 |
 |
Yəni, bu ünvanda bir nəfər bir kimsədən soruşmur ki, bu qadın kim idi, kiminlə gəldi, kiminlə də getdi? Məlumdur ki, Naftalan şəhəri Azərbaycan Respublikasının qərb bölgəsində yerləşir və bu şəhər dünya əhəmiyyətli unikal müalicəvi kurortlarının, yeganə müalicəvi naftalan neftinin varlığı və s. ilə digər ərazilərdən tamamilə fərqlənir. Düzdür, Naftalanın əhatə etdiyi ərazilərdə neçə-neçə sanatoriyalar fəaliyyət göstərir ki, onlarla bağlı gecə-gündüz geninə-boluna təbliğat işləri aparılır, reklam lövhələrində “bəy tərifləri” nümayiş etdirilir. Əslində həmin sanatoriyaların çoxunda yaşanan mənzərə tamam fərqli formadadır. Çünki, belə bir atalar məsəli var: “Yüz eşitməkdənsə bir görmək yaxşıdır”. Bəli, Naftalan şəhəri ərazisində fəaliyyət göstərən sanatoriyalarda gözlərimizlə gördüklərimizə, qulaqlarımızla eşitdiklərimizə, dost-tanışların danışdıqlarına mat-məəttəl qaldıqdan sonra o halda dərk etdik ki, səndemə həmin müalicə müəssisələrində minbir hoqqalara qol qoymaq, sanki adi məişət məsələlərindən birinə çevrilib. Belə ki, isti yay günlərində müalicə müəssisələrinin tam əksəriyyəti, açıq-aşkar şəkildə əxlaqsızlıq ünvanları olaraq fəaliyyət göstərirlər. Belə biabırçı mənzərəyə, baş alıb gedən hər cür çirkin əməllərin varlığına isə, cənab Zaur Bədəlovun rəhbərlik etdiyi Naftalan ŞPŞ-nin əməkdaşları seyrçi münasibət bəsləməkdə davam edirlər. Amma, onlar o halın varlığını unudurlar ki, sanatoriyalarda baş alıb gedən hər cür çirkin işlərə görə ŞPŞ-nin rəhbərliyi və əməkdaşları böyük məsuliyyətin daşıyıcılarıdırlar. Yaşanan olayların varlığını təhlil edib belə qənaətə də gəlmək olar ki, cənab Zaur Bədəlovun rəhbərlik etdiyi Naftalan ŞPŞ-nin əməkdaşları, ya onlara həvalə olunmuş vəzifəni yerinə yetirmək istəmirlər, ya da ki, yerinə yetirməyi bacarmırlar. Bir sözlə, belə bir ünvanlarda vəziyyətin iyrənc həddə gəlib çatmasında ŞPŞ-i rəhbərliyinin, bir çox əməkdaşlarının, ələlxüsus ərazi üzrə fəaliyyət göstərən sahə müvəkkilinin də üzərinə böyük məsuliyyət yükü düşür. Bəli, bütün bunların hər biri ayrıca bir söhbətin mövzusudur.
