 |
 |
Brent markalı neftin qiyməti 14 apreldən sonra ilk dəfə 31 ABŞ dolları ötüb.
Report xəbər verir ki, bu, Bakı vaxtı ilə saat 22:39-a olan sövdələşmə zamanı qeydə alınıb.
Belə ki, Londondakı ICE birjasında “Brent” markalı neftin iyul fyuçerslərinin qiyməti 14,26% artaraq bir barelə görə 31,08 ABŞ dollarına bərabər olub.
Pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması mexanizmi müəyyən edilib.
Mövzunu İqtisadiyyat Nazirliyi yanında Dövlət Vergi Xidmətinin baş idarə rəisi Elçin Məmmədov şərh edib.
Elçin Məmmədov bildirib ki, bu sahədə görülən işlər çərçivəsində texniki və hüquqi məsələlərin həlli tamamlanmaq üzrədir:
“Artıq müvafiq dövlət qurumları ilə razılaşdırılmaqla ƏDV-nin müəyyən hissəsinin qaytarılması ilə bağlı prosesə cəlb ediləcək müvəkkil bank müəyyən edilib - bu, “Kapital Bank”dır. Həmçinin, alınmış mallara görə ödənilmiş ƏDV-nin qaytarılması üçün istehlakçıların müraciətlərinin qeydiyyata alındığı informasiya sistemi olan xüsusi portalın (www.edvgerial.az) hazırlanması ilə bağlı işlər başa çatdırılıb və ƏDV-nin müəyyən hissəsinin qaytarılma mexanizmi müəyyən edilib.
Qaydalara əsasən, ƏDV-nin müəyyən hissəsinin qaytarılması zamanı üç məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır.
İkincisi, satıcı və ya xidmət göstərən tərəf mütləq ƏDV ödəyicisi olmalıdır. Digər məqam isə satıcının yeni nəsil kassa aparatlarından istifadə etməsidir. ƏDV-in bir hissəsinin qaytarılması yalnız yeni nəsil kassa aparatlarının tətbiq edildiyi obyektlərdə mümkündür”.
Bəs ƏDV-nin bir hissəsini geri almaq üçün vətəndaş nə etməlidir?
İqtisadiyyat Nazirliyi yanında Dövlət Vergi Xidmətinin baş idarə rəisi qeyd edib ki, ƏDV-nin bir hissəsini geri almaq üçün vətəndaşlar şəxsiyyət vəsiqəsinin fərdi identifikasiya nömrəsi (FİN), doğum tarixi və mobil telefon nömrəsi vasitəsilə www.edvgerial.az portalında qeydiyyatdan keçməlidirlər.
Bu zaman portalda həmin şəxs üçün elektron kabinet və burada virtual “pul qabı” yaradılır:
“İstehlakçı alınmış malların dəyərini nağd və ya nağdsız qaydada ödəyə bilər. Nağd ödəmələr zamanı satıcı istehlakçıya onlayn nəzarət-kassa aparatının çekini təqdim etməlidir. Malların dəyəri nağdsız qaydada ödənildikdə və POS-terminal nəzarət-kassa aparatı ilə inteqrasiya olunmadıqda, istehlakçıya POS-terminaldan çıxarış da verilməlidir.
İstehlakçı nəzarət-kassa aparatının çekini aldığı tarixdən 90 gün ərzində www.edvgerial.az portalına müraciət etməli və çek barədə məlumatları, yəni NKA çekinin 12 simvollu fiskal İD-sini elektron kabineti vasitəsilə sistemə daxil etməlidir.
Həmçinin, BirBank tətbiqinə malik olan və onu müvafiq qaydada yükləyən bütün istifadəçilər bu tətbiq vasitəsilə də çekin üzərində olan QR kodu (çekin sonunda yerləşdirilən sürətli məlumat kodu) oxudaraq ƏDV-ni daha rahatlıqla geri qaytara bilərlər.
BirBank tətbiqi portalda qeydiyyata alınmış telefon nömrəsinə yüklənməlidir. Bu zaman ƏDV-nin geri qaytarılması ilə bağlı sorğu elektron kabinetdə avtomatik əks olunacaq”.
Bəs geri ödənilən vəsaitlər nə zaman qaytarılacaq?
