Onun sözlərinə görə, hazırda Yaxın Şərqdə və Cənubi Qafqazda baş verən hadisələr də bununla əlaqədardır: “Çünki Cənubi Qafqazda hər nə qədər Azərbaycanın yaratdığı reallıqlar kontekstində beynəlxalq hüquq və ədalət bərpa olunsa da, yenə də bunu qəbul etməyən güc mərkəzləri tapılmaqdadır. Çox təəssüf ki, regionumuzun siyasi xəritəsinə süni şəkildə əlavə edilmiş Ermənistan dövləti belə güc mərkəzlərinin əlində vasitəyə çevrilib. Ona görə də 3 il yarımdan çoxdur ki, müharibə bitməsinə baxmayaraq sülh əldə etmək olmur”.

“Məsələnin mahiyyəti ondan ibarətdir ki, Azərbaycanın davranışları bu kontekstdə həm milli maraqlarımız baxımından, həm də beynəlxalq münasibətlər sisteminin məntiqi baxımından beynəlxalq hüquqa əsaslanandır. Bu Azərbaycanın hər fürsətdə etdiyi sülh çağırışları ilə aydın şəkildə görünür. Ona görə də Azərbaycan bu siyasətini davam etdirəcək. Amma əgər Ermənistanın ucbatından sülh üçün münbit şərait yaranmazsa, Azərbaycan həm də sülhə məcbur etmək üçün addımlar ata bilər”,- deyə deputat fikir bildirib.