Ukrayna Prezidenti Vladimir Zelenski amerikalı həmkarı Co Baydenlə telefon söhbəti zamanı Rusiya dövlət başçısı Vladimir Putinlə birbaşa danışıqlara hazır olduğunu açıqlayıb.

Axar.az xəbər verir ki, bu barədə Ukrayna Prezident Administrasiyasının rəhbərinin müavini Andrey Sibiqa deyib.

“Ukrayna tərəfi bu danışıqlara hazırdır, müvafiq mövqeyə sahibdir və ümid edir ki, partnyorlarımızın da dəstəyi ilə belə söhbət baş tutacaq”, - deyə Sibiqa bildirib.

Qeyd edək ki, bu gün Ukrayna və ABŞ prezidentləri arasında telefon danışığı baş tutub.