Son xəbərlər

 

Bakı metropolitenində stansiya, şaxta və tunellərin ventilyasiya sistemi may ayının 15-dən noyabr ayının 15-dək yay qrafikinə keçirilib.

 

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev Axar.az-a bildirib ki, bununla əlaqədar ventilyatorların yeni 1 və 2 №-li iş qrafiki tətbiq edilib.

Qeyd edək ki, keçən ildən metropolitendə ventilyatorların iş rejimi ilə bağlı xüsusi tədbirlər planı həyata keçirilir. Ümumiyyətlə, "Bakı Metropoliteni" QSC təsis olunduqdan sonra yeraltı nəqliyyatda mikroiqlim şəraitinin öyrənilməsi sahənin yenidən qurulmasının əsas tərkib hissələrindən biri olub. Bu müddət ərzində ventilyasiya sisteminin işinin optimallaşdırılması ilə bağlı bir sıra əsaslı yeniliklər öz əksini tapıb. Bu sahədə görülən işlər – mövcud avadanlığın yenilənməsinin sürətləndirilməsi, istismar müddətini başa vurmuş ventilyatorların əvəzinə daha müasir, məhsuldar və qənaətcil növlərinin tətbiqi üzərində də iş aparıldı. Bundan başqa, stansiya və tunellərin səmərəli havalandırılması üçün ən əhəmiyyətli məsələ ventilyasiya qurğularının səmərəli şəkildə işlədilməsini, onların optimal iş qrafikini tətbiq etməyin yollarını araşdırmaqdan ibarət idi.

Aparılan monitorinqlər nəticəsində çatışmazlıqların əsas mənbələri aşkar edilərək, onların aradan qaldırılması üzərində tədbirlər planının tətbiqinə başlanıldı. İlk növbədə, monitorinqlərin aparılması üçün Diaqnostika və metroloji təminat mərkəzinin mikroiqlim laboratoriyasının bazası möhkəmləndirilərək lazım olan cihazlar alındı. Bu isə stansiya və tunellərdə oksigen və karbon qazının miqdarını, rütubət, hava axınının istiqamətini və sürətini, ventilyatorun faydalı iş əmsalını, məhsuldarlığını müəyyən etməyə imkan verdi.

Tədbirlər planına uyğun olaraq stansiyalarda və tunellərdə orta temperatur, rütubət, havanın tərkibindəki tozluluq normalar çərçivəsinə gətirildi. Ötən ilin yay mövsümünün nəticələri də öyrənilərək yeniliklərin tətbiqi üzərində iş daha da dərinləşdirilib. Cari ilin yay mövsümünə hazırlıq dövründə ventilyatorların daha səmərəli iş rejimində işlədilməsinin potensialından istifadə olunması üçün bu ildə tərtib edilmiş qrafik bir qədər də təkmilləşdirildi. Eyni zamanda, metropolitendə tətbiqi genişləndirilməkdə olan müasir informasiya-kommunikasiya texnologiyalarının imkanlarından istifadə edilərək, bütün aidiyyəti sahələrin işlərinə uyğun texnoloji prosesləri səmərəli qurmaq məqsədilə qrafik xüsusi elektron şəbəkədə yerləşdirilir.
Yeni yay qrafiki ilə bağlı görülən işlər sırasında stansiyalarda təbii hava axınının intensivliyinə xüsusi diqqət ayrılıb. Təbii hava axını yenidən öyrənilib və uyğun ventilyasiya rejimi tətbiq edilib, bu da stansiyalarda mikroiqlim şəraitinin, o cümlədən ventilyasiya sisteminin daha da yaxşılaşdırılmasına xidmət edir. Digər tərəfdən havanın mikroiqlim parametrlərinin öyrənilməsi və ölçülməsi konkret yerlərdə müvafiq iş rejiminin tətbiq olunması barədə nəticələr əldə etməyə imkan verib. Bu işlərlə yanaşı, istismar müddəti başa çatmış və yeni rejimi təmin etməyə qadir olmayan bir sıra ventilyatorlar yeniləri ilə əvəz edilib.

Metropolitendə münasib hava şəraitinin yaradılması, həm də stansiya və tunellərin təmizliyindən də asılıdır. Bunun üçün tunellərin yuyulma üsullarında dəyişikliklər edilib.

Onu da əlavə edək ki, IV İslam Həmrəyliyi Oyunları ərəfəsində stansiya və tunellərdə havanın mikroiqlim parametrləri ilə bağlı bir daha monitorinq keçirilib. Buna əsasən yarışların keçiriləcəyi və şəhər mərkəzinə yaxın stansiyalarda sərnişin axınının daha sıx və gur olması nəzərə alınaraq, stansiyaların iqlim şəratinin normativlər çərçivəsində saxlanılması xüsusi nəzarət altına götürülüb və ventilyatorların işi normaya uyğunlaşdırılıb.

03 May 2024 Məmurun təzyiqini qaldırdı, həbs edildi
03 May 2024 Cahangir Hacıyev aclıq aksiyasına başladı
03 May 2024 Tıxaclara əlvida! Nərimanovda yeni yol və tunel çəkilir!
03 May 2024 “Berqa”dan əhvalınızı dəyişəcək layihə
03 May 2024 Sabah 23° isti olacaq
03 May 2024 FHN-in Beynəlxalq Axtarış-Xilasetmə Dəstəsinin taktiki-xüsusi təlimindən - Video
03 May 2024 Biz necə uşaq tərbiyə edirik? - Sosioloq rəyi
03 May 2024 İçərişəhərə giriş məhdudlaşdırılacaq
03 May 2024 Taksidə qazla işləyən maşınlardan istifadə olunacaq?
03 May 2024 Şuşanın yeni məscidi belə olacaq - Video
02 May 2024 Bazar günü imtahan olacaq
02 May 2024 Kamal Kılıçdaroğlu həbs oluna bilər
02 May 2024 DİN-dən əməliyyat: Hindistan vətəndaşı saxlanıldı - Video
02 May 2024 Balıqçı mağazasına kəsici-deşici alətlər satılırmış - Video
01 May 2024 İyunda ardıcıl beş gün iş olmayacaq
01 May 2024 “Poz-Qazan” oyunlarında apreldə 12 böyük uduş qazanılıb
01 May 2024 50 aptekdə yoxlama aparıldı, 7-də nöqsan aşkarlandı
01 May 2024 Keçmiş gömrük əməkdaşının cəzası elan olundu
01 May 2024 Qubad İbadoğlu ilə bağlı yeni qərar verildi
01 May 2024 Şura telekanallarla bağlı bu statistikanı açıqladı
01 May 2024 Bas Bakıda elan etdi: Kainatı yenidən ixtira edək!
01 May 2024 Sərhədimizi pozan 26 nəfər saxlanıldı - DSX
01 May 2024 Rasim Tağıyevin oğlu həbs edildi
01 May 2024 Şimşək çaxacaq, dolu düşəcək
01 May 2024 “Bu gün həmin imkanlar artıq gerçəkdir” - Video
01 May 2024 Azərbaycanda yeni telekanal açıldı
30 Aprel 2024 Türkiyə ilə Rusiya arasında məsləhətləşmələr aparılacaq
30 Aprel 2024 Və XTQ yarandı... - Video
30 Aprel 2024 Yardımlı və Masallıya qazın verilişi bərpa olundu
30 Aprel 2024 May ayının havası: 35 dərəcə isti...