Məsələn, adicə bir faktı qeyd edək ki, Naftalan şəhəri ərazisində fəaliyyət göstərən “Sehrli Naftalan” müalicə müəssisəsində heç bir mühafizə xidməti yoxdur və bu sanatoriyada çəkiliş işlərini həyata keçirən kameralar quraşdırılmayıb. Belə bir səbəbdən də, bu ünvanda hər cür əxlaqsızlıq əməlləri baş alıb getməkdədir. Yəni, “Sehrli Naftalan” müalicə müəssisəsində müalicə olunan və əxlaqsızlıq əməllərinə həvəsi olan kişilər, bu sanatoriyanın həyət-bacasında dövrə vuran, “məxməri baxışlar”ı ilə hər kəsi özünə cəlb etməyi bacaran qadınları istədikləri vaxtda qaldıqları otaqlara aparırlar, az sonra da minbir hoqqalardan çıxırlar. Söz yox ki, onlar belə bir məqsədlərini müəyyən məbləğ pulun qarşılığında həyata keçirirlər. Yəni, bu ünvanda bir nəfər bir kimsədən soruşmur ki, bu qadın kim idi, kiminlə gəldi, kiminlə də getdi? Bir sözlə, “Sehrli Naftalan” müalicə müəssisəsi, əslində müalicə müəssisəsi deyil, ən böyük əxlaqsızlıq ünvanı olaraq fəaliyyət göstərməkdədir. Qeyd edək ki, belə bir biabırçılıqlarla bağlı DİN-nin Mətbuat xidmətinin Gəncə regional qrupunun baş inspektoru, polis baş leytenantı Eşqin Qasımova məlumat versək də o, “Mən həm xəstəyəm, həm də hal-hazırda məzuniyyətdəyəm, buna baxmayaraq lazımi araşdırma aparıb sizə bu barədə məlumat verəcəyəm” vədini verdi. Amma, Eşqin Qasımov növbəti dəfə telefon zənglərimizdən heç birinə cavab vermədi. Diqqət yetirək ki, isti yay günlərində ölkəmizin ərazisində fəaliyyət göstərən bir çox sanatoriyalara, o cümlədən “Sehrli Naftalan” müalicə müəssisəsinə də həm yerli, həm də əcnəbi vətəndaşlar üz tuturlar. Faktdır ki, onlar belə bir ünvanlarda yaşanan hər cür biabırçılıqları öz gözləri ilə görür və lazımi təsəvvürlərini də formalaşdırırlar. O halda sual oluna bilər ki, görəsən həmin şəxslər bizim ölkəmiz haqda nə düşünürlər?
Son vaxtlar ölkəmizin bütün ərazisində insan alverinə və əxlaqsızlıq yuvalarının saxlanmasına qarşı ciddi mübarizə tədbirləri həyata keçirilsə də, bu gün Bakı şəhəri ərazisində bir neçə əxlasızlıq yuvası var ki, onlardan biri də Bakı şəhəri, Xətai rayonu, Babək prospektindəki “Dalğa” otelidir. Düzdür, indiyə kimi bu ünvanda çoxsaylı qanunsuzluq halları aşkarlanaraq ifşa olunub, bu obyektlə bağlı müvafiq tədbirlər də görülüb. Bütün bunlara baxmayaraq, yenə də “Dalğa” – istirahət mərkəzində oxşar problemlər yaşanmaqdadır. Faktdır ki, bu cür obyektlərdən gələn bəlaların cəmiyyətdə hansı fəsadları törətməsi dəfələrlə müzakirə olunub. Belə ki, bir çox dəri-zöhrəvi və yoluxucu xəstəliklər və s. məhz bu tip obyektərdən yayılmağa başlayır. Belə obyektlər isə, çox zaman hanısa yüksək çinli məmurların himayəsində olur. Müxtəlif mənbələrdən redaksiyamıza bu obyektin fəaliyyəti ilə bağlı xeyli məlumatlar daxil olub. Daxil olan məlumatlarda bildirilir ki, “Dalğa” otelində təxminən 25-30 otaq var ki, burada xidmətçilərin çoxunu azyaşlı qızlar təşkil edirlər. Ən əsası isə, buraya gələnlər hər şeyi öz gözləri ilə açıq-aşkar şəkildə görə bilirlər. Obyekt sahibi Sadiq adlı şəxs bir kimsədən çəkinmədiyini bildirir və bu əxlaqsızlıq yuvasında qiymətlər 30-40-50-60 AZN arasında dəyişir. “Dalğa” – otelinə girişin sol tərəfində “Dalğa Club” fəaliyyət göstərir. Vaxtilə bu məkan bir neçə dəfə bağlansa da, çox keçməyib ki, yenidən fəaliyyət göstərməyə başlayıb. Ətraf ərazidə yaşayan sakinlər bildirirlər ki, gecələr burada səs-küydən, dava-dalaşdan qulaqlar tutulur. Gecələr adı çəkilən bu fahişəxanada çalışan qızların sayı çox olsa da, gündüzlər cəmi 2-3 nəfər qız olur. Qeyd edək ki, mənbəmiz bu obyektə himayədarlıq edən məmurun adını bizə bildirib.
