“Ölkə.Az” xəbər verir ki, ötən gün Suriyanın Ayn əl-Ərəb bölgəsindən Şanlıurfaya gələn iki PKK/YPG terrorçusu silah və rabitə vasitəsi ilə Türkiyə təhlükəsizlik qüvvələrinə təslim olub.

Türkiyə Daxili İşlər Nazirliyinin yaydığı bəyanatda bildirilib ki, ölkə daxilində və xaricində terrora qarşı həyata keçirilən hərbi əməliyyatlar nəticəsində PKK/PYD terror təşkilatında parçalanma sürətlənir, təşkilatdan qaçanların və təslim olanların sayı artır:

“2019-cu ilin noyabr ayının 25-də Suriyanın Ayn əl-Ərəb bölgəsindən iki terrorçu M-16 silahları və rabitə vasitələri ilə Suriyadan qaçaraq Şanlı Urfadakı sərhəd məntəqəsində təhlükəsizlik qüvvələrinə təslim olub".

Onu da qeyd edək ki, YPG/PKK-nın öz sıralarında Türkiyə Silahlı Qüvvələrinə qarşı döyüşməkdən imtina edən onlarla insanı qətlə yetirdiyi bildirilir.