Elçin Məmmədov deyib ki, istehlakçının sistemə daxil etdiyi nəzarət-kassa aparatı çeki barədə məlumatlar Dövlət Vergi Xidmətinin məlumat bazasındakı məlumatlarla uyğunluğu yoxlanılır:
“Nəzarət-kassa aparatı çekinin təsdiqləndiyi dərhal istehlakçının elektron kabinetində əks olunur. Çekin çap edildiyi tarixdən 30 gün sonra ƏDV məbləğinin nağdsız ödənişlər üzrə 15 faizi, nağd ödənişlər üzrə 10 faizi müvəkkil bank tərəfindən alıcının elektron kabinet açılarkən yaradılan virtual “pul qabı”na yerləşdirilir.
İsitfadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər.
Layihənin maliyyə partnyoru olaraq “Kapital Bank” ƏDV-nin geri qaytarılması ilə bağlı əməliyyatlar üzrə komissiya tətbiq etmir. Geri qaytarılan vəsait tam şəkildə virtual “pul qabı”na mədaxil olunur (vəsait bank kartlarına köçürülərək nağdlaşdırıldığı zaman müvafiq bankın tarif cədvəlinə uyğun istisnalar tətbiq edilə bilər).
Qeyd edək ki, bu qaydalar supermarket və digər pərakəndə ticarət obyektləri, restoran və kafelərdən alınmış mallara, göstərilmiş xidmətlərə görə ödənilən ƏDV-nin bir hissəsinin qaytarılması üçün tətbiq edilir. Yanacaqdoldurma məntəqələrindən neft və qaz məhsullarının alışı zamanı ödənilən ƏDV geri qaytarılmır”.
Əmlak Məsələləri Dövlət Komitəsi 31 oktyabrda hərraca çıxarılacaq nəqliyyat vasitələrinin siyahısını açıqlayıb.
Baku.ws xəbər verir ki, siyahıda 3 avtomobil təqdim olunacaq:
1-ci sətirdə Azərbaycan Respublikası Mərkəzi Seçki Komissiyasının balansında olan nəqliyyat vasitəsi 3-cü dəfə 10% endirimlə təkrar hərraca çıxarılır.
2-ci sətirdə Azərbaycan Respublikası Mərkəzi Seçki Komissiyasının balansında olan nəqliyyat vasitəsi 5-cü dəfə 50% endirimlə təkrar hərraca çıxarılır.
3- cü sətirdə Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin balansında olan nəqliyyat vasitəsinin 25.07.2017-ci il tarixində keçirilmiş hərracının nəticəsi ləğv olduğu üçün təkrar olaraq hərraca çıxarılır
Sifarişlər Azərbaycan Respublikası Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində (Bakı şəhəri, Zeynal Xəlil küçəsi 11) və yaxud e–emdk.gov .az elektron portalı vasitəsilə hərracın keçirilməsinə ən gec 3 (üç) bank günü qalanadək qəbul olunacaqdır: Nəqliyyat vasitələri barədə ətraflı məlumatı privatization.az portalından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:
Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi,nizamnaməsi və VÖİN)
Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir) (tel:566-07-44)
Azərbaycanda koronavirus pandemiyasının ən çox zərər vurduğu sahələrdən biri də daşınmaz əmlak bazarıdır. Ekspertlərin sözlərinə görə, bazarda hazırda satış səviyyəsi çox aşağıdır.
Baku.ws xəbər verir ki, mart ayında isə bina və həyət evlərinin, həmçinin torpaq sahələrinin qiyməti kəskin ucuzlaşıb.
Əmlak Ekspert Mərkəzinin direktoru Ramil Osmanlı Lent.az -a bildirib ki, ucuzlaşma qarşıdakı aylarda da davam edəcək: “Vəziyyətlə əlaqədar alğı-satqı əməliyyatları məhdudlaşır. Daşınmaz əmlak bazarına yönəldilən vəsaitlərin miqdarı xeyli azalıb. Təbii ki, bəzi inzibati qərarlar bu sahədə fəaliyyət göstərən bazar iştirakçılarına da mənfi təsir göstərib. Bu da daşınmaz əmlak bazarında tələbin və qiymətlərin kəskin azalmasına gətirib çıxarır.
