Onun sözlərinə görə, Peyğəmbər bir çox səhabələrinə ibrani, süryani dilini öyrənməyi tövsiyə edirdi: “Elm Çində də olsa, getməyi əmr edirdi. Təbii ki, Çində İslam elmi yoxdur. Demək dünyəvi elm nəzərdə tutulur. Bax belə düşüncənin nəticəsində son əsrlərdə İslam aləmində elm, texnika, inkişaf sahəsində gerilik başladı. Gəncləri, uşaqları elmə səsləmək əvəzinə onları uzaqlaşdırırlar”.

“Yaxşı deyək ki, hamı səni eşitdi, heç kəs hüquq oxumadı, bəs ölkədə bu qədər məhkəmə orqanı, hüquq mühafizə orqanları var, orada kim işləyəcək? Sabah başına bir iş gəlsə məhkəmədə kim sənə vəkillik edəcək, ərizə yazacaq? Biz dünyəvi dövlətik, bu dövlətin qanunlarını da hamı bilməli, hörmət etməlidir”,- deyə o əlavə edib.