Həbsdə olan üçüncü prezident Mixail Saakaşvili mənim üçün Putinin məhbusudur.

Axar.az xəbər verir ki, bu sözləri Gürcüstanın 4-cü prezidenti Georgi Marqvelaşvili Mixail Saakaşvili ilə görüşündən sonra jurnalistlərə müsahibəsində deyib.

O qeyd edib ki, hər üç prezident görüşmək üçün hazırdırlar:

"Nəzərə almaq lazımdır ki, Putinlə qarşıdurmada olan tanınmış siyasətçinin öz hökuməti tərəfindən həbs edilməsi Putinin əsas marağındadır. Bizim yüksək məhsuldar görüşümüz oldu. Gürcüstan ictimaiyyəti ilə bölüşmək istədiyim bir neçə məsələ var və bu məsələlər aşağıdakılardır: İlk növbədə, görüşün əsas hissəsi bu günlərdə Gürcüstanın üzləşdiyi və əsas rolu Rusiyanın tutduğu təhlükəsizlik mühiti ilə bağlı idi.

Rusiya Federasiyasının regionda bilavasitə Mixail Saakaşvili və hamımıza yaxın olan Ukrayna ilə bağlı aqressiv siyasəti avtomatik olaraq Gürcüstanın təhlükəsizlik mühitini əks etdirir. Bu baxımdan keçmiş prezidentlər olaraq biz bu dərin narahatlığı bölüşmək istəyirik və xanım Salome ilə birlikdə çalışırıq ki, aramızda olan problemlərin həll olunması, birləşməyimizə və xarici təsirlərə qarşı durmağımıza əsas səbəb olsun.

Biz hər üçümüzün görüşməyə hazır olduğumuzu bir daha vurğulamaq istəyirəm. Bu görüşün formatına, bütün fikir ayrılıqlarına, bir-birimizə olan münasibətimizin necəliyindən asılı olmayaraq, gürcü xalqına, cəmiyyətə mesaj vermək istəyirik ki, biz həmişə ümumi qarşıdurmaya, ümumi düşmənə qarşı birləşmişik və bu gün də birləşməyə davam edirik", - deyə Marqvelaşvili bildirib.

O, həmçinin qeyd edib ki, Mixail Saakaşvili aclıq aksiyası keçirən tərəfdarlarından dolayı çox narahatdır.