Şou-biznesin daha iki üzvü arasındakı gərginlik sona çatıb. “Qafqazinfo” xəbər verir ki, bir-birinə söz atan, qalmaqal yaşayan Günay İbrahimli ilə İradə İbrahimova münasibətlərini normallaşdırıb. 

Hətta, Günay ötən gün İradənin “Yaşananlar” mahnısını instaqramda paylaşaraq onun adını “tag” edib. Gənc ifaçı İbrahimovaya öpüş və ürək smayliki göndərib.  

Xatırladaq ki, iki sənətçi arasında soyuqluq uzun illərdir davam edir. Belə ki, onların arasında sonuncu qalmaqal “ATV maqazin onlarla” proqramında baş vermişdi. İradə Günayı Əməkdar artist Röya Ayxana bənzətdiyini, ailəsini ön plana çəkərək həmkarına acıq vermişdi. 

İbrahimli isə qeyd etmişdi ki, İradə ailə və ərindən kimisə “vurmaq” üçün istifadə edir.