O bildirib ki, çünki cənab Prezident bu dəfə də sadəcə olaraq xoş dildə, nəzakətli şəkildə əslinə qalanda Ermənistana bir çağırış edir ki, Qərbi Azərbaycan kökənli insanların öz ata-baba yurdlarına qayıtması, oraları gəzib-görməsi üçün şərait yaradılmalıdır: "Eyni zamanda da Qərbi Azərbaycan icması ilə Ermənistan hökuməti danışıqlardan qaçmamalıdır. Biz müharibə elan etmirik, yaxud da, Ermənistanın torpaqlarını işğal etmək fikrində deyilik. Ümumiyyətlə, heç kimin torpağına da göz dikməmişik. Sadəcə olaraq istəyimiz odur ki, bəlkə də, sayı milyonları keçən Qərbi Azərbaycan əsilli insanlarımız gedib ata-baba torpaqlarını görə bilsinlər. Cənab Prezidentin çağırışı bu ruhdadır".

"Düşünürəm ki, Ermənistan tərəfi bundan nəticə çıxarmalıdır. Yəni biz güc hesabına da nələrisə həll edə bilirik. Bunu əməldə göstərmişik. Ermənistan tərəfi də bundan nəticə çıxarmayıb, vaxtında çıxarmadığına görə növbəti dəfə Azərbaycanın gücünü hiss etmək məcburiyyətində qalıb. Amma biz düşünmürük ki, həmişə hər şeyi güc hesabına həll etməliyik. Biz düşünürük ki, danışıqlar, çağırışlar, qarşılıqlı anlaşma yolu ilə çox məsələləri həll edə bilərik. O baxımdan mən düşünürəm ki, cənab Prezidentin bu Qərbi Azərbaycanla bağlı konfrans iştirakçılarına müraciəti Ermənistan üçün də xoş məram çağırışı kimi olmalıdır. Onlar bu müraciəti yaxından təhlil etməli, öyrənməlidirlər, ona uyğun da Azərbaycana reaksiya verməlidirlər. Yoxsa, biz öz istəklərimizdən əl çəkəcək deyilik. Çünki insanlarımızın ata-babalarının qəbirləri hələ də Qərbi Azərbaycanda qalır. Ermənistan hakimiyyəti necə edə bilər ki, bizim insanlarımıza öz ata-babalarının qəbirlərini ziyarət etməyə imkan verməsin, doğulub boya-başa çatdıqları yurdlarını ziyarət etməyə imkan verməsin. Əlbəttə ki, buna görə Ermənistan hökuməti bu xoşməramlı müraciəti ciddi şəkildə diqqətə almalıdır. Azərbaycan zor gücünə, zorakılıqla nəyisə həll etməyə meyilli deyil. Burada sadəcə olaraq xoş məram var. Düşünürəm ki, bu xoş məramı diqqətə alsa, Ermənistan üçün bu, uduş olacaq" - deyə o, əlavə edib.