Düşünürəm ki, proseslərin müddətindən. eyni zamanda makroiqtisadi amillərdən çox şeylər asılı olacaq. Məsələyə təkcə texniki yanaşmanın tərəfdarı deyiləm. Daşınmaz əmlak bazarında baş verən proseslər makroiqtisadi amillərlə bağlıdır. Dünya iqtisadiyyatında baş verən proseslər, neftin qiymətinin, eyni zamanda xarici ölkələrdən qeyri-ixrac formasında daxil olan vəsaitlərin həcminin azalması (xaricdə yaşayan azərbaycanlıların ailə üzvlərinə pul göndərməsi) ölkəyə ümumi pul daxilolmalarının kəskin azalmasına səbəb olub.
Ona görə düşünürəm ki, qarşıdakı aylarda daşınmaz əmlak bazarında ucuzlaşma qaçılmazdır. Bütün evləri, torpaq sahələrini əhatə edəcək bu ucuzlaşmanın nə vaxtadək davam edəcəyini demək çətindir”.
Ramil Osmanlı ucuzlaşmanın tikinti materialları bazarına da kəskin təsir etdiyini vurğulayıb: “Sözsüz ki, daşınmaz əmlak bazarında tələbin aşağı düşməsinə görə tikinti materiallarına da tələbin azaldığı müşahidə olunur. Bu da təbii ki, tikinti materialları satışı ilə məşğul olanların qiymətləri azaltmasına səbəb olur. Ola bilər ki, məsələn, sentyabr ayına qədər pandemiya başa çatsın, amma neftin qiyməti dövlət büdcəsində nəzərdə tutulan səviyyəyə gəlib çatmasın.
Bu halda hesab edirəm ki, hökumət dövlət büdcəsinə yenidən baxmağa məcbur olacaq. Bu da ayrı-ayrı sahələr üçün nəzərdə tutulan investisiyaların azalmasına səbəb oalcaq. Ümumiyyətlə, Azərbaycan kimi ölkələrdə iqtisadi proseslərlə yanaşı, inzibati qərarlar da daşınmaz əmlak bazarına təsir edir. Ona görə düşünürəm ki, təkcə pandemiyanın başa çatması daşınmaz əmlak bazarının bərpa olunmasına kifayət etmir”,
Hazırda 4 bankdan başqa digər banklarda problem görmürük”.
“Bu barədə Mərkəzi Bankın sədri Elman Rüstəmov məlumat verib.
O qeyd edib ki, situasiya dinamikdir: “Xarici mühit olduqca gərgindir. Biz xarici mühitdən əhəmiyyətli dərəcədə təsirlənirik. Bu təsirlənmənin daxili mühitə təsir etmə potensialı var. Gəlin situasiyanı izləyək. Siz izləyirsiniz, biz isə situasiya ilə məşğul olacağıq”.
“ATA Bank” cinayətkar bank idi, vəsaitləri xaricə köçürürüdü. Hesab edirəm ki, dövlət bu bankla bağlı ciddi işlər görəcək.
Bunu millət vəkili Vahid Əhmədov Hesablama palatasının ilik hesabatının müzakirəsi zamanı deyib.
İki bankın fəaliyyətinin bağlanması ilə bağlı məsələyə toxunan V.Əhmədov bildirib ki, mən ümumiyyətlə bankarın bağlanmasının yox, konsolidasiyasının tərəfdarıyam.
“Ona görə də hökumətdən və ölkə başçısından xahiş edərdim ki, bu məsələni gələcəkdə nəzərə alsın. Ümumiyyətlə, biz bank sisteminin sağlamlaşdırılmasını gözləyirdik, amma bunun əksinin şahidi olmaqdayıq”- o qeyd edib.
V. Əhmədov əlavə edib ki, dövlət bir iş görəndə xeyrilə ziyanı düşünməlidir.
“Bu gün bağlanan bankların əhaliyə olan borcu 850 milyon manat civarındadır. İndi bu vəsaitləri ödəməyi Mərkəzi Bank həyata keçirəcək. Mərkəzi Bank bu banklarla vaxtında bir araya gəlib, onlara 250-300 milyon manat dəstək göstərməklə vəziyyətdən çıxa bilməzdimi?
Mən “ATA Bank”ı nəzərdə tutmuram. Çünki bu bank cinayətkarlıqla məşğul olub, vəsaiti xaricə köçürməklə məşğul olub. Amma digər banklarda vəziyyət tamamilə fərqlidir. İndi neftin qiymətinin kəskin endiyi, koronavirusun tüğyan etdiyi bir dövrdə belə addıma atmaq yanlışdır. İndiki vəziyyətdə bankların bağlanmasındansa konsolidasiyası daha məqsədəuyğun olar”- deputat bildirib.
