O bildirib ki, hazırda Naxçıvan və Qazax istiqamətində Ermənistanın atəşkəsi pozmasında məhz ABŞ və Avropadan Ermənistana verilən silahlardan istifadə olunur: "Ümumiyyətlə, Qərbdən silah alınması kifayət qədər və maliyyə vəsaiti tələb edən prosedurdur. Doğrudur, bir miqdar Hindistan, Fransa və İrandan Ermənistana silah ötürülməsinin şahidi olmuşuq. Lakin həmin silahların Azərbaycan mövqelərinə yaxınlaşdırılmasına dair hələlik əlimizdə konkret faktlar mövcud deyil.
İstənilən halda iki gün ərzində 46 dəfə atəşkəsin pozulması məhz Brüssel görüşündən sonra Ermənistanın bir qədər cəsarətləndiyini deməyə əsas verir. Ermənistanın öz maraqlarına uyğun olmayacaq şəkildə Qərbin, xüsusilə də, Fransanın sifarişi ilə Azərbaycana qarşı təxribatlar törətməsi, intensiv olaraq qoşunları Azərbaycan sərhədinə gətirməsi, mühəndis fortifikasiya qurğuları inşa edərək növbəti təxribatlara hazırlaşması, təbii ki, Ermənistanın maraqlarına cavab vermir. İşğalçı ölkə hələ də Qazaxın kəndlərini işğaldan azad etmədiyi halda həmin ərazilərdə atəşkəsi pozub Azərbaycan ordusunun mövqelərinə atəş açırsa, bu, Ermənistanın sağlam məntiqdən məhrum olduğunu göstərir. Bu addımlar Ermənistana yalnız ərazi, şəxsi heyət, texnika, vasitə və avadanlıq itkiləri nəsib edəcək".