidləri və qazilərinin hünəri ölkəmizin qanuni milli qürur və iftixar mənbəyidir.
Səmimi çay süfrəsi arxasında keçən görüş zamanı S.Xəlilovun qayğı və problemləri, onların aradan qaldırılması məsələləri geniş müzakirə olunub. Kamaləddin Qafarov 20 Yanvar faciəsinin qurbanlarının və qazilərinin ailələrinin problemlərinin həll edilməsinin dövlətimizin bütün strukturlarınun diqqət mərkəzində dayandığını və prioritet bir məsələ olduğunu qeyd edib.
Birinci vitse-prezident Mehriban Əliyeva rəsmi İnstaqram səhifəsində 20 Yanvar faciəsinin 30-cu ildönümü ilə bağlı paylaşım edib.
Paylaşımda deyilir:
"20 yanvar 1990-cı il Azərbaycanın tarixinə ən faciəli günlərdən biri kimi daxil olub. 30 il bundan əvvəl xalqımızın qəhrəman oğul və qızları azadlıq və Vətənimizin istiqlaliyyəti uğrunda canlarından keçərək şəhidlik zirvəsinə ucalmışlar. Ümumxalq Hüzn Günündə 20 Yanvar faciəsinin günahsız qurbanlarının əziz xatirəsini ehtiramla yad edir, bütün şəhidlərimizə Allahdan rəhmət diləyirəm".
Prezident İlham Əliyev və birinci xanım Mehriban Əliyeva yanvarın 20-də - Ümumxalq Hüzn Günündə Şəhidlər xiyabanında 20 Yanvar şəhidlərinin xatirəsini yad ediblər.
Dövlət başçısı “Əbədi məşəl” abidəsinin önünə əklil qoyub.
Müdafiə Nazirliyinin əlahiddə nümunəvi hərbi orkestrinin ifasında Azərbaycan Respublikasının dövlət himni səslənib.
Dövlət və hökumət rəsmiləri, respublikamızdakı dini icmaların başçıları, xarici ölkələrin Azərbaycandakı səfirləri, beynəlxalq təşkilatların nümayəndələri də şəhidlərin əziz xatirəsini yad ediblər.
Şəhidlər xiyabanının ziyarət olunması mərasimində Baş Nazir Əli Əsədov, Milli Məclisin sədri Oqtay Əsədov və Prezident Administrasiyasının rəhbəri Samir Nuriyev iştirak ediblər.
Ürəyimizin adamı, loğmanı, allahı demək daha doğru olar bu gözəl mütəxəssis üçün,
SOCAR-ın I vitse-prezidenti, akademik Xoşbəxt Yusifzadə 60 il arzusunda olduğu Pirşağı elektrik qatarının sərnişini olaraq Bakı Dəmir Yolu stansiyasından qəsəbəyə gedib.
"Qafqazinfo" xəbər verir ki, bu gün gerçəkləşən səyahətdə REAL TV-nin rəhbəri Mirşahin Ağayevin yolboyu X.Yusifzadə ilə söhbəti lentə alınıb.
Qeyd edək ki, Xoşbəxt Yusifzadə 90 illik yubileyində xatirələrini bölüşərkən illər əvvəl Pirşağıya "elektriçka" çəkilməsinin arzusunda olduğunu bildirmişdi.
93 saylı Bərdə seçi dairəsindən namizədliyini irəli sürən Xəyalə Əhmədova, fevralın 9-da keçiriləcək Azərbaycan Respublikası Milli Məclisinə seçkilərlə bağlı təbliğat-təşviqat prosesinə start verib.
Xəyalə Əhmədova komandası ilə bərabər ilk olaraq Ulu Öndər Heydər Əliyevin büstünü ziyarət ediblər.
Daha sonra təbliğatının ilk günündə namizəd öz komandası ilə birgə Mehdixanlı, Tağılar, Nağılar, Umudalılar kəndlərinin seçiciləri ilə görüş keçirib. Xəyalə Əhmədova seçicilərin problemlərini dinləyərək onlara lazımı məsələlərdə diqqət və qayğının göstərilməsinə çalışacağını söz verib.
Mərkəzi meydanda toplaşan sakinlər öz namizədlərini bayraqlarla qarşılayaraq ona böyük etimad göstəriblər. Təbliğat kampaniyası uğurla həyata keçirilib.
Tədbiri əks etdirən video və fotoşəkilləri izə təqdim edirik:
Yeni Azərbaycan Partiyasının 78 saylı Lerik seçki dairəsindən deputatlığa namizəd
Yeni Azərbaycan Partiyasının 78 saylı Lerik seçki dairəsindən deputatlığa namizəd İqbal Nəriman oğlu Məmmədovun təbliğat kompaniyası çərçivəsində rayonun Qosmalian və Kələxan inzibati ərazi vahidlərində yaşayan seçicilərlə görüşü keçirilib.
Tədbiri giriş sözü ilə açan partiyanın Lerik rayon təşkilatının sədri Cəlil Baxşıyev deputatlığa namizəd İ.Məmmədov barədə geniş məlumat verib.
Qeyd olunub ki, YAP-ın bu seçkilərdə də irəli sürdüyü 123 namizədin hamısı Milli Məclisdə seçicilərimizi təmsil etməyə layiq olan partiya üzvləridir. Əminik ki, 09 fevral tarixində seçicilərimiz İlham Əliyevin sədri olduğu Yeni Azərbaycan Partiyasının 78 saylı Lerik seçki dairəsindən deputatlığa namizədi İqbal Nəriman oğlu Məmmədova səs verəcəklər.
Deputatlığa namizəd İqbal Məmmədov çıxışında Prezidenti İlham Əliyevin Milli Məclisə seçkilərdə partiya sıralarından namizədliyi irəli sürülmüş şəxslərə böyük etimad göstərdiyini bildirib və qeyd edib ki, aktiv təbliğat kampaniyası keçirib qələbə qazanmaqla bu etimadı doğrultmağa çalışacaq.
Lerik rayonu Respublikanın ən sürətlə dəyişən və yenilənən rayonu olduğunu deyən namizəd abadlıq və quruculuq işlərinin davam edəcəyini və seçiləcəyi tədqirdə millət vəkili olaraq bu prosesə hər cür dəstək və kömək göstərməyə hazır olduğunu söyləyib.
İ.Məmmədov qeyd edib ki, partiya rəhbərliyi tərəfindən onun qarşısına seçicilərin rəğbətini qazanmaq, seçkilərdə qələbə çalıb sıravi vətəndaşlara xidmət etmək vəzifəsi qoyulub.
Çıxış edən seçicilər, kənd ağsaqqalları, ziyalıları birmənalı olaraq bildirdilr ki, 09 fevralda seçki məntəqələrinə gələrək Yeni Azərbaycan Partiyasının namizədi İqbal Məmmədova səs verəcəklər.
93 saylı Bərdə Seçki Dairəsindən Deputatlığa namizəd Xəyalə Əhmədova: “İmza toplama ərəfəsində həmkəndlilərimdən özümə qarşı çox böyük sevgi və inam gördüm və bu atdığım addımda güvənimi daha da artırdı”.