Rusiyanın BMT-dəki daimi nümayəndəsinin birinci müavini Dmitri Polyanski Gürcü Arzusu Partiyasının eks-prezident Mixail Saakaşvilini 2008-ci ilin avqustunda müharibəyə başlamaqda ittiham edən bəyanatına istinad etməsi Mixail Saakaşvilini qəzəbləndirib.

Axar.az xəbər verir ki, keçmiş prezident Feysbuk səhifəsində status paylaşıb. O, Gürcüstanın hakim partiyasını dövlətə görünməmiş xəyanətdə ittiham edib.

“Dünən BMT-də gördüklərimiz və xüsusilə son günlərdə özünü göstərənlər Gürcüstanın çoxəsrlik tarixində görünməmiş xəyanətlərdən biridir. Hətta Hitlerin işğal altında olan Fransadakı marionet Vişi hökuməti də Birinci və İkinci Dünya müharibəsinin əvvəlində Almaniyaya qarşı vuruşan soydaşlarını qınamaq fikrində deyildi. Bu cür qəzəbli, düşüncəsiz xəyanət İvanişvilinin nou-hausu və Gürcüstanı sevən hər kəs üçün ölkəni rejimdən geri qaytarmağa aydın siqnaldır. Əks halda, Gürcüstan dövləti dünya xəritəsindən həmişəlik yox olacaq. Bu, bir partiya və ya hətta siyasi məsələ deyil, bu, çox gec olmadan hər bir gürcünün özünüqoruma instinktini nümayiş etdirmək üçün bir hadisədir. Biz artıq elə vəziyyətə düşmüşük ki, nə ölkəmizi xilas edə biləcəyik, nə də gələcəyimizi”.