Düzdür, bu gün Xətai rayonu ərazisində neçə-neçə əxlaqsızlıq ünvanları olsa da, həmin ünvanlar içərisində “Dalğa”nın adı daha çox məşhurdur. Çünki, bu ünvanda gün ərzində xeyli sayda “müştəri” qəbul olunur və hər gün bu obyektdə xalqımıza məxsus əxlaqımız, milli-mənəvi dəyərlərimiz bilərəkdən tapdaqlar altına atılır. Bütün bunların kökündə, adı çəkilən bu ünvanda yaş həddindən asılı olmayaraq qadınların cinsi istismara məruz qalmaları üçün lazımi şəraitin olmasıdır. Xoşagəlməz hal odur ki, “Dalğa” adı ilə məşhur olan bu ünvan sadə sakinlərin məskunlaşdıqları əraziyə yaxın yerdə fəaliyyət göstərir ki, bu da onların haqlı narazılığına səbəb olur. Faktdır ki, bugünə kimi neçə-neçə sakinlər redaksiyamızla əlaqə saxlayıb yaşananlara kəskin iradlarını bildirmişlər və obyekt rəhbərliyinin əxlaqımızı, milli-mənəvi dəyərlərimizi tapdaqlar altına atdığını da vurğulamışlar.
Bəli, hal-hazırda yaşadığımız cəmiyyətin deqradasiyaya uğramasında, gənclərimizin minbir xəstəliyin daşıyıcısına çevirilməsində, əxlaqımızın, mənəviyyatımızın korlanmasında, azyaşlıların tərbiyəsinin pozulmasında və s. adı çəkilən bu ünvanın da müstəsna rolu var. Baxmayaraq ki, belə bir ünvanların fəaliyyət göstərmələrinə qarşı, yəni qadınların cinsi istismarı və cinsi istismarına şəraitin yaradılmasının qarşısının alınması məqsədilə yeni “Milli Fəaliyyət Planı” da imzalamışdır. Qəbul olunmuş “Milli Fəaliyyət Planı”nda insan alverinin səbəbləri, ona şəraitin yaradılması, hallarının müəyyən edilməsi və aradan qaldırılması, insan alveri qurbanlarının hüquqlarının bərpası və sosial reablitasiyasının həyata keçirilməsi nəzərdə tutulur. Bütün bunlar qəbul olunmuş sənəddə öz əksini tapsa da, nədənsə Sadiq adlı şəxsin sahiblik etdiyi bu obyektdə və əraziyə cavabdehlik daşıyan hüquq-mühafizə orqanı əməkdaşlarının əməllərində, irəli sürülən tələblərə əməl olunmadığı açıq-aşkar görünür. Axı, hər kəs qanuna, onun aliliyinə hörmət etməli, necə deyərlər şərəfli vətəndaş borcunu yerinə yetirməlidir. Görəsən sahiblik etdiyi obyektdə qadınların cinsi istismarına şərait yaratmaqla, vergidən yayınmaqla, gigiyenik qaydalara əməl etməməklə, hətta obyektdə çalışan işçilərlə əmək müqaviləsi bağlamadan, daha çox isə milli-mənəvi əxlaqımızı tapdaq altına atmaqla, Sadiq adlı şəxsin və onun arxasında dayanan “möhkəm əl”in yerinə yetirdiyi “şərəfli vətəndaş” borcu budurmu? Gəlin bu haqda düşünək, belə bir olaylar haqda götür-qoy edək.
Mövzuya qayıdacağıq.
Dövlət sərhədində Ermənistan silahlı qüvvələrinin genişmiqyaslı təxribatının qarşısını alan zaman yaralanan hərbçilərimiz ziyarət olunublar.
Mərd oğullarımızın ailələrinin qayğıları ilə maraqlanılır və mütəmadi olaraq əlaqə saxlanılır. Ailə üzvləri onlara, övladlarına göstərilən yüksək diqqət və qayğıya görə Prezident, Ali Baş Komandan İlham Əliyevə dərin minnətdarlıqlarını bildirirlər.
