Hazırki Fransa Prezidenti Emmanuel Makron prezident seçkilərinin 24 apreldə keçiriləcək ikinci turunda 52,5 səslə qalib ola bilər.

Axar.az xəbər verir ki, bu barədə “İfop” şirkətinin apardığı sosioloji sorğunun nəticələrində deyilir.

Bildirilib ki, Makronun rəqibi, ultra-sağçı “Milli Birlik” partiyasının rəhbəri Marin Le Pen 47,5 faiz səslə kifayətlənməli olacaq.

Proqnozlara əsasən, ikinci turda seçkidə iştirak fəallığı 75 faiz təşkil edəcək.

Sorğu son iki gün ərzində 1500 insan arasında keçirilib.