Tamamilə yerli və milli imkanlardan istifadə olunmaqla peyvəndimizin hazırlanmasının hər mərhələsində öz alimlərimiz, tədqiqatçılarımız iştirak ediblər.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

O bildirib ki, istifadə üçün icazə alındıqdan sonra “Sinovak” və “Biontech”lə yanaşı, yerli peyvəndimiz “Turkovak”ı da vətəndaşlarımıza təqdim edəcəyik:

“Dünyanın ən böyük tutumlu peyvənd araşdırma, təkmilləşdirmə və istehsal mərkəzi olaraq Ankarada “Gigiyena layihəsi”ni həyata keçiririk. Ankaranın Esenboğa hava limanının yaxınlığında 50 min kvadratmetr qapalı sahəsi olan “Gigiyena layihəsi”nin tender mərhələsi gələn həftə tamamlanacaq”.