Mariupolun bütün şəhər ərazisi Ukrayna əsgərlərindən təmizlənib.

Axar.az xəbər verir ki, bu sözləri Rusiya MN-in rəsmi nümayəndəsi İqor Konaşenkov deyib.

O bildirib ki, şəhər “Azov” alayının döyüşçülərindən “azad edilib”:

“Ukrayna qruplaşmasının qalıqları hazırda “Azovstal” metallurgiya kombinatının ərazisində qalıb. Onların sayı 2,5 mindən çox deyil”.

Konaşenkov əlavə edib ki, Mariupolda 1464 ukraynalı hərbçi əsir götürülüb:

“Yalnız 16 apreldə Ukrayna hərbi birləşməsinin itkiləri 400 nəfərdən çoxdur. Bu baxımdan Zelenskinin Qərb mediasına Ukraynanın itkilərinin 2,5-3,5 min olması barədə dedikləri yalandır”.