Məlumat üçün qeyd edək ki, Ağstafa rayonundan olan beş nəfər yaralı hərbi qulluqçumuzdan birinin müalicəsi yaşadığı ünvanda, dördünün müalicəsi isə Bakı şəhərində yerləşən tibb müəssisələrindən birində davam etdirilir.
Vətən üçün döyüş meydanında sücaət göstərərək yaralanan qəhrəman hərbçilərimizin yüksək səviyyədə müalicəsi üçün dövlətimiz tərəfindən bütün zəruri tədbirlər icra olunur. Onların hər birinin sağlığına qovuşması üçün gecə-gündüz səy göstərən peşəkar həkimlərimizin sayəsində tez bir zamanda şəfa tapmasını diləyirk!
Şəhid gizir Muradov Seyfəddin Mahmud oğlunun şəhadətə ucalmasının yeddinci günündə Böyük Kəsik kəndindəki doğma evində anım mərasimi keçirilib
09.09.1993-cü ildə Ağstafanın Böyük Kəsik kəndində anadan olan Seyfəddin Muradov evli idi. Şəhidimizin özündən sonra bir oğul və bir qız övladı yadigar qaldı.
Allah şəhidlərimizə rəhmət eləsin!
Ölkəmizdə Şəhid ailələri və Vətən müharibəsi iştirakçılarına dəstək davam edir
Aşağı Kəsəmən kəndindən olan şəhidimiz, əsgər Omarov Eşqin Nəsib oğlunun 3 mərasimində doğma evində ailəsi ziyarət olunub, əziz xatirəsi ehtiramla yad edilib
Eşqin Omarov 10.07.2003-cü ildə Ağstafanın Aşağı Kəsəmən kəndində dünyaya göz açıb. Dostları və yaxınları Eşqin haqqında xatirələrini bölüşərkən onun Vətəninə sonsuz məhəbbətini, elinə-obasına daim bağlı olmasını xüsusi ilə vurğulayırlar.
Allah şəhidlərimizə rəhmət eləsin!
Aşağı Kəsəmən kəndindən olan şəhidimiz Eşqin Nəsib oğlu Omarovla doğma evində vida mərasimi keçirilib, kənd qəbirtsanlığında izdihamla torpağa tapşırılıb
Vətən oğlunun məzarı önünə əklilllər qoyulub, üzərinə gül dəstələri düzülüb, şəhidlərimizin ruhuna dualar oxunub. Şəhidin tabutu üzərinə örtülmüş üçrəngli Azərbaycan bayrağı atasına təqdim edilib.
Məlum olduğu kimi sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib. Silahlı Qüvvələrimiz düşmənin hərbi təxribatına qarşı şücaət və yüksək peşəkarlıq nümayiş etdirərək şəhidlərimizin intiqamını layiqincə alıb
Xarici işlər naziri Ceyhun Bayramov BMT Baş Assambleyasının 77-ci sessiyasının yüksək səviyyəli həftəsində iştirakı çərçivəsində Finlandiyanın xarici işlər naziri Pekka Haavisto ilə görüşüb.
Ermənistanın Baş naziri Nikol Paşinyan və digər dövlət rəsmiləri Erablur hərbi panteonunu tərk etdikdən sonra qoyduqları əklillər ölən əsgərlərin valideynləri tərəfindən atılıb.
Türkiyə ordusunun hərbçisi şəhid olub.
Ərazi bütövlüyümüzə təhdid olacağı təqdirdə nüvə silahından istifadə edəcəyik.
KTMT vasitəsilə Azərbaycanla Ermənistan arasında gərginliyin azaldılması istiqamətində tədbirlər görülür.
14:42
Prezident İlham Əliyev Şərqi Zəngəzur iqtisadi rayonuna daxil olan Cəbrayıl rayonunun işğaldan azad olunmuş Şükürbəyli kəndinin layihələndirilməsi və tikintisi işləri ilə bağlı tədbirlər haqqında sərəncam imzalayıb.
