Tramp Kubanı öz hakimiyyəti altında saxlamaqla Rusiyadan uzaqlaşdırmaq istəyir.

Prezident İlham Əliyev Azərbaycan Respublikasının Əmək Məcəlləsində dəyişikliklər edilməsi haqqında qanunu təsdiq edib.

Sumqayıt şəhəri, H.Z.Tağıyev qəsəbəsində uşaqlar arasında qeydə alınmış zəhərlənmə içməli sudan baş verməyib.

    Respublikamızda analoqu olmayan , möhtəşəm bir tibb ocağı var .
 Azərbaycan Tibb Universitetinin Tədris Cərrahiyyə Klinikası ! Bu şəfa ocağı 2013 - cü ildən bəri əhalimizin sağlamlığının keşiyində  durmaqla bərabər , həmçinin Tibb Universitetinin  tələbə-müəllim heyətinin istifadəsindədir.

  Klinikada müasir standartlara  , beynəlxalq tibbin tələblərinə cavab verən, ən son müasir cihaz və avadanlıqlar quraşdırılmışdır. 500 çarpayılıq klinikada əhaliyə ən yüksək səviyyədə diaqnostik və cərrahi tibbi xidmət göstərilir. Yüksək səviyyədə təchizat , güclü , səriştəli tibbi personal bu tibb ocağında ən mürəkkəb və riskli əməliyyatları uğurla yerinə yetirməyə imkan verir.Uşaq cərrahiyyəsi , ümumi cərrahiyyə ,uroloji , kardioloji , nefroloji , ginekoloji ,torokal, orqan köçürmələri  neyrocərrahiyyə, travmatologiya , (rekonstruktiv və estetik plastik cərrahiyyə və digər əməliyyatlar burada yüksək səviyyədə yerinə yetirilir.

 Klinikada yaradılan  şərait beynəlxalq standartlara tam cavab verir.Belə ki , bütün palatalar monitor, kondisioner, telefon, süni ventilyasiya cihazı, xəstə çağırış siqnalı, mərkəzləşdirilmiş qaz və vakuum sistemləri ilə təchiz olunub. Müalicə müddətində xəstənin ürək-damar sisteminin fəaliyyəti (arterial təzyiq,nəbz) və tənəffüs sisteminin fəaliyyəti (qanın oksigenlə tachizatı) daimi nəzarətdə saxlanılır.Bütün xəstələrin əməliyyatları, tibbi təqibləri, baxımları 24 saat müddətində təcrübəli həkim və orta tibb personalları tərəfindən nəzarət altında olur. Yatan xəstələrə xüsusi tibb personalları tərəfindən yüksək səviyyədə tibbi xidmət göstərilir, həkim dietoloqun nəzarəti altında səhər, günorta, axşam yeməkləri verilir, xəstələr evə buraxılanadək yüksək təcrübəli həkimlərin nəzarəti altında olurlar.

 Kinika tamamilə kompyuterləşdirilmiş sistemdə  fəaliyyət göstərir . Burada kompyuter şəbəkəsi bütün tibbi sənədləşmə prosesini sürətlə icra etmək, arxivləşdirmək, statistik işləmək, görüntüləmə və laborator müayinələrin nəticələrini həm müalicə həkimlərinə, həm də avtomatik rejimdə rəsmi saytımıza və eləcə də dünyanın hər hansı ölkəsindəki mütəxəssisə ötürmək imkanına malikdir.

 Klinikanın laboratoriya şöbəsi də müasir tibbin tələblərinə tam cavab verir.Nahaq yerə deyil ki,  respublikamızda    ilk dəfə olaraq məhz bu  klinikada dünya səhiyyə təşkilatının qəbul etdiyi CLSİ standartlarına uyğun biokimyəvi və immunoloji analizlər aparılır. Pasientler dünyanın istənilən ölkəsindən öz şəxsi kodlarını yığmaqla klinikanın saytına daxil olub, laborator müayinələrinin nəticələrini əldə edə bilərlər.

Klinikada  bütün beynəlxalq standartlara cavab verən, müasir tibbi texnologiyanın ən son imkanları ilə təchiz edilmiş Şüa diaqnostika şöbəsi mövcuddur. Şöbədə USM , Rəngli doppler , Kompyuter tomoqrafiya (KT), Maqnit Rezonans Tomoqrafiya (MRT), Koronar KT angioqrafiya, Rentgen kimi diaqnostik müayinələr yüksək peşəkarlıqla həyata keçirilir.

 Danılmaz faktdır ki , savadlı , səriştəli , yüksək ixtisaslı tibbi personal  tibbi xidmətin ən başlıca şərtidir.Bu baxımdan klinikanın həkimləri daima öz üzərlərində işləyir, müxtəlif ölkələrin klinikalarında ixtisasartırma kurslarından keçirlər.Klinikada yüksək ixtisaslı , təcrübəli , korifey həkimlər fəaliyyət göstərirlər.

 Qeyd etdiyimiz kimi  klinika tədris mərkəzi olmaqla   gələcək gənc həkimlər nəsli yetişdirməyə  də öz sonsuz töhfəsini verir. Belə ki , 20 şöbə və 18 kafedrada  il  ərzində 2800 tələbə , 400-dən çox rezident ,  20-den artiq doktorant təhsil alır.  40 professor , 80 dosent, 120 tibb üzrə fələsəfə doktoru  gənc kadrların yetişdirilməsində bilik və bacarıqlarını əsirgəmirlər.

 2016- cı ilin sentyabr ayında bu möhtəşəm tibb müəssisəsinə yeni direktor təyin edildi. Professor, tibb elmləri doktoru Surxay Hadıyev  !

 Surxay həkim çox qısa zamanda əsaslı dəyişikliklərə imza ataraq qarşıya çox müqəddəs bir  məqsəd qoyub. Bu şəfa ocağını dünyanın ən öndə gedən , hər kəsin ən son etibar edə biləcəyi referans diaqnostika, müalicə və cərrahi mərkəzə çevirmək !

Gözəl niyyətdir.Niyyətiniz hara , mənziliniz də ora.

 Yolunuz uğurlu , işiniz avand olsun ,Surxay həkim !

İnanırıq ki , çox yaxın gələcəkdə  nəinki azərbaycanlılar müayinə və müalicə üçün xarici ölkələrə ayaq basmayacaq  , dünyanın bir çox ölkələrindən şəfa məqsədi ilə  bizim  klinikaya- Azərbaycan Tibb Universitetinin Tədris Cərrahiyyə Klinikasına  üz tutacaqlar. Çünki bizim şanlı tarixi olan tibbimiz buna layiqdir və  bu qüdrətini sübut edəcək !