Dostlarım siyasətdə məni “döyüşçü” hesab edirdilər.

Ukraynanın icra hakimiyyəti legitimliyini itirib.

İranın Quçan şəhərində yaşayan miliyyətcə türkmən olan sosial media fəalı Rza Bəbrnejad yenidən həbs edilib.

İsrail Baş naziri Benyamin Netanyahu iyulun 24-də ABŞ Konqresinin hər iki palatasının birgə iclasında çıxış edəcək.

Axar.az xəbər verir ki, bu barədə “Tayms of İsrail” məlumat yayıb.

Məlumata görə, Netanyahu Konqresin əksər üzvləri tərəfindən dəvət olunub və çıxış iyulun 24-nə planlaşdırılıb.

“Politiko” qəzeti baş nazirin iyunun 13-də keçiriləcək iclasda çıxış edəcəyini yazıb. Ancaq Netanyahunun ofisi bu fikri təkzib etdi, çünki bu, yəhudilərin Şavuot bayramının ikinci gününə təsadüf edəcək”, - məlumatda qeyd olunub.

Öldüyü və ya qaçırıldığı iddia edilən, səhhəti ilə bağlı ciddi narahatlıq yaşadığını qohumlarının təsdiqlədiyi FETÖ terror təşkilatının lideri Fətullah Gülənin yeni videosu paylaşılıb.

Axar.az həmin görüntüləri təqdim edir:

Çimərliklərdə dəniz suyunun monitorinqi aparılıb.

Axar.az xəbər verir ki, bu barədə Səhiyyə Nazirliyinin Respublika Gigiyena və Epidemiologiya Mərkəzi məlumat yayıb.

Bildirilib ki, Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsi ilə birlikdə 2024-cü ilin yay mövsümünə hazırlıqla əlaqədar olaraq, Bakı və Sumqayıt şəhərləri, respublikanın Lənkəran, Xaçmaz, Astara rayonları ərazisində yerləşən çimərliklərin sanitariya vəziyyətinin müayinəsi və dəniz suyunun keyfiyyət göstəricilərinin laborator tədqiqatının aparılması məqsədilə monitorinqlər keçirilib.

Laboratoriya müayinələrinin nəticələrinə əsasən, Bakı şəhərinin Buzovna, Zuğulba, Mərdəkan, Şüvəlan, Novxanı, Görədil, Nardaran, Bilgəh və Pirşağı çimərliklərində dəniz suyunun fiziki-kimyəvi, bakterioloji göstəriciləri norma səviyyəsində olduğu aşkarlanıb.

Bununla yanaşı, Səbail rayonunun Şıx, Qaradağ rayonunun Sahil, Suraxanı rayonunun Hövsan, Xəzər rayonunun Türkan, habelə Sumqayıt şəhərinin çimərliklərinin sanitariya-mühafizə zonalarında, eyni zamanda respublikanın sahil zolağının şimal bölgəsinin Yalama, Nabran, İstisu, Seyidli kəndi, cənub bölgəsinin Lənkəran və Astara çimərliklərinin qumsallıqlarında rekreasiya əhəmiyyətli monitorinqlər keçirilib.

Qeyd edilib ki, aparılan monitorinqlər zamanı həmin ərazilərdən götürülən dəniz suyu nümunələrinin laborator təhlillərinə əsasən, dəniz suyunun tullantı çirkab suları ilə intensiv çirklənmə hallarının hələ də davam etdiyi və çimərliklərdə dəniz suyunda bakterioloji çirklənmə göstəricilərinin mövcud normativlərin tələblərinə cavab vermədiyi müəyyən edilib.

2024-cü ilin çimərlik mövsümündə dəniz suyunun yüksək bakterioloji çirklənmə göstəricilərinin əhalinin sağlamlığı üçün təhlükə yarada biləcəyini nəzərə alaraq, “Sanitariya-epidemioloji salamatlıq haqqında” Azərbaycan Respublikası Qanununa əsasən, Səbail rayonunun Şıx, Qaradağ rayonunun Sahil, Suraxanı rayonunun Hövsan, Xəzər rayonunun Türkan, Sumqayıt şəhəri, şimal bölgəsinin (Yalama, Nabran, İstisu, Seyidli kəndi), cənub bölgəsinin Lənkəran və Astara çimərliklərindən istifadənin müvəqqəti olaraq tövsiyə olunmadığı barədə qərar qəbul edilib.

