Erməni əsilli rusiyalı alim və tarixçi Filip Ekozyans ermənilərin Ərzurumla bağlı iddialarını lağa qoyub.

Axar.az xəbər verir ki, o, bu barədə sosial şəbəkə hesabında yazıb.

"Vikipediyanı açdım. "Ərzurum tarixi Qərbi Ermənistan şəhəridir..." yazısını gördüm. Absurdun dərəcəsinə baxın! Elədirsə, italyan vikipediyasında "Paris tarixi Şimali İtaliyanın şəhəridir"; monqol resursunda "Moskva tarixi Qərbi Monqolustan şəhəridir"; almanlarınkında "Roma tarixi Qərbi Almaniyanın şəhəridir"; iranlılarınkında "Tiflis, İrəvan, İstanbul tarixi Qərbi İran şəhərləridir" yazılsın! Qardaşlar, niyə bu cür cəfəngiyatları yazmağa utanmırıq? Bunu oxuyarkən belə xəcalət çəkirəm", — o bildirib.