Almaniya kansleri Angela Merkel və Polşa Baş naziri Mateuş Moravetski arasında telefon danışığı baş tutub.

Axar.az xəbər verir ki, bu barədə Almaniya Nazirlər Kabinetinin mətbuat xidməti məlumat yayıb.

Bildirilib ki, tərəflər Polşa-Belarus sərhədində miqrant böhranını müzakirə ediblər.

Merkel sözügedən məsələdə rəsmi Varşava ilə tam həmrəy olduğunu qarşı tərəfin diqqətinə çatdırıb.

Qeyd edək ki, bundan öncə Merkel Belarus lideri Aleksandr Lukaşenko ilə sözügedən məsələ ətrafında telefon müzakirəsi aparmışdı.