Havalar isinir, dondurmaya tələbat yenidən artır.

Bazarlarda isə hər adda, hər növdə, hətta hər qiymətə dondurma var. Bu məhsulların bir qismi xaricdən idxal olunur, əsas hissəsi isə yerli istehsaldır. Maraqlıdır ki, yerli istehsal xaricdən gətiriləndən ən azı 3 dəfə ucuzdur. Bəs qiymətindən asılı olmayaraq, keyfiyyətli dondurmanı necə fərqləndirə bilərik? Əməkdaşlarımız bu məsələyə aydınlıq gətirməyə çalışıblar.

Millidestek.az istinadən xəbər verir ki. Mağazalarda hər kəsin damaq dadına və cibinə uyğun həm yerli, həm də xarici istehsal olan dondurmalar var.

İnsanlar dondurmanı məhz keyfiyyətinə görə seçdiklərini bildirirlər. Bəzi insanlar isə xarici istehsal olan dondurmaları daha keyfiyyətli və dadlı olduğunu hesab etdikləri üçün seçdiklərini deyirlər.

Bununla bərabar yerli istehsala müraciət edən kifayət qədər insan var. Elə bunun nəticəsidir ki, Azərbaycanın dondurma bazarında yerli məhsullar 70-80 faiz paya malikdir.

Görünüş və dadına görə yerli və xarici məhsullar bir-birlərindən çox fərqlənməsə də, onların arasında qiymət baxımından kəskin fərq var. Belə ki, 60-120 qramlıq yerli istehsal olan dondurmanın qiyməti 20 qəpik-1 manat arasında dəyişirsə, eyni miqdarda idxal olan dondurma 80 qəpik-3 manata təklif olunur. Dondurma istehsalçısı Əvəz Səfərli deyir ki, bunun əsas səbəbi xaricdən gələn məshulların xərcinin çox olmasıdır.

Amma bazarlarda xarici məhsulların qiymətinə bərabər yerli məhsullar da var ki, bunun da əsas səbəbi həmin məhsullarda istifadə olunan qatqı maddələrinin və qabların xaricdən gətirilməsidir.

Hazırda bazarda 10-a yaxın yerli dondurma istehsal edən şirkət fəaliyyat göstərir.