Qeyd edək ki, dəniz suyunun laboratoriya müayinələri zamanı sanitariya-kimyəvi (suyun rəngi, qoxusu, üzən qarışıqlar, asılı maddələr, biokimyəvi oksigen tələbatı, neft məhsulları, fenol) və bakterioloji (bağırsaq çöpləri) göstəricilər araşdırılır.

"Hazırda çimərliklərdə dəniz suyunun laborator tədqiqat üsullarından istifadə etməklə nəzarət tədbirləri davam etdirilir. Monitorinqlərin nəticələri barədə ərazi üzrə Bakı şəhər İcra Hakimiyyəti, Ekologiya və Təbii Sərvətlər Nazirliyi, Bakı Baş Polis İdarəsi, Fövqəladə Hallar Nazirliyi, respublikanın ərazi üzrə rayon İcra hakimiyyətlərinə və polis idarələrinə rəsmi məlumatlar göndərilir", - deyə məlumatda vurğulanıb.

Aydın məsələdir ki, belə çıxışlarla Rusiya Ukraynada hakimiyyət daxilində çat yaratmaq istəyir.

Bu sözləri Axar.az-a Vladimir Putinin Peterburq Beynəlxalq İqtisadiyyat Forumunda çıxışı zamanı Zelenskinin hakimiyyətinin qeyri-legitimliyi haqqında sözləri barədə danışan siyasi şərhçi Turab Rzayev deyib.

Siyasi şərhçi Moskvanın Kiyevdə hakimiyyət daxilindəki boşluqlardan yararlanmaq niyyətində olduğunu bildirib:

“Artıq Ukraynada prezident seçkilərinin vaxtı keçib və yəqin ki, qarşıdakı yaxın müddətdə müharibə ilə əlaqədar seçkinin keçirilməsi təxirə salınacaq, Zelenskinin səlahiyyət müddəti uzanacaq. Ancaq seçkilər keçirilsə, Rusiyaya yaxın birinin hakimiyyətə gəlmə ehtimalı var. Yaxud da daxildə çaxnaşma, fikir ayrılıqları yaransa, Ali Radanın sədri və ya baş nazir mövcud prezidentin öz legitimliyini itirdiyini, hakimiyyəti öz əlinə aldığını bildirə bilər. Vladimir Putin verdiyi açıqlamalar zamanı hər iki ehtimalı nəzərə alıb”.

Turab Rzayev Rusiyanın ona qarşı ikinci cəbhə açılmadan özünə sərfəli sülh şərtləri formalaşdırmaq istədiyini vurğulayıb:

“Digər tərəfdən ABŞ başda olmaqla Qərb ölkələrinin Ukraynanı yeni silah sistemləri, qırıcı təyyarələr ilə təmin etmək mərhələsi başlayıb. Zelenskinin Normandiyadakı anım mərasiminə çağırılması da təsadüfi deyil. Məqsəd Rusiyaya qarşı başlayacaq yeni hücumu ikinci cəbhənin açılmasının əhəmiyyəti ilə eyniləşdirmək, buna tarixi və mənəvi baxımdan zəmin hazırlamaqdır. Yəni əslində Normandiya əməliyyatının 80-ci ildönümü ilə bağlı keçirilən tədbiri həm də Ukrayna müharibəsində başlayacaq yeni mərhələnin təqdimat mərasimi kimi də dəyərləndirə bilərik. Əlbəttə, Rusiya da qarşıdan gələn bu təhlükəni görür, tezliklə qazandıqlarını, nüfuzunu itirmədən sərfəli şərtlərlə sülh müqaviləsini imzalamaq istəyir. Lakin Zelenski ilə indiki mərhələdə razılaşma əldə etmək mümkün deyil. Çünki bir dəfə İstanbulda belə razılıq əldə edildi, lakin İngiltərənin keçmiş baş naziri Boris Consonun birbaşa müdaxiləsi ilə onu reallaşdırmaq mümkün olmadı. İndi də razılıq əldə olunsa belə, oxşar hadisə yaşana bilər. Ona görə də Zelenskinin iqtidardan getməyini istəyirlər”.

Ukraynanın silahlanmasına simmetrik cavab olaraq, istənilən ABŞ düşməninə Rusiya silahı verilə bilər.