Məşhur Məmmədov
Milli Məclisin deputatı
Prezident İlham Əliyevin Özbəkistanın Səmərqənd şəhərində sentyabrın 15-16-da keçirilən Şanxay Əməkdaşlıq Təşkilatının (ŞƏT) Zirvə görüşünə dəvət edilməsi dövlətimizin başçısının dünya miqyasında nüfuzunun və ölkə rəhbərinə göstərilən yüksək ehtiramın təzahürüdür.
Səmərqənddə Azərbaycan Prezidenti İlham Əliyev Çin Xalq Respublikasının Sədri Si Cinpin, Pakistanın Baş naziri Şahbaz Şərif və Rusiya Prezidenti Vladimir Putinlə görüşlərində bu ölkələrlə müxtəlif istiqamətlərdə əlaqələrin dərinləşdirilməsinə və daha da inkişafı üçün birgə səylərin bundan sonra da davam etdirilməsinə maraqlı olduğunu bildirib, həmçinin sentyabrın 12-13-də Ermənistan–Azərbaycan sərhədi zonasında təxribatla bağlı ölkəmizin qəti mövqeyini, sülh siyasətinə sadiqliyini diqqətə çatdırıb.
Səmərqənddə Şanxay Əməkdaşlıq Təşkilatına üzv ölkələrin sentyabrın 16-da keçirilən sammitinin geniş tərkibdə iclasında çıxış edən Prezident İlham Əliyev həmkarlarına Azərbaycanın tranzit və nəqliyyat-logistika imkanları barədə ətraflı məlumat verib. Dövlətimizin başçısı respublikamızın Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin işə düşməsində fəal iştirakından danışaraq, Azərbaycanın öz fəaliyyətini beynəlxalq hüquqa, ədalətə və qlobal təhlükəsizliyə əsaslanaraq həyata keçirməkdə davam edəcəyini qeyd edib.
Prezident İlham Əliyevin qeyd etdiyi kimi, 2020-ci ilin sonunda Qarabağ münaqişəsinin həlli regionda nəqliyyat-kommunikasiya layihələrinin inkişafı üçün yeni imkanlar yaradıb. Zəngəzur dəhlizi açıldıqdan sonra əməkdaşlıq edən ölkələrin nəqliyyat imkanları artacaq və marşrut boyu yerləşən bütün dövlətlər üçün faydalı olacaqdır.
Son 20 ildə Azərbaycanda 19 min kilometr avtomobil yolunun, 1400 kilometr dəmir yolunun tikildiyini və ya əsaslı təmir edildiyini bildirən dövlətimizin başçısı qeyd edib ki, tarixi qələbədən sonra işğaldan azad edilən ərazilərdə minlərlə kilometr avtomobil yolu və yüzlərlə kilometr dəmir yolu çəkilib.
2020-ci ilin sonunda Qarabağ münaqişəsinin həlli regionumuzda nəqliyyat-kommunikasiya layihələrinin inkişafı üçün yeni imkanlar yaradıb. Zəngəzur dəhlizi açıldıqdan sonra bu, region ölkələrinin nəqliyyat imkanlarını daha da artıracaq və marşrut boyu yerləşən bütün ölkələr üçün faydalı olacaqdır.
Azərbaycanın Vətən müharibəsindəki qələbəsi, nəqliyyat-logistika sahəsində də yeni reallıqlar yaratdı. Bu dəhliz vasitəsilə Azərbaycandan Türkiyəyə daşınan yükləri qısa müddətdə Avropa və Yaxın Şərq ölkələrinə çatdırmaq imkanı yaranacaq. Zəngəzur dəhlizi Azərbaycanın tranzit imkanlarını daha da genişləndirəcək.
Zəngəzur dəhlizinin açılmasına Ermənistan mane olmaq istəsə də, dünyada söz sahibi olan ölkələr buna böyük maraq göstərir. Çin, Rusiya və Türkiyə bu dəhlizin açılmasında israrlıdır. Üstəlik, Avropa ölkələri də bu dəhlizin açılmasını dəstəkləyir.