V. Əhmədov bank sistemində yaranmış vəziyyətlə bağlı olaraq bank rəhbərlərini Milli Məclisə dəvət edərək, mövcud durumu müzakirə etməyi zəruri hesab edib.
“Aİ-95” markalı yanacağın qiyməti bu gündən 10 qəpik ucuzlaşaraq, 1 manat 10 qəpik olub. Dünya birjalarında neftin qiymətinin kəskin ucuzlaşmasına baxmayaraq, Azərbaycanda yerli istehsal olan “Aİ-92” markalı benzinin qiyməti dəyişmir.
Demokrat.az xəbər verir ki, məsələ ilə bağlı SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib ki, ucuzlaşmaya səbəb “Aİ-95” markalı benzinin idxal edilməsidir:
“Azərbaycanda istifadə edilən “Aİ-95” xaricdən idxal olunur və bazar qiymətlərinə alınır. Bazar qiymətləri dəyişəndə, ölkədə də həmin benzinin qiyməti dəyişir”.
Xatırladaq ki, “Aİ-95” premium markalı benzinin qiyməti martın 13-də 1 manat 50 qəpikdən 1 manat 20 qəpiyə düşüb.
Tarif Şurasının rəsmi açıqlamalarına görə, dünya bazarlarında neftin ucuzlaşması fonunda Azərbaycanda benzinin qiymətlərinin əvvəlki səviyyədə qalması onunla əlaqədardır ki, “Aİ-92” markalı benzinin dəyərinin formalaşmasına təsir edən xərclər (neftin istehsalı və emalına, vergiyə çəkilən və s.) dəyişməyib:
“Bu markadan olan benzin Azərbaycanda istehsal edildiyindən, dünya bazarında baş verən proseslər onun qiymətinə təsir etmir. Buna görə də hazırda benzinin qiymətinin dəyişdirilməsi məsələsini müzakirə edilmir. Azərbaycana idxal edilən “Premium-95″ markalı benzinə gəlincə, onun ümumi istehlakda payı azdır (4-5 faiz) və Tarif Şurası bu markanın qiymətini tənzimləmir”.
Prezident İlham Əliyev aqrar sahənin texniki təminatının gücləndirilməsi ilə bağlı tədbirlər haqqında sərəncam imzalayıb.
Sərəncama əsasən, taxılçılıq, pambıqçılıq və digər ənənəvi kənd təsərrüfatı sahələrinin davamlı inkişafı üçün kənd təsərrüfatı məhsulları istehsalçılarının texnikaya ehtiyacını ödəmək məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.13.1-ci yarımbəndində göstərilmiş 28 milyon manat “Aqrolizinq” Açıq Səhmdar Cəmiyyətinə ayrılıb.
“2020 büdcəsində bir barell neftin qiyməti 55 dollar nəzərdə tutulub. Amma həm birinci rübün yekunları, həm də növbəti rübləri üçün neftin qiyməti 2020-ci ilin proqnozlaşdırdığından daha aşağı qiymətə olacağı gözlənilir”.
Bunu açıqlamasında deputat Vüqar Bayramov deyib.
Onun sözlərinə görə, nəzərə alsaq ki, Bloomberg də növbəti aylarda neftin 20-30 dollar arasına qərarlaşacağını proqnozlaşdırır.
“Bu baxımdan büdcəyə dəyişiklik olacaqsa neftin qiyməti nəzərə alınmaqla büdcənin gəlirlər hissəsi proqnozlaşdırılması həyata keçiriləcək. Bütün hallarda 2020-ci il dövlət büdcəsinə dəyişiklik və əlavələr edilməsi ilə bağlı qərar veriləcəksə, o zaman neftin büdcədəki qiymətinə baxılacağı gözlənilir”- V. Bayramov bildirib.
Azərbaycan Mərkəzi Bankının İdarə Heyətinin qəbul etdiyi qərarla “Atabank”, “AGBank”, “NBC Bank” və “Amrah Bank” ASC-lərə müvəqqəti inzibatçılar təyin olunub.
AMB xəbər verir ki, qanunvericiliyə uyğun olaraq qeyd olunan bankların idarә olunması üzrә bütün sәlahiyyәtlәr, o cümlәdәn bank sәhmdarlarının ümumi yığıncağının sәlahiyyәtlәri müvәqqәti inzibatçıya keçib.