Son xəbərlər

İşlərinizi təcrübəli peşəkarlara həvalə edin

Baxış sayı: 25973

Eviniz hazırdır? Tikinti işlərini tamamlamısız? Onda qapı-pəncərələri, ardınca da mebelləri sifariş etməyin tam vaxtıdır. Əlbəttə ki, bu zaman ilk növbədə müraciət edəcəyiniz istehsal müəssisəsini düzgün seçmək lazımdır. Çünki yalnız düzgün seçim etdiyiniz halda alacağınız məmulatların həm keyfiyyətinə, həm də estetik gözəlliyinə zəmanət əldə edə bilərsiz. Buna görə də biz sizə Sabunçu rayonunda fəaliyyət göstərən “Taxta emalı müəssisəsi”nə müraciət etməyi tam məsuliyyətlə tövsiyyə edirik. Müəsisə 2-ci Zabrat dairəsindən Maştağa qəsəbəsinə gedən yolun üzərində, “Louvre Palace” şadlıq evindən 100 metr irəlidə yerləşir.
Böyük təcrübəyə malik, peşəkar ustaların çalışdığı bu müəssisədə sizə zövqünüzə və tələblərinizə uyğun xidmətlər göstəriləcək. Burada siz müxtəlif növ ağaclardan emal olunmuş taxtalardan hazırlanan istədiyiniz məhsulu əldə edə biləcəksiniz. Müəssisədə mövcud kataloqlardan seçim etməklə və ya evinizin dizayn və ölçülərinə uyğun layihələndirilməklə aşağıdakı məhsulları sifariş edə bilərsiz:

- Mətbəx mebellərini;
- Yataq otağı mebellərini;
- Bağ evi mebellərini;
- Mənzil və ya fərdi evlər üçün taxta qapı və pəncərələr;
- Taxtadan hazırlanmış daxili pilləkənlər.

Həmçinin müəssisədə iaşə obyektləri üçün stol və stullar, müxtəlif təyinatlı taxtadan hazırlanmış məmulatlar istehsal olunur, taxta-dekor işləri həyata keçirilir. Sizə təqdim etdiyimiz “Taxta emalı müəssisəsi”nin digər müəssisələrdən üstün cəhətləri isə bunlardır:

- Müəssisənin aparıcı ustaları bu sahədə 20 illik təcrübəyə sahibdirlər;
- İstehsal üçün əsasən xarici xammaldan istifadə olunur;
- İstehsal prosesi ilkin emaldan başlayaraq son rəhgləmə və laklama prosesinə qədər müəssisənin özünün sex və laboratoriyalarında həyata keçirilir;
- İşlər ən qısa müddətdə, mükəmməl şəkildə tamamlanaraq sifarişlər müştəriyə tam zəmanətlə təhvil verilir;
- Ünvana çatdırılma və quraşdırma pulsuzdur.

Əminliklə müraciət edin:

(070) 808-06-00; (055) 613-56-61 – Mətləb usta
 

“Mirzə Fətəli Axundzadə – 210” adlı sərgi olub

Baxış sayı: 10197

Bu il Azərbaycan dramaturgiyasının banisi, böyük mütəfəkkir, yazıçı-dramaturq, filosof, ictimai xadim Mirzə Fətəli Axundzadənin anadan olmasının 210 illik yubileyi tamam olur. SİA xəbər verir ki, M.F.Axundzadə bütün həyatı boyu doğma vətəninin və xalqının tərəqqisi yolunda yorulmadan çalışaraq yeni dövrün irəli sürdüyü mühüm elmi, mədəni və ictimai-siyasi məsələlərə daim fəal münasibət ifadə edən və zamanın qabaqcıl ideyalarından bəhrələnməyə çağıran yaradıcılığı ilə Azərbaycan mədəniyyətinin inkişafı tarixində parlaq səhifə açmışdır.

M.F.Axundzadənin realist sənətkar, dramaturgiyamızın banisi, şair və nasir kimi ədəbiyyatımızın inkişafında müstəsna xidmətləri vardır. O, bədii yaradıcılığa 1837-ci ildə yazdığı “Puşkinin ölümünə Şərq poeması” ilə başlamışdır. Dram sənətinin incəliklərini dərindən öyrənən ədib 1850-1855-ci illərdə altı komediya yazmaqla ədəbiyyatımızda dramaturgiyanın əsasını qoymuşdur.

2010-cu ildə aprel ayının 13-də AzərbaycanRespublikasının Prezidenti cənab İlham Əliyev Mirzə Fətəli Axundzadənin 200 illik yubileyinin keçirilməsi haqqında Sərəncam imzalamışdır. Xatirəsinin əbədiləşdirilməsi məqsədilə 1930-cu ildə bağ salınmış (indiki Səbail rayonunda - heykəltəraş P.Sabsay) və heykəli qoyulmuşdur. 1939-cu ildə Azərbaycan Dövlət Kitabxanasına (indiki Azərbaycan Milli Kitabxanası)M.F.Axundzadənin adı verilmiş, 1962-ci ildə orada büstü (heykəltəraş İ.Zeynalov) qoyulmuşdur.

M.F.Axundzadənin anadan olmasının 210 illik yubileyi münasibətilə görkəmli dramaturqun adını daşıyan Azərbaycan Milli Kitabxanasının əməkdaşları tərəfindən “Mirzə Fətəli Axundzadə– 210” adlı virtual sərgi hazırlanıb. Virtual sərgidə Azərbaycan dramaturgiyasının banisi Mirzə Fətəli Axundzadə haqqında rəsmi sənəd, fotolar, böyük mütəfəkkirin müəllifi olduğu kitablar, eləcə də haqqında yazılan məqalələr nümayiş olunur.

Virtual sərgi ilə tanış olmaq istəyənlər http://anl.az/el/vsb/M_F_Axundzade_210/index.htm linkindən istifadə edə bilərlər.